Осорхонаи таърихии Суғд аз аҳолӣ 44 адад ашёи нодир харидорӣ намуд
ДУШАНБЕ, 10.12.2019 /АМИТ «Ховар»/. Осорхонаи таърихии Суғд аз аҳолӣ 44 ёдгории нодирро, ки ба аҳди қадим, асрҳои миёна ва замони муосир тааллуқ доранд, харидорӣ намуд. Дар ин бора аз Вазорати фарҳанги Ҷумҳурии Тоҷикистон хабар доданд.
Акнун осорхона бо китобҳои дастнавис, кӯзаҳои гилин, либосҳои миллӣ, асбобу анҷом барои ошхона, ашёи рӯзгор, ҷавоҳирот ва дигар нигораҳо пурра гардидааст.
«Пистонаки кӯдаконаи нуқрагини занҷирадор, ки аз ҷониби заргарон махсус барои оилаи ашрофзодаҳо сохта шудааст ва ҳамчунин обдон аз ҷумлаи ёдгориҳои аз ҳама арзишманди ин осорхона маҳсуб мешаванд. Тибқи маълумот, мисли ин як пистонаки заррини дигар, ки бо санги фирӯза оро ёфтааст, дар Эрмитажи Санкт-Петербург маҳфуз буда, ба асри 19 мансуб мебошад», -гуфт директори генералии маҷмааи фарҳангӣ ва таърихии «Қалъаи Хуҷанд»-и шаҳри Хуҷанд Иброҳим Иброҳимов ба мухбири АМИТ «Ховар».
Ба тамошои Маҷмааи фарҳангию таърихии «Қалъаи Хуҷанд» тӯли 11 моҳи соли равон 54 ҳазор нафар ташриф овардаанд, ки беш аз 5 ҳазорашон шаҳрвандони хориҷианд. Соли гузашта аз маҷмааи мазкур 64 ҳазор нафар дидан карда буданд.
Бояд зикр кард, ки имрӯз дар Осорхонаи «Қалъаи Хуҷанд» 13 468 ёдгории фарҳангӣ ва таърихӣ мавҷуданд, ки ба нигоҳубини онҳо 80 нафар машғул мебошанд.
Ба гуфтаи Иброҳим Иброҳимов, аз соли 2018 дар маҷмааи фарҳангию таърихии «Қалъаи Хуҷанд» бахши рушди сайёҳӣ амал мекунад, ки он ба ҷалби гардишгарон мусоидат мекунад.
Дар Душанбе бахшида ба Рӯзи байналмилалии ҳифзи ёдгориҳои таърихию фарҳангӣ ҳамоиш баргузор гардид
«ЯК МАТОВУ САД РАНГ». Дар Кӯлоб даври шаҳрии фестивал-озмун баргузор гардид
РӮЗИ БАЙНАЛМИЛАЛИИ ҲИФЗ ВА НИГОҲДОРИИ ЁДГОРИҲО ВА ҶОЙҲОИ ТАЪРИХӢ. Қалъаи Ҳисор таърихи зиёда аз 3000-сола дорад
ТАЪРИХИ ВАТАНРО МЕОМӮЗЕМ! Имрӯз дар мавзеъҳои таърихии мамлакат Рӯзи дарҳои боз гузаронида мешавад
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир гардид
«РАҚС МОРО МУТТАҲИД МЕНАМОЯД». Таҳти чунин унвон дар Тоҷикистон фестивали байналмилалӣ доир мегардад
Дар ноҳияи Айнӣ бахшида ба зодрӯзи Қаҳрамони Тоҷикистон Садриддин Айнӣ ҳамоиши илмӣ-адабӣ баргузор гардид
ИМРӮЗ — ЗОДРӮЗИ САДРИДДИН АЙНӢ. Осори Устод Айнӣ ҳамчун сарчашмаи муҳими илмӣ ва фарҳангӣ истифода мешавад
АЙНИШИНОСЕ ПУРТАЛОШ АЗ КИШВАРИ ҲАМЗАБОН. Эҳдо ба зодрӯзи сардафтари адабиёти муосири тоҷик Садриддин Айнӣ
ИҚТИСОДИ РАҚАМӢ ВА ИННОВАТСИЯ. Дар самти рақамикунонии ёдгориҳои таърихию фарҳангӣ ҳамоиш доир шуд
«ДИДОР». Бахшида ба 35-солагии Истиқлоли давлатӣ намоиши мусаввараҳои нодир ифтитоҳ ёфт
Рӯзҳои фарҳанги Тоҷикистон дар Беларус доир мегарданд
