Дар Душанбе Маркази бузурги савдои «Прогресс» ба фаъолият оғоз намуд

Декабрь 21, 2019 18:02

ДУШАНБЕ, 21.12.2019 /АМИТ «Ховар»/.  Дар маҳаллаи 84-уми ноҳияи Синои шаҳри Душанбе маркази бузурги савдои «Прогресс» ба фаъолият оғоз намуд. Дар расми ифтитоҳи он намояндагони Сафорати Ҷумҳурии Беларус дар Ҷумҳурии Тоҷикистон,  коргоҳи «Прогресс»-и шаҳри Гомели Беларус ва соҳибкорон иштирок карданд.

Тавре мухбири АМИТ «Ховар» иттилоъ медиҳад, маркази савдои мазкур бо иқдоми соҳибкори ватанӣ Ҳабиб Пулодов, ки ҳамзамон намояндагии “Прогресс”-ро ба уҳда дорад, таъсис ёфта, дар он асосан маҳсулоти тайёр  пешниҳоди сокинон карда мешавад.

Гуфта мешавад, ки ҳадаф аз бунёди ин маркази савдои замонавӣ дар пойтахти мамлакат, қабл аз ҳама, таъмини сокинон бо мебелҳои хуштарҳи замонавӣ аз бузургтарин ширкатҳои пешрафтаи Беларус аст.

Тавре намояндаи ширкати «Прогресс» Ҳабиб Пулодов ба хабарнигори АМИТ «Ховар» иттилоъ дод, коргоҳи онҳо ба сифати тавлидкунандаи шинохтаи мебел, дар бозори ҷаҳонӣ муштариёни зиёд дорад. «Аз ин рӯ мо тасмим гирифтем, ки мардуми Тоҷикистонро бо ин гуна мебелҳо таъмин намоем.  Мо дар ин марказ бе миёнарав ва бо алоқаи наздик бо мизоҷон мебел истеҳсол ва ба фурӯш мегузорем», — афзуд мавсуф.

Бояд тазаккур дод, ки коргоҳи «Прогресс» соли 1963 дар шаҳри Гомели Беларус таъсис ёфта, ба тавлиди мебелҳои нарму хушсифат машғул аст.

Ба гуфти масъулин, феълан чунин мағозаҳои бузурги савдо бо номи «Прогресс» дар 200 давлати ҷаҳон фаъолият доранд.

Маркази бузурги савдо  инчунин барои таъсиси  сохторҳои нави тиҷоратӣ ва пешниҳоди маҳсулоти босифати аз ҷиҳати экологӣ безарар ва ҷавобгӯ ба талаботи замон ба мизоҷон низ мусоидати фаъол хоҳад кард.

Ҳамчунин дар марказ намунаи маҳсулоти барои мебел омодашуда пешниҳод мегардад, ки мизоҷон онро мувофиқ ба салиқа ва табъи худ интихоб мекунанд.

Ташкили чунин марказҳои савдо аз ҷониби соҳибкорон инчунин барои рушди иқтисоди миллӣ ва ташкили ҷойҳои нави корӣ замина фароҳам меорад.

Мавриди зикр аст, ки дар расми ифтитоҳи ин нуқтаи савдо ба 20 нафар харидори аввал бо тахфифи 15-фоиза маҳсулот пешниҳод гардид.

Ба истифода додани ин маркази замонавӣ имкон дод, ки  беш аз 6 нафар бо ҷойи кор ва маоши хуб таъмин гарданд.  Дар ин маркази бузурги савдо мебелҳои баландсифат ба муштариён пешниҳод карда шуда, ба тамоми молҳо 18 моҳ кафолат дода мешавад.

Ёдовар мешавем, ки таҳвил ва  васлу насби мебел ройгон ба роҳ монда шудааст. Масъулини ширкати «Прогресс»  нақша доранд, ки дар дигар шаҳру ноҳияҳои ҷумҳурӣ ҳамин гуна марказҳои  бузургро таъсис дода, сокинони  зиёдеро ба шуғли доимӣ фаро гиранд.

Декабрь 21, 2019 18:02

Хабарҳои дигари ин бахш

Дар Душанбе даври дуюми Озмуни ҷумҳуриявии «Нонпазӣ ва маҳсулоти нонӣ, қаннодӣ, ҳалвопазӣ, шириниҳои миллӣ ва муосир» доир карда мешавад
Раиси шаҳри Душанбе Рустами Эмомалӣ бо Ҳокими шаҳри Остона Женис Касимбек мулоқот намуданд
Дар Душанбе шумораи умумии воситаҳои нақлиёти мусофирбар 20 фоиз зиёд карда мешавад
Рустами Эмомалӣ: «80 фоизи таълимгирандагони таълимоти ғайриқонунии диниро ҷавонони то 30-сола ташкил медиҳанд»
Рустами Эмомалӣ: «Корҳо дар самти пешгирӣ ва коҳиш додани сатҳи амалҳои коррупсионӣ бояд тақвият дода шаванд»
Имрӯз таҳти роҳбарии Раиси шаҳри Душанбе Рустами Эмомалӣ ҷаласаи назоратӣ бо кормандони мақомоти ҳифзи ҳуқуқи пойтахт баргузор гардид
Раиси шаҳри Душанбе Рустами Эмомалӣ муассисаи таҳсилоти томактабии «Афрӯза»-ро мавриди истифода қарор доданд
Ғолибони даври шаҳрии озмунҳои «Беҳтарин ҳамсар» ва «Фарзанд – боғи падару модар» ба даври ҷумҳуриявӣ роҳ ёфтанд
Мақомоти шаҳри Душанбе шартномаи хариди 30 электробусро ба имзо расонид
Ҷаласаи кумитаи тадорукоти «Намоишгоҳи байналмилалии сайёҳии Душанбе» доир гардид
Ҳамкории Душанбе бо Фландрияи Шоҳигарии Белгия тақвияти бештар меёбад
Дар шаҳраку маҳаллаҳои ноҳияҳои Душанбе озмунҳои «Беҳтарин ҳамсар» ва «Фарзанд – боғи падару модар» гузаронида шуданд