Анҷумани 34-уми ғайринавбатии Ҳизби Коммунистии Тоҷикистон баргузор гардид
ДУШАНБЕ, 28.12.2019 /АМИТ «Ховар»/. 28 декабр дар шаҳри Душанбе таҳти раёсати Раиси Ҳизби Коммунистии Тоҷикистон Мироҷ Абдуллоев Анҷумани 34-уми ғайринавбатии Ҳизби Коммунистии Тоҷикистон баргузор гардид.
Хабарнигори АМИТ «Ховар» иттилоъ медиҳад, ки дар кори Анҷуман масоили вобаста ба фаъолияти ҳизб ва барномаю нақшаҳо дар давраи омодагӣ ба интихоботи даъвати нави Маҷлиси намояндагони Маҷлиси Олии Ҷумҳурии Тоҷикистон ва Маҷлисҳои маҳаллии вакилони халқ мавриди баррасӣ қарор гирифт.
Дар оғози кори Анҷуман Раиси Ҳизби Коммунистии Тоҷикистон Мироҷ Абдуллоев фаъолияти панҷсолаи ҳизбро таҳлилу баррасӣ намуд. Таъкид гардид, ки Ҳизби Коммунистии Тоҷикистон зери шиори «Адолати иҷтимоӣ-мароми ҳамешагии мост» нисбат ба арзишҳои умумибашарӣ тамоми тадбирҳои имконпазирро амалӣ мегардонад.
Имрӯз тибқи омори расмӣ, Ҳизби Коммунистии Тоҷикистон зиёда аз 34 ҳазор нафар аъзо дорад, ки 21 фоизашро занон ва 15 фоизро ҷавонон ташкил медиҳанд.
Баъди ворид кардани тағйиру иловаҳо «Оиннома» ва «Барнома»-и Ҳизби Коммунистии Тоҷикистонро аз нав тасдиқ намуданд.
Ҳамчунин Барномаи пешазинтихоботии Ҳизби Коммунистии Тоҷикистон, ки муҳимтарин самтҳои рушди иқтисодиву иҷтимоии мамлакат дар солҳои 2020-2025-ро дар бар мегирад, тасдиқ карда шуд.
Масъалаи дигари рӯзномаи Анҷуман пешбарии номзадҳо ба вакилӣ ба Маҷлиси намояндагони Маҷлиси Олии Ҷумҳурии Тоҷикистон аз ҳавзаи ягонаи умумиҷумҳуриявӣ аз ҳисоби аъзои фаъоли Ҳизби Коммунистии Тоҷикистон буд. Дар асоси талаботи Қонуни конститутсионии Ҷумҳурии Тоҷикистон «Дар бораи интихоботи Маҷлиси Олии Ҷумҳурии Тоҷикистон» номзадҳо пешбарӣ гардиданд.
Вакилони ҳизбӣ рӯйхати номзадҳои эҳтимолӣ ба вакили Маҷлиси намояндагони Маҷлиси Олии Ҷумҳурии Тоҷикистон аз ҳавзаи ягонаи умумиҷумҳуриявӣ, даъвати шашумро дар ҳайати 6 нафар тасдиқ намуданд.
Умед Бобозода ва Муҳаммад Рошид Ал-Амирӣ масоили ҳифзи ҳуқуқи инсонро баррасӣ намуданд
Бахшида ба ҷашни 35-солагии Истиқлоли давлатӣ дар шаҳри Душанбе барномаи фарҳангӣ доир шуд
Дар Душанбе ба муносибати Рӯзи кормандони соҳаи тиб ҳамоиши тантанавӣ баргузор гардид
Дар ноҳияи Восеъ бо иштироки Сарвазири Тоҷикистон иншооти иҷтимоӣ ва роҳҳои нав ба истифода дода шуданд
Эмомалӣ Раҳмон: «Ному осори Абуалӣ ибни Сино боиси сарфарозии тамоми инсоният гардидааст»
Эмомалӣ Раҳмон: «Саломатии аҳолӣ сарвати асосии давлат мебошад»
Бо дастури Пешвои миллат ба оилаи аз офати табиӣ зарардида дар Кӯлоб хонаи нави истиқоматӣ тақдим гардид
«ТАБЛИҒГАРОНИ ИСТИҚЛОЛ». Гурӯҳи тарғиботӣ — ташвиқотӣ дар ноҳияҳои Рӯдакӣ, Файзобод ва Шаҳринав дастовардҳои даврони соҳибистиқлолиро муаррифӣ намуд
Таъсиси Шурои роҳбарони мақомоти иҷрои маҷбурии кишварҳои аъзои ИДМ баррасӣ шуд
10 оилаи аз офати табиӣ зарардидаи деҳаи Баррӯшон соҳиби манзилҳои нав мешаванд
Бахшида ба Рӯзи кормандони хадамоти ҳолатҳои фавқулода ва мудофиаи гражданӣ ҳамоиши тантанавӣ доир шуд
ИМРӮЗ — РӮЗИ КОРМАНДОНИ ХАДАМОТИ ҲОЛАТҲОИ ФАВҚУЛОДА ВА МУДОФИАИ ГРАЖДАНӢ. Ҳифзи аҳолӣ аз ҳолатҳои фавқулода самти асосии фаъолияти ин ниҳод аст
