Дар Қоҳира ҷаласаи дуюми Комиссияи муштараки байниҳукуматии Тоҷикистону Мисри Араб сурат гирифт
ДУШАНБЕ, 29.11.2019. /АМИТ «Ховар»/. 28 ноябр дар шаҳри Қоҳираи Ҷумҳурии Мисри Араб ҷаласаи дуюми Комиссияи муштараки байниҳукуматии Тоҷикистону Мисри Араб оид ба ҳамкории иқтисодӣ, илмӣ ва фаннӣ бо иштироки ҳамраиси қисми тоҷикистонии Комиссияи муштараки байниҳукуматии Тоҷикистону Мисри Араб оид ба ҳамкории иқтисодӣ, илмӣ ва фаннӣ, Вазири рушди иқтисод ва савдои Ҷумҳурии Тоҷикистон Неъматулло Ҳикматуллозода ва ҳамраиси қисми мисрии Комиссияи муштараки байниҳукуматии Тоҷикистону Мисри Араб оид ба ҳамкории иқтисодӣ, илмӣ ва фаннӣ, Вазири сармоягузорӣ ва ҳамкории байналмилалии Ҷумҳурии Мисри Араб Саҳар Наср ва ҳайатҳои расмии ду ҷониб баргузор гардид.
Дар ҷаласаи мазкур масъалаҳои мухталиф ва гуногунсамти ҳамкории дуҷониба, аз ҷумла ҳамкорӣ дар соҳаҳои тиҷорат, саноат ва фаъолият дар минтақаҳои озоди иқтисодӣ, сармоягузорӣ, кишоварзӣ, электроэнергетика ва энергияи барқароршаванда, гумрук, тандурустӣ, фарҳанг, таҳсилоти олӣ ва таҳқиқоти илмӣ, суғуртаи иҷтимоӣ, ВАО, коммуникатсия ва технологияи иттилоотӣ, археология, муҳандисӣ ва санъати меъморӣ, ҳифзи муҳити зист, ҷавонон, варзиш ва тарбияи ҷисмонӣ ва ҳамкорӣ байни палатаҳои савдои ду давлат мавриди муҳокима қарор дода шуданд.
Дар интиҳои маҷлис Протоколи ҷаласаи дуюми Комиссияи муштараки байниҳукуматии Тоҷикистону Мисри Араб оид ба ҳамкории иқтисодӣ, илмӣ ва фаннӣ ва як қатор санадҳои меъёрии ҳуқуқии дигар, аз ҷумла Ёддошти тафоҳуми ҳамкорӣ байни Корхонаи воҳиди давлатии «Тоҷинвест»-и назди Кумитаи давлатии сармоягузорӣ ва идораи амволи давлатӣ ва Кумитаи кулли сармоягузорӣ ва минтақаҳои озоди Миср «GAFI» дар бораи густариши муносибатҳои дуҷонибаи сармоягузорӣ, Ёддошти тафоҳум байни Вазорати фарҳанги Ҷумҳурии Тоҷикистон ва Вазорати фарҳанги Ҷумҳурии Арабии Миср оид ба ҳамкорӣ дар соҳаи фарҳанг ва Ёддошти тафоҳуми ҳамкорӣ байни Палатаи савдо ва саноати Ҷумҳурии Тоҷикистон ва Палатаи савдо ва саноати Ҷумҳурии Арабии Миср ба имзо расонида шуданд.
Ҷаласаи дуюми Комиссияи муштараки байниҳукуматии Тоҷикистону Мисри Араб оид ба ҳамкории иқтисодӣ, илмӣ ва фаннӣ кори худро дар фазои якдигарфаҳмӣ ва ҳусни тафоҳум ба анҷом расонид.
Имконоти иқтисодии Тоҷикистон бо ҳайати намояндагони ширкатҳои байналмилалии молиявӣ баррасӣ шуд
РАВАНДИ ОБИ ДУШАНБЕ. Форуми ҳамоҳангсозии Осиёи Марказӣ оид ба мониторинг, арзёбӣ ва моделсозии пешгӯии пиряхҳо ва криосфера баргузор гардид
РАВАНДИ ОБИ ДУШАНБЕ. Устувории низомҳои озуқаворӣ дар давраи камбуди ҷаҳонии об дар Душанбе баррасӣ гардид
Форуми байналмилалии «Об ва зеҳни сунъӣ – робитаи дуҷониба» баргузор гардид
Равиши ҳамгироёнаи идоракунии захираҳои об дар меҳвари Форуми 7-уми байналмилалӣ дар Душанбе қарор гирифт
РАВАНДИ ОБИ ДУШАНБЕ. Машварати минтақавии Осиё ва Уқёнуси Ором оид ба Конфронси оби СММ баргузор гардид
Султон Раҳимзода: «Тоҷикистон имконияти бузурги таъмини кишварҳои Осиёи Марказӣ ва ҳатто Осиёи Ҷанубиро бо барқи «сабз» дорад»
РАВАНДИ ОБИ ДУШАНБЕ. Форуми «Об ва хатарҳои иқлимӣ: илм, мониторинг ва идоракунӣ» баргузор шуд
Дар ноҳияи Бобоҷон Ғафуров ҷамъоварии маҳсулоти барвақтӣ идома дорад
25 МАЙ — РӮЗИ КОРМАНДОНИ СОҲАИ СТАНДАРТИЗАТСИЯ ВА МЕТРОЛОГИЯ. 80 фоизи савдои ҷаҳонӣ аз стандартҳо вобаста аст
Форуми сафарбаркунии сармоягузориҳои хусусӣ ва маблағгузории инноватсионӣ барои инфрасохтори об дар кишварҳои рӯ ба тараққии маҳсур дар хушкӣ оғоз шуд
Сокинони Ҷамоати деҳоти «Чорбоғ»-и ноҳияи Қубодиён дар таъмини амнияти озуқаворӣ саҳм мегузоранд
