Айём Хабиров дар чемпионати самбо соҳиби медали тилло гардид
ДУШАНБЕ, 16.12.2019 /АМИТ «Ховар»/. Самбочии Россия Айём Хабиров, ки зодаи Тоҷикистон аст, дар Чемпионати XXV Федератсияи умумиҷаҳонии самбои ҷангӣ соҳиби медали тилло гардид, хабар медиҳад рӯзноманигор Хилватшо Хоҷаев дар сомонаи фейсбукии худ.
«Боз як хушхабар!» Боз як қаҳрамони дигар! Инак, ғолиби Чемпионати ҷаҳон оид ба самбо боз зери парчами Тоҷикистон қарор дорад!», — чунин навиштааст Хоҷаев дар саҳифаи худ дар шабакаи иҷтимоӣ.
14 декабри соли равон Чемпионати умумиҷаҳонии самбои ҷангӣ дар шаҳри Твер анҷом ёфт. Хабиров дар вазни то 57 кило қувваозмоӣ намуд.
Зикр гардидааст, ки варзишгарро ба мусобиқа мураббии тоҷик Рустам Одинаев омода намудааст.
Дар қувваозмоӣ варзишгарони зиёда аз 30 кишвари ҷаҳон ширкат намуданд. Мусобиқа аз рӯи се намуд доир гардида, ҳамчунин як қатор бахшҳо барои кормандони сохторҳои қудратӣ ва соҳаи ғайридавлатии амният пешбинӣ шуда буд.
Тоҷикистонро варзишгари ММА Айём Хабиров намояндагӣ мекунад. Ӯ фаъолияти касбии хешро соли 2016 оғоз намуда, то ҳол дар 6 муҳориба ширкат варзида, 4 бор пирӯзӣ ба даст оварда, 2 маротиба мағлуб шудааст. Вай дар рақобатҳои гуногун бо ҳарифон Гаҷӣ Абдусаламов, Искандар Ризоев, Алехандер Лапигин рӯ ба рӯ шудааст.
ДАР АКС: Айём Хабировро Раиси Кумитаи ҷавонон ва варзиши назди Ҳукумати Ҷумҳурии Тоҷикистон Аҳтам Абдуллозода бо ғалабаи навбатӣ табрик мегӯяд. Акс аз бойгонӣ
«Регар-ТадАЗ» ба марҳилаи гурӯҳии Лигаи даъвати КФО-2026/27 роҳ ёфт
ҶОМИ ТОҶИКИСТОН-2026. Дастаҳои «Равшан» – «Хуҷанд» ва «Эсхата» – «Сардор» ба даври нимниҳоии мусобиқа роҳ ёфтанд
Дар Чемпионати ҷаҳон оид ба гӯштини миллӣ (гӯштингирӣ) варзишгарони зиёда аз 70 давлати ҷаҳон иштирок менамоянд
ВАРЗИШ — ПАЙКИ СУЛҲ, ДӮСТӢ ВА СОЗАНДАГӢ. Ҳамоиши фарҳангию фароғатӣ ва варзишию солимгардонӣ доир шуд
НИШАСТИ МАТБУОТӢ. Дар ноҳияи Шаҳритус аз рӯи 13 намуди варзиш машғулият гузаронида мешавад
10 АВГУСТ — РӮЗИ ВАРЗИШГАРОНИ ТОҶИКИСТОН. Теъдоди иншооти соҳаи варзиш беш аз 9 маротиба афзоиш ёфтааст
Дастаи мунтахаби Тоҷикистон дар Чемпионати расмии ҷаҳон оид ба ҷиу-ҷитсу соҳиби 9 медал гардид
Бахшида ба Рӯзи варзишгарони Тоҷикистон дар ноҳияи Фирдавсии пойтахт ҳамоиши тантанавӣ доир шуд
ФУТБОЛ. Доварони Тоҷикистон дар семинари доварони элитаи КФО дар Тошканд иштирок намуданд
Намояндагони Федератсияи футболи Тоҷикистон дар семинар барои комиссарони нави бозиҳои CAFA иштирок карданд
ФУТБОЛ. Пагоҳ бозиҳои даври 13-уми Чемпионати Тоҷикистон байни дастаҳои Лигаи олӣ оғоз мегардад
Варзишгари ҷавони тоҷик дар Чемпионати ҷаҳон оид ба гӯштини юнону румӣ соҳиби медали нуқра гардид
