Иштироки ҳайати Тоҷикистон дар Конфронси 8-уми вазирони корҳои хориҷии «Қалби Осиё /Раванди Истанбул»
ДУШАНБЕ, 10.12.2019 /АМИТ «Ховар»/. 9 декабр дар Истанбул Конфронси 8-уми вазирони корҳои хориҷии «Қалби Осиё/Раванди Истанбул» зери унвони «Сулҳ, шарокат, шукуфоӣ» доир гардид, ки дар он кишварҳо ва созмонҳои иштирокчии «Қалби Осиё/Раванди Истанбул» ширкат варзиданд. Дар ин бора АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Дар кори Конфронс ҳайати Ҷумҳурии Тоҷикистон таҳти роҳбарии Вазири корҳои хориҷии Ҷумҳурии Тоҷикистон Сироҷиддин Муҳриддин иштирок намуд.
Ба ҳамоиш Президенти Ҷумҳурии Исломии Афғонистон Ашраф Ғанӣ ва Президенти Ҷумҳурии Туркия Реҷеп Тайип Эрдоган бо суханрониҳои хеш ҳусни ифтитоҳ бахшиданд.
Вазири корҳои хориҷии Ҷумҳурии Тоҷикистон зимни ҷаласаи вазирон сухан гуфта, мавқеи созандаи давлати моро дар таъмини сулҳу субот ва шукуфоии кишвари ҳамсоя таъкид намуда, аз кишварҳои иштирокчӣ, мададрасон, созмонҳои байналмилалӣ ва минтақавӣ ҷиҳати мусоидати бештар дар равандҳои мусбати Ҷумҳурии Исломии Афғонистон даъват намуд.
Конфронс аз натиҷаи баррасиҳо Эъломияи Истанбулро қабул намуд. Бар асоси он раисии муштараки Қалби Осиё/Раванди Истанбул дар соли 2020 ба Ҷумҳурии Тоҷикистон мегузарад. Ин иқдоми ҷониби Тоҷикистон аз тарафи иштирокчиёни конфронс ҳамовозӣ пайдо намуд.
Дар ҳошияи Конфронс мулоқоти Вазири корҳои хориҷии Ҷумҳурии Тоҷикистон Сироҷиддин Муҳриддин бо Ёвари Котиби давлатии ИМА оид ба кишварҳои Осиёи Марказӣ ва Ҷанубӣ хонум Элис Уэллс баргузор гардид. Дар он масъалаҳои вобаста ба муносибат ва ҳамкории ду давлат мавриди баррасӣ қарор гирифтанд.
Акс аз ВК ҶТ
Дар Сафорати Тоҷикистон дар Швейтсария Рӯзи Ваҳдати миллӣ таҷлил карда шуд
Тоҷикистон ва Қатар бахшида ба Соли байналмилалии маърифати ҳуқуқӣ дар Женева чорабинӣ баргузор намуданд
Дар Вашингтон бо иштироки соҳибкорони Тоҷикистон ва ИМА мизи мудаввар баргузор шуд
Сафири Тоҷикистон ба Вазири корҳои хориҷии Давлати Кувайт нусхаи эътимоднома супорид
Ташаббусҳои ҷаҳонии Тоҷикистон дар соҳаи об ва иқлим дар Бангкок муаррифӣ шуданд
Дар Вашингтон дурнамои ҳамкории Тоҷикистон бо ИМА дар бахшҳои сиёсӣ ва илмӣ баррасӣ шуд
Густариши ҳамкории Тоҷикистон ва Амрико баррасӣ шуд
Байни Тоҷикистон ва Амрико машваратҳои сиёсӣ баргузор шуданд
Мафалда Дуарте: «Тоҷикистон дар пешбурди рӯзномаи ҷаҳонии иқлим мавқеи пешсаф дорад»
Ташаббуси навбатии ҷаҳонии Тоҷикистон дар чаҳорчӯби ИДМ муаррифӣ карда шуд
Ҳамкории Тоҷикистон бо Дафтари Комиссари олии Созмони Милали Муттаҳид оид ба паноҳандагон баррасӣ шуд
Тавсеаи ҳамкорӣ байни Тоҷикистон ва Эрон баррасӣ гардид
