Фаъолони ҲХДТ аз НБО «Роғун» боздид намуданд

Ноябрь 6, 2019 09:43

ДУШАНБЕ, 06.11.2019 /АМИТ «Ховар»/. Бо дастури Кумитаи иҷроияи марказии Ҳизби Халқии Демократии Тоҷикистон  ва дастуру супоришҳои роҳбарияти кумиҷроияи вилоятии ҳизб 4 ноябр фаъолони ҳизб бо сарварии раиси кумиҷроия Наим Маликисломӣ, ҳамчунин рӯзноманигорону нависандагон, кормандони иттифоқи касабаи коркунони соҳаи нафт, кимиё ва саноати маҳаллӣ дар вилояти Суғд аз ҷараёни сохтмони Неругоҳи барқи обии «Роғун» дидан карданд.

Дар ҷараёни шиносоӣ  сардори Раёсати назорати техникии ҶСК НБО «Роғун» Миралӣ Аҳмадов зикр намуд, ки айни ҳол корҳои сохтмонӣ дар агрегати сеюми неругоҳ бо маром идома дошта, беш аз 17 ҳазор нафар сохтмончиён дар он фаъолияти бонизом доранд. Зикр  карда шуд, ки иқтидори лоиҳавии НБО «Роғун» 3600 МВт буда, он аз 6 агрегати 600 МВт иборат хоҳад буд. Баландии сарбанди он 335 метр муайян шудааст, ки дар ҷаҳон ҳамто надорад. Неругоҳ дар ҳолати пурра ба кор даромадан дар як сол метавонад 13,3 млрд. кВт/соат неруи барқ ҳосил намояд.

Дар идомаи сафар гурӯҳи корӣ аз ҷараёни сарбандҳо, нақбҳои обгузар, толори Дастгоҳи тақсимкунандаи пӯшидаи элегазии Неругоҳи барқи обии «Роғун» дидан карданд.

Маҳз аз ҳамин толор тавассути дастгоҳҳои истеҳсоли ширкати бонуфузи ҷаҳонӣ неруи барқи дар НБО “Роғун” истеҳсолшаванда ба хатҳои баландшиддат интиқол дода мешавад.

Дар мулоқот бо аъзои фаъоли ҲХДТ бо сохтмончиён  раиси Кумитаи иҷроияи ҲХДТ дар шаҳри Хуҷанд Наим Маликисломӣ сохтмончиёнро бо рӯзи қабули Конститутсия табрик намуда, баён дошт, ки мардуми шарифи Тоҷикистон ва ҷомеаи ҷаҳонӣ шоҳид аст, ки таваҷҷуҳи Ҳукумати Ҷумҳурии Тоҷикистон ба соҳаи гидроэнергетика ва бунёди иқтидорҳои нави энергетикӣ дар даврони истиқлол ҷиҳати некуаҳволии мардуми мамлакат ва таҳкими мавқеи давлати соҳибистиқлоламон на танҳо дар Осиёи Марказӣ, балки дар арсаи байналмилалӣ самараҳои нек ба бор оварда истодааст. Ҷасорату мардонагӣ, фидокориву фарҳанги сулҳофарӣ, тадбирандешиву хиради азалӣ ва қалби саршор аз муҳаббати халқу ватани Пешвои маҳбуби миллат муҳтарам Эмомалӣ Раҳмон маълуми оламиён аст. Корнамоиҳои ин фарзанди фарзонаи миллат роҳнамои наслҳо ба сўйи ояндаи дурахшон ва шукуфоиву боландагӣ мебошад. Таърихи даврони истиқлол гувоҳ аст, ки бузургтарин иншооти аср- лоиҳаи азими гидроэнергетикии мамлакат – НБО “Роғун” маҳз бо ташаббусҳои созанда ва тадбирҳои саривақтиву воқеъбинонаи Пешвои миллат дубора эҳё гардида, кунун самараҳои аввалини он бор меоваранд.

 

Ноябрь 6, 2019 09:43

Хабарҳои дигари ин бахш

«Паём — ҳуҷҷати раҳнамо дар фаъолияти минбаъдаи ҳар як сокини Тоҷикистон»,- бардошт аз вохӯрӣ бо сокинони ноҳияи Абдураҳмони Ҷомӣ
Дар Душанбе масъалаи татбиқи Саҳмҳои Муайяншудаи Миллӣ ва таҳияи нақшаи маблағгузории иқлим дар Тоҷикистон баррасӣ карда шуд
Дар ҷаласаи Шӯрои ҷамъиятӣ Паёми Президенти Тоҷикистон ба Маҷлиси Олии Ҷумҳурии Тоҷикистон тавзеҳ дода шуд
Истеъмоли аз ҳад зиёди равғани зард боиси дилбеҳузурии 48 нафар сокинони ноҳияи Шамсиддини Шоҳин шуд
ВАҲШОНИЯТИ ТОЛИБОН*. Низоме, ки зан-модарро таҳқир мекунад ва бо рафтори ҷоҳилонааш тамаддуни башариро аз байн мебарад, мубтало ба фаност
Хадамоти алоқаи Тоҷикистон барои беҳтар намудани сифати хизматрасонии алоқаи мобилӣ ва интернет тадбир меандешад
Ваколатдор оид ба ҳуқуқи инсон ҳодисаҳои фоҷиабори зери ях мондани ноболиғонро аз беназоратии волидон медонад
ПЕШГӮИИ АГЕНТИИ ОБУҲАВОШИНОСӢ: Дар Тоҷикистон рӯзҳои охири моҳи январ ҳавои тағйирёбандаи бебориш мешавад
ТАЪМИНИ АМНИЯТИ МАФКУРАВӢ-АСОСИ СУБОТИ ҶОМЕА. Андешаҳои узви КМИР Махфират Хидирзода дар ҳошияи Паёми Президенти Тоҷикистон ба Маҷлиси Олии Ҷумҳурии Тоҷикистон
Дар Тоҷикистон Озмуни ҷумҳуриявии мақолаи беҳтарин оид ба ҳифзи пиряхҳо баргузор карда мешавад
«СОЛИ 2023-СОЛИ ҲИФЗИ МЕҲНАТ». 25 январ дар Тоҷикистон Рӯзи кормандони соҳаи меҳнат ва ҳифзи иҷтимоии аҳолӣ таҷлил карда мешавад
Дар натиҷаи сангрезӣ дар Рӯшон се манзили истиқоматии сокинон хароб гардидааст