ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН. Бо бунёди маркази саломатии замонавӣ дар Мастчоҳ симои он ба шаҳр монанд мешавад

Декабрь 9, 2019 12:50

ДУШАНБЕ, 09.12.2019 /АМИТ «Ховар»/. Бахшида ба Солҳои рушди деҳот, сайёҳӣ ва ҳунарҳои мардумӣ  дар маҳаллаи «40-солагии Дилварзин»-и Ҷамоати деҳоти Палдораки ноҳияи Мастчоҳ Маркази саломатии деҳоти «40-солагии Дилварзин» бунёд гардид. Он дар доираи татбиқи Лоиҳаи «Беҳтаркунии хизмати тиббӣ» бо маблағи 1 миллиону 165 ҳазору 570 сомонӣ аз тарафи пудратчӣ ҶДММ «Икром — Сохтмон» бунёд шудааст.  Бинои навбунёд  якошёна буда,  аз 7 ҳуҷра- доругузаронӣ, табиби оилавӣ, ёрирасон, хатна, муоинаи бонувон, таҳлилгоҳ ва сабтгоҳ иборат мебошад.

Дар ин бора аз Мақомоти иҷроияи хокимияти давлатии ноҳияи Мастчоҳ ба АМИТ «Ховар» хабар доданд.

Маркази саломатӣ  барои 4,5 ҳазор нафар аҳолӣ пешбинӣ шуда, бо 85 номгўй таҷҳизоти тиббӣ ва 24 намуд ҷиҳози тиббӣ, ки маблағи умумии онҳо зиёда аз 260 ҳазор сомониро дар бар мегирад, таҷҳизонида шудааст.

Дар маросими ба истифода додани маркази саломатӣ Раиси ноҳияи Мастчоҳ Ғайрат Азиззода, муовини якуми Вазири тандурустӣ ва ҳифзи иҷтимоии аҳолии Ҷумҳурии Тоҷикистон Саида Умарзода, муовини Раиси вилояти Суғд Зайнура Азимӣ ва кормандони соҳаи тандурустӣ иштирок намуданд.

Раиси ноҳияи Мастчоҳ Ғайрат Азиззода зикр намуд, ки рушди соҳаи тандурустӣ яке аз самтҳои асосии сиёсати иҷтимоии давлату Ҳукумати мамлакат мебошад. Тавре дар Паёми Асосгузори сулҳу ваҳдати миллӣ – Пешвои миллат, Президенти мамлакат муҳтарам Эмомалӣ Раҳмон таъкид гардидааст: «Мо ба солимии ҷомеа ва ҳифзи иҷтимоии аҳолӣ диққати махсус дода, инфрасохтори муассисаҳои тиббӣ ва ҳифзи иҷтимоии аҳолиро мунтазам тавсеа ва таҳким мебахшем».

Зикр шуд, ки ҳоло дар 19 шаҳру ноҳияи мамлакат «Барномаи кафолатҳои давлатӣ оид ба таъмини аҳолӣ бо кумаки тиббию санитарӣ дар ноҳияҳои таҷрибавии Ҷумҳурии Тоҷикистон барои солҳои 2017-2019» амалӣ гардида, ин таҷриба давра ба давра тамоми мамлакатро фаро мегирад. Давоми се соли оянда дар ҷумҳурӣ беш аз 560 беморхонаву марказҳои саломатӣ ва дигар иншооти соҳаи тандурустӣ бунёд карда мешаванд.

Ёдовар мешавем, ки дар маркази саломатии деҳоти «40-солагии Дилварзин» 3 нафар табиб, 6 корманди миёна ва 2 корманди хурди тиббӣ барои ҳифзи саломатии мардум ба кор ҷалб карда шудаанд. Фаъолияти маркази саломатии мазкур имконият медиҳад, ки аҳолии маҳалла аз хизматрасониҳои замонавии тиббӣ баҳраманд гардида, саломатию тандурустии худро беҳтар намоянд.

Декабрь 9, 2019 12:50

Хабарҳои дигари ин бахш

Дар Вашингтон дурнамои ҳамкории Тоҷикистон бо Хазинаи Байналмилалии Асъор баррасӣ шуд
Минтақаҳои озоди иқтисодии Тоҷикистон соли 2023 ба маблағи беш аз 445 миллион сомонӣ маҳсулот истеҳсол намуданд
Раиси Бонки миллии Тоҷикистон бо намояндагони ширкатҳои «Moody’s Investors Service» ва «De La Rue» масъалаи ҳамкориро баррасӣ намуд
Дурнамои макроиқтисодӣ бо назардошти номуайяниҳо дар бозори молиявӣ дар форуми Вашингтон баррасӣ гардид
Имрӯз дар Душанбе Форуми байналмилалии ихтироъкорон ва навоварон баргузор мешавад
РОҲ БА УҚЁНУСИ ҲИНД. Дар Теҳрон ҳайатҳои Тоҷикистон ва Эрон оид ба истифодаи бандари «Чобаҳор» гуфтушунид анҷом доданд
Кишоварзони шаҳри Турсунзода зиёда аз 370 тонна маҳсулоти барвақтии гармхонаҳоро ба аҳолӣ пешниҳод намуданд
Пиетро Салини: «Дар Италия бисёр ширкатҳое ҳастанд, ки мехоҳанд бо Ҳукумати Тоҷикистон ҳамкорӣ намоянд»
35-СОЛАГИИ ИСТИҚЛОЛИ ДАВЛАТӢ. Дар вилояти Хатлон 1303 синфхона бунёд мешавад
Тоҷикистон ва Фаронса ҳамкории саноатиро тақвият медиҳанд
Соҳибкорони Тоҷикистон ва Италия ба маблағи зиёда аз 160 миллион доллари амрикоӣ санадҳои дуҷонибаи ҳамкорӣ ба имзо расониданд
«ТОҶИКИСТОН-2024». Дар Душанбе аз 3 то 5 май Намоишгоҳи байналмилалии универсалӣ баргузор мегардад