Ҳунарманди халқии Россия Наталя Гвоздикова дар бораи ҳаёт, фаъолияти ҳунарӣ ва таассуроташ аз Тоҷикистон нақл кард

Ноябрь 19, 2019 16:04

 ДУШАНБЕ, 19.11.2019 /АМИТ «Ховар»/. Бо нақл дар бораи зиндагии хеш –овони кӯдакӣ,  падару модар ва оила мулоқоти Ҳунарпешаи  халқии Россия, актрисаи театр ва кино Наталя Гвоздикова бо устодону донишҷӯёни Донишгоҳи (славянии) Россияву Тоҷикистон оғоз ёфт.

Наталя Гвоздикова дар шаҳри хурди Борзя, воқеъ дар вилояти Чита таваллуд шудааст. Волидони ӯ боз як духтари дигар  бо номи Людмила доштанд, ки вай ҳамроҳи Аркадий Райкин дар театри давлатии миниатюраҳои Ленинград ҳунарнамоӣ  мекард. Шояд таъсири ҳамин буд, ки Наталя низ касби актёриро интихоб намуд. «Падари ман шахси ҳарбӣ ва хеле ҷиддӣ  буд, модарам тамоми умрашро  ба тарбияи  ман ва хоҳарам бахшидааст. Мо пайваста аз як шаҳр ба шаҳри дигар  мекӯчидем, аммо модар  дар муҷаҳҳаз намудани хона ончунон нозук буд,  ки мо ҳамеша роҳат будем. Яъне, ҳеҷ гоҳ  аз шаҳр ба шаҳри дигар рафтанамонро эҳсос  наменамудем»,- гуфт актриса.

 Зимни суҳбат ҳунарпешаи маъруф гуфт, ки пеш аз бозгашт ба ватан ӯ мехоҳад қабри дӯсти наздикаш Малика Собироваро зиёрат кунад. “Малика балеринаи муваффақ ва  инсони  олӣ буд. Ман  муддати тӯлонӣ бо ӯ ва аҳли оилааш дӯстӣ  доштам. Кунун зиёд мехоҳам   марқади ӯро бубинам ”,- гуфт Наталя Гвоздикова.

Наталя Гвоздикова дар идомаи сухан таассуроти худро дар бораи Тоҷикистон нақл кард. «Мамлакати афсонавӣ буда, мардуми хеле меҳрубону  меҳмоннавоз ва  фарҳанги бой дорад.  Боду ҳавояш ба ман хеле писанд аст. Бо вуҷуди он  ки аллакай нимаи моҳи ноябр аст, ҳанӯз ҳам ҳаво гарму форам  ва  тамоми атроф сабзазор  аст»,- изҳор намуд ҳунарпеша.

Актриса дар бораи касби душвор, вале хеле ҷолибаш, дар бораи нақшҳое, ки ӯ бозидан мехоҳад ва ҳам онҳое, ки  худ  комилан рад мекунад, нақл намуд. «Ман ҳеҷ гоҳ нақшҳоямро  бо ҳаёти худ ҳамроҳ намекунам. Зеро онҳо аз ҷиҳати психологӣ  гуногун ва хеле мураккабанд. Дар бораи қаҳрамонони филмҳоям ҳамеша дар шахси сеюм сухан мегӯям. Нақшҳо  сарнавишти инсонҳои  дигарро таҷаллӣ медиҳанд. Ман худро ҳеҷ гоҳ ситора намепиндорам, ситораҳо  дар осмон ва одамон дар рӯи замин ҳастанд. Табиатан хоксориро дӯст медорам»- гуфт ӯ.

Бояд зикр кард, ки Наталя Гвоздикова бо  шавҳараш Евгений Жариков дар 15 филм дар нақши зану шавҳар бозӣ кардаанд. Дар се филм ба ӯ зарур омада буд, ки бимирад.

Дар ҷараёни мулоқот порчаҳо аз филмҳое намоиш дода шуданд, ки дар онҳо Наталя Гвоздикова нақшҳои маъруфи худро — «Зодаи инқилоб», «Танаффуси калон», «Деҳқонхонум» ва ғайраҳо ба намоиш гузошта шуданд.

Мулоқот дар доираи Ҳафтаи кинои Россия, ки 20 ноябр дар Душанбе ба анҷом мерасад, баргузор шуд. Ҳунарпеша  дар ҳайати расмии кинематографистони маъруфи Федератсияи Россия дар Тоҷикистон қарор дорад.

Ноябрь 19, 2019 16:04

Хабарҳои дигари ин бахш

АРҶ МЕГУЗОРЕМ. Дар Бохтар Осорхонаи Ҳунарпешаи халқии Тоҷикистон Аловуддин Абдуллозода таъсис меёбад
«КУРУШИ КАБИР»-ЛОИҲАИ НАВИ БАЛЕТ. Ба наздикӣ он дар Душанбе рӯнамоӣ мегардад
Тоҷикистон ҳуҷҷатҳои дахлдорро барои ба номинаи объектҳои мадании ЮНЕСКО ворид шудани Мамнуъгоҳи «Бешаи палангон» пешниҳод намуд
Дар Тоҷикистон Озмоишгоҳи таҳқиқотӣ-сотсиологии фарҳанг ва воситаҳои ахбори омма ифтитоҳ ёфт
Пагоҳ Вазорати нақлиёт, Агентии авиатсияи гражданӣ, Хадамоти назорати давлатии бехатарии корҳо дар саноат ва соҳаи кӯҳкорӣ ва Саридораи геология нишасти матбуотӣ баргузор менамоянд
Имрӯз Кумитаи рушди маҳал, Кумитаи ҳифзи муҳити зист, Агентии беҳдошти замин ва обёрӣ, Агентии хоҷагии ҷангал нишасти матбуотӣ баргузор менамоянд
Вазорати фарҳанг: «Аз ҳисоби Фонди захиравии Президенти Ҷумҳурии Тоҷикистон 21 номгӯй китоб ба нашр расид»
Номинаи муштараки «Санъати зарҳалкорӣ» барои қабул ба рӯйхати Феҳристи мероси фарҳанги ғайримоддии ЮНЕСКО пешниҳод карда шуд
Пагоҳ Кумитаи рушди маҳал, Кумитаи ҳифзи муҳити зист, Агентии беҳдошти замин ва обёрӣ, Агентии хоҷагии ҷангал нишасти матбуотӣ баргузор менамоянд
«Соли 2022 бори аввал дар Тоҷикистон Бозиҳои Делфӣ баргузор гардид»,- бардошт аз нишасти матбуотии Вазорати фарҳанг
ДАСТОВАРДИ ФАРҲАНГӢ. Хонандагони шаҳри Душанбе дар Олмон сазовори Гран-при ва ҷойи якум шуданд
Имрӯз дар вазоратҳои энергетика ва захираҳои об, кишоварзӣ, фарҳанг ва Хадамоти алоқа оид ба ҷамъбасти соли 2022 нишасти матбуотӣ доир карда мешавад