«МИР» ДАР ХИЗМАТИ ШАҲРВАНДОНИ ТОҶИКИСТОН. Дар «Амонатбонк» трансаксияи* низоми нави пардохтҳо сурат гирифт
ДУШАНБЕ, 7.12.2019 /АМИТ «Ховар»/. Дар Тоҷикистон нахустин амалиёт бо корти «Мир»-и Россия сурат гирифт. Трансаксия дирӯз дар Бонки давлатии амонатгузории «Амонатбонк» аз ҷониби муовини директори генералии низоми пардохтҳои «Мир»-и ФР Сергей Бочкарев, ки дар Душанбе 6 декабр дар Форуми «Технологияҳои муосири пардохтӣ. Амалияи истифодабарии технологияҳои муосир дар соҳаи молиявӣ» иштирок намуд, гузаронида шуд.
Низоми «Мир»-и Россия охири соли 2018 бо низоми миллии пардохтҳои Тоҷикистон «Корти миллӣ» созишнома ба имзо расонид. Ҳамгироии низом бояд ба ҳисоббаробаркуниҳо бо пули миллӣ, инчунин рушди ҳамкории мутақобилан судманди иқтисодии ҳар ду давлат мусоидат кунад. Рӯзҳои наздик бонкҳои иштирокдори «Корти миллӣ» ба омодасозии банкоматҳо ва терминалҳои худ барои қабули кортҳои Россия дар қаламрави Тоҷикистон шурӯъ мекунанд.
ДАР АКС: муовини директори генералии низоми пардохтҳои «Мир» Сергей Бочкарев
Ба гуфтаи Сергей Бочкарев, бонкҳои шарики «Корти миллӣ» имкон доранд кортҳои низоми миллии Тоҷикистонро бо замимаи пардохти «Мир» дастрас намоянд. Ин ба дорандагони чунин кортҳо имконият медиҳад, ки онҳоро на танҳо дар Тоҷикистон, балки дар Россия, инчунин дар дигар кишварҳои ИДМ, ки дар он ҷо низоми пардохти «Мир» мавҷуд аст, истифода баранд.
«Мир» — низоми миллии пардохтҳои Россия аст. Иштирокдорони он 302 бонк мебошанд, ки қариб ҳамаи онҳо аллакай дар шабакаи дастгоҳҳои худ кортҳои «Мир»-ро қабул карда, хизмат мерасонанд. 159 бонк кортҳои «Мир»-ро бароварда истодаанд. Аллакай 69,7 миллион корт бароварда шудааст. Кортҳо дар хориҷа, аз ҷумла аз ҳисоби барномаҳои ко-бейҷингӣ бо низомҳои байналмилалии пардохт қабул карда мешаванд.
Тавре қаблан АМИТ «Ховар» хабар дода буд, Форуми «Технологияҳои муосири пардохтӣ. Амалияи истифодабарии технологияҳои муосир дар соҳаи молиявӣ» ва мавриди амал қарор додани лоиҳаи ҳамгироии низоми пардохтҳои «Корти миллӣ» ва «Мир» дар доираи ҳамкории пурсамари миёни Бонки миллии Тоҷикистон ва Бонки марказии Россия гузаронида шуданд.
____________________________________________
*Трансаксия (англ. bank transaction, аз лот. transactio – созишнома, шартнома) — ҳама гуна амалиёт бо истифодаи суратҳисоби бонкӣ.
РАВАНДИ ОБИ ДУШАНБЕ. Устувории низомҳои озуқаворӣ дар давраи камбуди ҷаҳонии об дар Душанбе баррасӣ гардид
Форуми байналмилалии «Об ва зеҳни сунъӣ – робитаи дуҷониба» баргузор гардид
Равиши ҳамгироёнаи идоракунии захираҳои об дар меҳвари Форуми 7-уми байналмилалӣ дар Душанбе қарор гирифт
РАВАНДИ ОБИ ДУШАНБЕ. Машварати минтақавии Осиё ва Уқёнуси Ором оид ба Конфронси оби СММ баргузор гардид
Султон Раҳимзода: «Тоҷикистон имконияти бузурги таъмини кишварҳои Осиёи Марказӣ ва ҳатто Осиёи Ҷанубиро бо барқи «сабз» дорад»
РАВАНДИ ОБИ ДУШАНБЕ. Форуми «Об ва хатарҳои иқлимӣ: илм, мониторинг ва идоракунӣ» баргузор шуд
Дар ноҳияи Бобоҷон Ғафуров ҷамъоварии маҳсулоти барвақтӣ идома дорад
25 МАЙ — РӮЗИ КОРМАНДОНИ СОҲАИ СТАНДАРТИЗАТСИЯ ВА МЕТРОЛОГИЯ. 80 фоизи савдои ҷаҳонӣ аз стандартҳо вобаста аст
Форуми сафарбаркунии сармоягузориҳои хусусӣ ва маблағгузории инноватсионӣ барои инфрасохтори об дар кишварҳои рӯ ба тараққии маҳсур дар хушкӣ оғоз шуд
Сокинони Ҷамоати деҳоти «Чорбоғ»-и ноҳияи Қубодиён дар таъмини амнияти озуқаворӣ саҳм мегузоранд
24 МАЙ — РӮЗИ БАЙНАЛМИЛАЛИИ МОРХӮР. Дар Тоҷикистон саршумори ин ҳайвони нодири пармашох ба 7 000 сар расидааст
Тоҷикистон ва Ҷумҳурии Корея ҳамкориро дар бахши шуғл ва омодасозии кадрҳо тақвият мебахшанд
