Раиси шаҳри Душанбе Рустами Эмомалӣ бо Раиси Конфедератсияи умумиҷаҳонии варзиши миллӣ Наҷмиддин Билол Эрдуғон мулоқот намуд

Ноябрь 28, 2019 18:12

ДУШАНБЕ, 28.11.2019. /АМИТ «Ховар»/. Имрӯз Раиси шаҳри Душанбе Рустами Эмомалӣ бо ҳайати намояндагони Ҷумҳурии Туркия таҳти сарварии Раиси Конфедератсияи умумиҷаҳонии варзиши миллӣ Наҷмиддин Билол Эрдуғон, ки бо сафари корӣ дар Ҷумҳурии Тоҷикистон қарор дорад, мулоқот намуд.

Тавре аз Раёсати иттилоот ва робитаҳои хориҷии дастгоҳи Раиси шаҳри Душанбе ба АМИТ «Ховар» хабар доданд, дар ҷараёни мулоқот ҳолати кунунӣ ва дурнамои ҳамкории дуҷониба ва бисёрҷонибаи тарафайн мавриди муҳокима қарор дода шуд.

Маҳаки асосии музокиротро масъалаҳои ба роҳ мондани ҳамкориҳо дар чаҳорчӯбаи Конфедератсияи умумиҷаҳонии варзиши миллӣ ташкил дод.

Тазаккур дода шуд, ки ҳамкориҳои мақомоти иҷроияи ҳокимияти давлатии шаҳри Душанбе бо сохторҳои Ҳукумати Туркия торафт густаришу тақвият меёбад ва имрӯз дар пойтахти Тоҷикистон наздики 20 ширкати маъруфи Туркия намояндагиҳои худро ифтитоҳ намудаанд.

Ба ин ҳамкорӣ, робитаҳои бародаршаҳрӣ байни пойтахтҳои ду кишвар — шаҳрҳои Душанбе ва Анқара, ки аз 11 декабри соли 2003 сарчашма мегиранд, бо мазмуну мундариҷаи нав такони ҷиддӣ мебахшанд.

Яке аз самтҳои ҳамкории байни ду кишварро робитаҳои варзишӣ ташкил медиҳанд.

Тазаккур дода шуд, ки дар Ҷумҳурии Тоҷикистон соҳаи варзиш фаъолона рушд меёбад.

Дар баробари намудҳои анъанавӣ — футбол, гӯштин, волейбол, камонварӣ, гурзпартоӣ, таэквандо, бокс, инчунин намудҳои варзиши миллӣ, аз қабили аспдавонӣ, гӯштингирӣ, чавгонбозӣ ва ғайра хеле маъмул мебошанд ва ҳамасола дар арафаи ҷашни Наврӯз дар тамоми шаҳру ноҳияҳои кишвар мусобиқаҳои зиёди аспдавонӣ, гӯштини миллӣ, чавгонбозӣ ва ғайра гузаронида мешавад.

Барои ташаккул ва оммавигардонии варзиши миллӣ дар Тоҷикистон Кумитаи ташкилии гузаронидани Бозиҳои миллӣ таъсис дода шудааст.

Дар ҷараёни вохӯрӣ дигар масъалаҳои мавриди таваҷҷуҳи тарафайн баррасӣ гардиданд.

Ноябрь 28, 2019 18:12

Хабарҳои дигари ин бахш

Дар Душанбе даври дуюми Озмуни ҷумҳуриявии «Ҳунарманди сол» баргузор мегардад
Дар асоси қарори Раиси шаҳри Душанбе Клуби «Волонтёрони экологӣ» таъсис дода шуд
Ҳаракати воситаҳои нақлиёт дар ҳалқаи кӯчаи Дӯстии халқҳо пайваст ба кӯчаи Меҳнат муваққатан қатъ мегардад
«ТУ ҚАЛБИ ТОҶИКИСТОНӢ, ДУШАНБЕ!». Озмуни шаҳрии шеър ва суруди беҳтарин оғоз мегардад
Ҷаласаи навбатии Шурои Маҷлиси намояндагон баргузор шуд
«САЙРИ МЕҲРГОН». Дар доираи ин хатсайр меҳмонони хориҷӣ бо таъриху суннатҳои ин ҷашни бостонӣ шинос шуданд
ТАНБАШАВИИ РОҲ. Барои аз байн бурдани ин мушкилӣ чӣ бояд кард?
Дар Душанбе барои таҷлили Рӯзи Президенти Ҷумҳурии Тоҷикистон омодагӣ мебинанд
«САЙРИ МЕҲРГОН». Дар Душанбе ба макони таҷлили ин ҷашн хатсайри сайёҳии ройгон ташкил карда мешавад
Дар Душанбе барои таҷлили Рӯзи Конститутсияи Ҷумҳурии Тоҷикистон омодагӣ мебинанд
ОБ ЗАХИРА НАМОЕД! Дар баъзе маҳаллаҳои шаҳри Душанбе интиқоли оби нӯшокӣ қатъ мегардад
«ШАҲРҲОИ ОЯНДА: БЕХАТАР, САБЗ ВА ҲУШМАНД». Дар ҷаласаи махсуси Форуми «Dushanbe Invest – 2025» 17 созишнома ва ёддошти тафоҳум ба имзо расид