ОБУ ҲАВО: Имрӯз дар Тоҷикистон ҳаво абрнок шуда, борон ва барф меборад

Декабрь 18, 2019 08:03

ДУШАНБЕ, 18.12.2019. /АМИТ «Ховар»/. Имрӯз дар  ҷумҳурӣ  ҳаво абрнок шуда, борон ва барф  меборад. Дар баъзе ноҳияҳо шиддат гирифтани он дар назар аст. Дар ин бора аз Агентии обуҳавошиносии Тоҷикистон ба АМИТ «Ховар» хабар доданд.

Ба иттилои Агентии обуҳавошиносӣ, имрӯз дар Вилояти Мухтори Кӯҳистони Бадахшон ҳаво абрнок шуда, боридани борон ва барф дар назар аст.  Дар  баъзе ноҳияҳо боришоти шиддатнок пешгӯӣ мешавад. Шамол аз самти шарқ  бо гузариш ба ғарб бо суръати 2-7 метр дар як сония мевазад. Ҳаво дар ғарби вилоят шабона 3-8 дараҷа хунук ва рӯзона 0+5 дараҷа     гарм мешавад. Дар  шарқи вилоят  ҳаво шабона 21-26 ва рӯзона  3-8 дараҷа хунук мешавад.

Ҳаво дар вилояти Суғд абрнок шуда, дар баъзе ноҳияҳо борон ва  барф меборад. Дар  ноҳияҳои алоҳида туман мефарояд.  Шамол  аз самти шарқ  бо гузариш ба ғарб бо суръати 4-9 метр дар як  сония мевазад. Ҳаво дар водиҳо шабона 0+5 ва рӯзона 3+8 дараҷа гарм мешавад. Дар ноҳияҳои кӯҳӣ ҳаво шабона 3-8 дараҷа хунук  ва   рӯзона   аз 1 дараҷа хунук то 4 дараҷа гарм мешавад.

Дар вилояти Хатлон  ҳаво абрнок шуда, дар ноҳияҳо борон меборад. Шабона  дар баландиҳои зиёда аз 1200 метр боридани  барф пешбинӣ шудааст.  Туман  мефарояд. Шамол аз самти шарқ бо гузариш ба ғарб бо суръати  3-8 метр дар як сония мевазад. Ҳаво дар водиҳо шабона 0+5   ва рӯзона 9+14 дараҷа гарм мешавад. Дар  доманакӯҳҳо ҳаво шабона аз 1 дараҷа  хунук то 4 дараҷа гарм  ва рӯзона 3+8 дараҷа гарм мешавад.

Дар шаҳру ноҳияҳои тобеи марказ ҳаво  абрнок шуда, дар водиҳо борон ва дар ноҳияҳои алоҳидаи кӯҳӣ борон ва барф меборад.  Дар  баъзе ноҳияҳо  боришот бошиддат  борида, туман мефарояд.   Шамол аз самти шарқ  бо гузариш ба ғарб бо суръати 2-7  метр дар як сония  мевазад.  Ҳаво  дар водиҳо  шабона 0+5 ва рӯзона 7+12  дараҷа гарм мешавад. Дар  ноҳияҳои кӯҳӣ ҳаво шабона 0-5 дараҷа хунук ва  рӯзона 0+5 дараҷа гарм  мешавад.

Дар  шаҳри Душанбе ҳаво абрнок шуда, борон меборад. Дар  баъзе ҳолатҳо шиддат гирифтани он дар назар аст.  Шамол аз самти  шарқ бо гузариш ба ғарб бо суръати 2-7 метр дар як сония   мевазад.  Ҳаво шабона 0+2 ва  рӯзона 10+12 дараҷа гарм мешавад.

Декабрь 18, 2019 08:03

Хабарҳои дигари ин бахш

Таҳти унвони «Илм ва таҳсилот баҳри солимии миллат» конференсияи илмӣ-амалӣ баргузор гардид
Дар шаҳру ноҳияҳои вилояти Суғд намоиш — фурӯши ангишт доир гардид
Барои таъмини тозагии муҳити атроф ба шаҳру ноҳияҳои вилояти Суғд 10 адад мотороллери барқӣ дастрас гардид
Дар Душанбе конфронси миллӣ оид ба ҳифзи гуногунии биологӣ баргузор шуд
Дар шаҳри Роғун бахшида ба 31-солагии қабули Конститутсияи Тоҷикистон ҳамоиш доир шуд
Имрӯз дар шаҳри Душанбе ҳаво то 23 дараҷа гарм мешавад
ҚУРБИ АСЪОР: 1 доллари ИМА аз 9.2822 то 9.3200 сомонӣ муқаррар шудааст
Озмуни «Беҳтарин донандаи Конститутсияи Ҷумҳурии Тоҷикистон» баргузор шуд
Донишгоҳи техникии Тоҷикистон бо Донишгоҳи шаҳрсозии Тянҷин дар соҳаи таҳсилоти муҳандисии муосир ҳамкорӣ менамояд
Имрӯз дар Тоҷикистон ҳаво тағйирёбандаи бебориш пешгӯӣ мешавад
Таҳти унвони «Зеҳни сунъӣ ва омилҳои таъсирасон ба маърифати насли наврас» конференсия доир шуд
Дар Маркази тадқиқоти стратегӣ оид ба масъалаи тарбияи кадрҳои илмӣ ҳамоиш доир шуд