Дар Душанбе ҷаласаи солонаи Иттифоқи байналмилалии нависандагон ва табибон доир гардид

Декабрь 30, 2019 16:47

ДУШАНБЕ, 30.12.2019. /АМИТ «Ховар»/.  Дар шаҳри Душанбе масъалаи фаъолияти Иттифоқи байналмилалии  нависандагон ва табибон дар соли равон баррасӣ гардид. Дар ин бора  мухбири АМИТ «Ховар» иттилоъ медиҳад.

Дар ҷаласа фаъолияти солонаи Иттифоқи мазкур натиҷагирӣ карда шуда, иштирокдорон оид ба нуктаҳои муҳими Паёми навбатии Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон  муҳтарам Эмомалӣ Раҳмон изҳори назар намуданд.

Раиси Иттифоқи байналмилалии нависандагон ва табибон Муллозуҳур Тоҳирӣ зикр намуд, ки соли равон Иттифоқ бахшҳои худро дар Федератсияи Россия ва Ӯзбекистон таъсис дод.

«Инчунин мо нақша дорем, ки дар дигар мамлакатҳо бахшҳои худро таъсис дода, беҳтарин китобҳои нашрнамудаи олимони сатҳи ҷаҳониро барои пешравии илм ва беҳтаркунии солимии аҳолӣ ҷамъоварӣ, тарҷума, нашр ва дастраси сокинони мамлакат гардонем», — афзуд мавсуф.

“Зеро,- гуфт Муллозуҳур Тоҳирӣ, — бештар намудани китобхонӣ дар Паёми навбатии Пешвои миллат яке аз масъалаҳои меҳварӣ ба шумор рафта, дар ин замина Сарвари давлат ба ин масъала дастуру супоришҳои мушаххас доданд”.

«Ҳар як фарди бедордил бояд барои ғанӣ гардидани забони модарӣ ва омӯхтани забонҳои хориҷӣ кӯшиш кунад, ба мутолиаи китоб диққати аввалиндараҷа диҳад ва ҷиҳати баланд бардоштани маърифатнокии худ саъю талош намояд. Чунки тибқи таҳлилҳо, вақтҳои охир дур шудан аз китобхонӣ яке аз масъалаҳои нигаронкунанда дар байни хонандагону донишҷӯён ва омӯзгорони онҳо мебошад», — таъкид намуданд Президенти Ҷумҳурии Тоҷикистон зимни пешниҳоди Паёми навбатии худ ба Маҷлиси Олӣ.

Мақсади асосии Иттифоқи мо, гуфт Муллозуҳур Тоҳирӣ,  пойдории сулҳ дар рӯи ҷаҳон, солимию дарозумрӣ, ҳифзи табиати Тоҷикистон ва дӯстии халқҳо мебошад, ки аз сиёсати созандаву дурбинонаи Сарвари давлат муҳтарам Эмомалӣ Раҳмон сарчашма мегирад.

Мавриди зикр аст, ки Иттифоқи байналмилалии  нависандагон ва табибон моҳи марти соли 2018 таъсис ёфта, фаъолияти худро дар асоси оинномаву барномаи худ идома дода истодааст.

Роҳбарияти  Иттифоқ ният доранд, ки дар ҳамкорӣ бо намояндагони корпусҳои дипломатии муқими Тоҷикистон барои ҷалби нависандагон ва табибони мамлакатҳои мухталиф равобити худро густариш диҳанд.

Декабрь 30, 2019 16:47

Хабарҳои дигари ин бахш

Даври дуюми Фестивал-озмуни «Андалеб-2025» дар ноҳияи Рӯдакӣ аз рӯйи 12 номинатсия доир шуд
Дар ноҳияи Ёвон хонандагону омӯзгорон суханронии Сарвари давлатро ба муносибати Рӯзи дониш ва Дарси сулҳ тамошо карданд
Дар муассисаҳои таълимии вилояти Суғд соли нави таҳсил бо тамошои суханронии Пешвои миллат ба муносибати Рӯзи дониш оғоз гардид
Дар Истаравшан татбиқи Лоиҳаи «Фаъолият дар самти таъмини амнияти озуқавории Тоҷикистон» баррасӣ гардид
Имрӯз дар водиҳои Тоҷикистон ҳаво то 40 дараҷа гарм мешавад
34 СОЛИ ПУР АЗ САМАР. Мулоҳизаҳои директори Маркази тадқиқоти стратегӣ доир ба таҳкими Истиқлолияти давлатии Тоҷикистон
Имрӯз дар ноҳияҳои алоҳидаи Тоҷикистон чангу ғубор ба амал меояд
Омодагӣ ба ҷаласаи Комиссияи байниҳукуматӣ оид ба ҳамкории тиҷоратию иқтисодӣ байни Тоҷикистон ва Озарбойҷон баррасӣ гардид
Имрӯз дар шаҳри Душанбе ҳаво то 38 дараҷа гарм мешавад
Дар Конибодом ба хонандагон либосҳои мактабӣ ва ашёи хониш тақдим гардид
Дар Душанбе дар мавзуи «Навсозии Чин» конференсия баргузор гардид
Истиқлоли давлатӣ омили калидии сиёсати муваффақи Тоҷикистон дар арсаи байналмилалӣ аст