Таъмиру таҷдиди роҳи мошингарди маркази ноҳияи Ванҷ пурра ба анҷом расид

Ноябрь 12, 2019 15:51

ХОРУҒ, 12.11.2019 /АМИТ «Ховар»/. Таъмиру таҷдиди роҳи мошингарди кӯчаи марказии ноҳияи Ванҷ пурра ба анҷом расид. Сутунҳои чароғҳои барқӣ аз ду тарафи роҳ дар масофаи зиёда аз 3 километр ба мусофирон имконият медиҳанд, ки онҳо бе мушкилӣ дар кӯчаи марказӣ сайру гашт намоянд.

Муовини аввали раиси ноҳия Азимҷон Шамсиддинзода гуфт, ки «чанд сол пеш роҳи марказӣ воқеан хеле хароб, тангу торик ва пур аз обу лой буд. Ҳоло симои он ба таври куллӣ тағйир ёфтааст. Роҳҳои мошингард ва пиёдагард мумфаршу васеъ ва равшан шудаанд».

Дар мулоқоти ахири худ дар ин ноҳия Пешвои миллат ба сохторҳои марбутаи ҷумҳурӣ дастур дод, ки ободкорию созандагиро идома дода, роҳҳои мошингарду пиёдагарди деҳоти атрофи маркази ноҳияро васеъ ва мумфарш намоянд.

Бо дастури Пешвои миллат барои навсозӣ ва мумфаршкунии роҳҳои мошингарду пиёдагард ва чароғонкунӣ 13 миллион сомонӣ ҷудо карда шуд. Корҳои сохтмониро Ҷамъияти масъулияташ маҳдуди «Роҳи тоҷик» ба уҳда гирифта, тамоми техникаву механизмҳои муосири роҳсозӣ ба ин ноҳия интиқол дода шуданд. То имрӯз роҳсозон ба маблағи 536 ҳазор сомонӣ корҳои сохтмониро ба анҷом расонданд.

Намояндаи Вазорати нақлиёти ҷумҳурӣ Ғулом Алиев гуфт, ки «қариб нисфи роҳи мошингарду пиёдагарди ду кӯчаи маркази ноҳия мумфарш гардонида шудааст. Ҳоло коргарон ҷӯйборҳои сари роҳро, ки боиси харобии роҳ мегарданд, аз нав бунёд мекунанд. Ба сифати кори коргарон ҳам мутахассисони Вазорати нақлиёт ва ҳам мақомоти иҷроияи ҳокимияти давлатии ноҳияи Ванҷ аҳамияти ҷиддӣ равона кардаанд. Кӯшиш мекунем, ки роҳҳои мошингард ва пиёдагарди ноҳия пурра таъмиру тармим шуда, солҳои тӯлонӣ ба мардум хизмат расонанд».

Ноябрь 12, 2019 15:51

Хабарҳои дигари ин бахш

Фестивали чоруми дӯстии ҷавонони шаҳри Душанбе баргузор гардид
«БАЧА АЗИЗ, ОДОБАШ АЗ ОН АЗИЗТАР…». Ба таълиму тарбияи фарзандон набояд бетарафӣ зоҳир намуд
Маркази тадқиқоти стратегии Тоҷикистон ва Институти байналмилалии Осиёи Марказӣ масоили ҳамкории илмию таҳлилиро баррасӣ намуданд
35-СОЛАГИИ ИСТИҚЛОЛИ ДАВЛАТӢ. Беморхонаи марказии ноҳияи Темурмалик пурра навсозӣ гардид
ЗАБОН ДОНӢ-ҶАҲОН ДОНӢ. Аз 1 апрел кормандони мақомоти давлатӣ, худидоракунии маҳаллӣ ва ташкилотҳои давлатӣ ба омӯзиши ҳатмии забонҳои хориҷӣ фаро гирифта мешаванд
Дар ноҳияи Айнӣ сеюмин ҳамоиши гирандагони стипендияи президентӣ баргузор шуд
НАВРӮЗИ ХУҶАСТАПАЙ МУЖДАИ НЕКИ БАҲОРИ ХУРРАМ. Дар Суғд Ҷашни байналмилалии Наврӯз бо шукуҳи хоса таҷлил шуд
Тоҷикистон терроризму ифротгароиро қотеона маҳкум менамояд
24 МАРТ — РӮЗИ ҶАҲОНИИ МУБОРИЗА БО БЕМОРИИ СИЛ. Ҳадаф аз он огоҳӣ, пешгирӣ ва мубориза бар зидди ин беморӣ мебошад
ИМРӮЗ ДАР ТОҶИКИСТОН — РӮЗИ ГУЛ ВА НИҲОЛШИНОНӢ. Соли 2023 дар ҷумҳурӣ беш аз 1 миллион бех ниҳоли дарахтони гуногун шинонида шуд
МАСЛИҲАТИ МУТАХАССИС. Истеъмоли гулкарам масунияти инсонро боло мебардорад
МАСЛИҲАТИ МУТАХАССИС. Истеъмоли ғизои солим беҳтарин роҳи ҳифзи солимии шахс мебошад