Намояндаи Тоҷикистон узви Маркази ягонаи илмӣ-омӯзишии Россия оид ба тайёр намудани номинатсияҳои мероси моддӣ ва ғайримоддӣ интихоб гардид
ДУШАНБЕ, 06.12.2019/ АМИТ «Ховар»/. Дар шаҳри Москваи Федератсияи Россия Конгресси байналмилалӣ зери унвони «Мероси умумиҷаҳонии давлатҳои ИДМ: фарҳанги моддӣ ҳамчун манбаи тараққиёт, тақвияти ҳамкорӣ ва гуфтушунид» баргузор гардид.
Тавре аз Вазорати фарҳанги Ҷумҳурии Тоҷикистон ба хабарнигори АМИТ «Ховар» иттилоъ доданд, ҳамоиш бо ташаббуси Вазорати фарҳанги Федератсияи Россия ва Пажӯҳишгоҳи илмӣ – тадқиқотии фарҳангӣ ва осори табиии ба номи Д.Лихачев доир гардид.
Дар Конгресси мазкур намояндагон аз Тоҷикистон, Қазоқистон, Озарбойҷон, Арманистон, Беларус, Молдова, Федератсияи Россия ва Дафтари ЮНЕСКО дар Россия ширкат доштанд. Тоҷикистонро дар конгресс сардори шуъбаи ҳифз ва истифодаи мероси таърихию фарҳангии Вазорати фарҳанги Ҷумҳурии Тоҷикистон Шералӣ Хоҷаев намояндагӣ намуд.
Мақсад аз баргузории Конгресс-ин баррасии масъалаи таъсиси Маркази ягонаи илмӣ-омӯзишии Федератсияи Россия бо ҷалби мутахассисони касбӣ аз давлатҳои аъзои ИДМ ҷиҳати тайёр намудани номинатсияҳои мероси моддӣ ва ғайримоддӣ, пешниҳоди ҳуҷҷатгузории ёдгориҳои мероси манқул ва ғайриманқули таърихию фарҳангӣ ва табиӣ ба рӯйхати ЮНЕСКО буд.
Бино ба иттилои манбаъ, зимни Конгресси мазкур ҷаласаи интихобӣ гузаронида шуда, аъзои Шӯрои таҳлилгарони ёдгориҳои мероси манқул ва ғайриманқули таърихию фарҳангӣ ва табиии ИДМ интихоб гардиданд.
Аз миёни иштироккунандагони узви ИДМ намояндаи Тоҷикистон- сардори шуъбаи ҳифз ва истифодаи мероси таърихию фарҳангии Вазорати фарҳанги ҷумҳурӣ Шералӣ Хоҷаев узви ин Шӯро интихоб гардид.
Ба андешаи иштирокдорон, дар Тоҷикистон 3413 адад ёдгории таърихию фарҳангӣ мавҷуд буда, аз аслият ва қадимияти миллати куҳанбунёди тоҷик шаҳодат медиҳанд.
Ҳамчунин дар идомаи кори Конгресс мизи мудаввар оид ба «Ҳамкории байналмилалӣ бо давлатҳои ИДМ дар самти ҳифзи мероси таърихию фарҳангӣ ва табиӣ» баргузор гардид.
Сардори шуъбаи ҳифз ва истифодаи мероси таърихию фарҳангии Вазорати фарҳанг Шералӣ Хоҷаев доир ба масъалаи зикргардида ҷиҳати ҳифзу нигоҳдошт ва оммавигардонии ёдгориҳои таърихию фарҳангӣ ва табиӣ дар давраи соҳибистиқлолии мамлакат, инчунин ҷиҳати таҷлили ҷашни 5500-солагии Саразми бостонӣ, ки тибқи дастури Пешвои миллат муҳтарам Эмомалӣ Раҳмон дар соли 2020 пешбинӣ гардидаанд ва шуҳрати давлатамонро дар ҷаҳон афзун менамояд, маърӯза пешниҳод намуд.
ДАР АКС: Саразм
Тарғибу ташвиқ, эҳёи ёдгориҳои таърихию фарҳангӣ ва табиӣ дар баланд бардоштани рӯҳияи ватандӯстӣ, худогоҳию хештаншиносии сокинони мамлакат, махсусан ҷавонон ва наврасон мавқеи муҳим дорад. Истифодаи самараноки ёдгориҳои таърихию фарҳангӣ ҳамчун объектҳои туризми фарҳангӣ, ба Феҳристи ЮНЕСКО ворид намудани беҳтарин ва нодиртарини онҳо ҳадафи асосии фаъолияти мутахассисони соҳавии Вазорати фарҳанг ба шумор меравад.
Дар Тоҷикистон Рӯзҳои фарҳанги Федератсияи Русия оғоз гардид
Таҳти унвони «Меандешам пас ҳастам» намоиши осори Рассоми халқии Тоҷикистон Сӯҳроб Қурбонов оғоз гардид
Дар Фестивали байналмилалии «Интермузей. БРИКС+» густариши ҳамкорӣ байни осорхонаҳо баррасӣ шуд
Дар Донишгоҳи технологии Тоҷикистон даври якуми Озмуни ҷумҳуриявии «Донандаи беҳтарини асарҳои Пешвои миллат» доир гардид
Бахшида ба 35-солагии робитаҳои бародаршаҳрӣ байни Душанбе ва Санкт-Петербург дар Осорхонаи миллӣ намоиши аксҳо ифтитоҳ ёфт
Аъзои ҳайати шаҳри Санкт-Петербург дар Осорхонаи миллӣ бо давраҳои пурифтихори таъриху фарҳанги бостонии тоҷикон шинос шуданд
Дабири кулли САҲА дар Осорхонаи миллии Тоҷикистон бо тамаддуни миллати тоҷик шинос шуд
Рушди ҳамкории фарҳангии Тоҷикистону Қирғизистон баррасӣ шуд
«…МОДАР ЯКТОСТ, ТОҶИКИСТОН ЯКТОСТ…». Ба зодрӯзи Шоири халқии Тоҷикистон устод Лоиқ Шералӣ 85 сол пур шуд
«МЕАНДЕШАМ, ПАС ҲАСТАМ». Таҳти ин унвон намоиши осори Рассоми халқии Тоҷикистон Суҳроб Қурбонов ташкил карда мешавад
Дар Бишкек маросими тантанавии ифтитоҳи Рӯзҳои фарҳанги Ҷумҳурии Тоҷикистон баргузор гардид
Дар Донишкадаи санъати тасвирӣ ва дизайни Тоҷикистон даврҳои омӯзишии «Эбру», 3D ва колиграфия ифтитоҳ шуданд
