Раиси шаҳри Душанбе Рустами Эмомалӣ бо сафари расмӣ ба Тошканд рафт
ДУШАНБЕ, 03.12.2019/ АМИТ «Ховар»/. Раиси шаҳри Душанбе Рустами Эмомалӣ имрӯз бо сафари расмӣ ба Ӯзбекистон рафт. Ӯро дар фурудгоҳи байналмилалии Тошканд Ҳокими ин шаҳр Ҷаҳонгир Ортиқхоҷаев истиқбол гирифт,- иттилоъ медиҳад АМИТ «Ховар» бо истинод ба Агентии миллии иттилоотии Ӯзбекистон «УзА».
Ин аввалин сафари хориҷии Рустами Эмомалӣ пас аз таъйин шуданаш ба вазифаи Раиси шаҳри Душанбе мебошад.
Раиси шаҳри Душанбе ва Ҳокими шаҳри Тошканд иҷрои бандҳои Созишномаи ҳамкорӣ байни роҳбарони ду пойтахтро, ки ҳангоми сафари давлатии Президенти Ҷумҳурии Ӯзбекистон муҳтарам Шавкат Мирзиёев ба Тоҷикистон моҳи марти соли 2018 ва сафари давлатии Президенти Ҷумҳурии Тоҷикистон муҳтарам Эмомалӣ Раҳмон ба Ӯзбекистон моҳи августи соли гузашта ба имзо расида буданд, баррасӣ карданд. Аз ҷумла, дар ин мулоқот масъалаҳои ҳамкории тиҷоративу иқтисодӣ, фарҳангӣ ва гуманитарӣ байни Душанбе ва Тошканд, инчунин тасдиқи барномаи ҳамкории ду шаҳр барои соли 2020 мавриди баррасӣ қарор гирифтанд.
Сафари Раиси шаҳри Душанбе ба шаҳри Тошканди Ҷумҳурии Ӯзбекистон то 4 декабр идома ёфта, дар ин сафар ба ҳайати мақомоти иҷроияи ҳокимияти давлатии шаҳри Душанбе, аз ҷумла муовинони Раиси шаҳр, роҳбари дастгоҳ, сардорони раёсату шуъбаҳои дастгоҳи Раиси шаҳри Душанбе ва роҳбарони зерсохторҳои ин мақомот шомил мебошанд.
Ёдовар мешавем, ки дар доираи сафари давлатии Президенти Ҷумҳурии Ӯзбекистон Шавкат Мирзиёев ба Ҷумҳурии Тоҷикистон моҳи марти соли 2018 27 созишнома ба имзо расид, ки аксари соҳаҳои калидии ҳамкории Тоҷикистону Ӯзбекистонро дар бар мегиранд.
Аз ҷумла, дар ҷараёни он байни Мақомоти иҷроияи ҳокимияти давлатии шаҳри Душанбе ва Ҳокимияти шаҳри Тошканд оид ба ҳамкории тиҷоративу иқтисодӣ ва фарҳангиву гуманитарӣ Созишнома ба имзо расид. Ба ин Созишнома дар ҳузури роҳбарони давлатҳои Тоҷикистону Ӯзбекистон Раиси шаҳри Душанбе Рустами Эмомалӣ ва Ҳокими шаҳри Тошканд Раҳмонбек Усмонов имзо гузошта буданд.
Корхонаҳои саноатии ноҳияи Исмоили Сомонии пойтахт ба маблағи беш аз 1 миллиард сомонӣ маҳсулот истеҳсол намуданд
НИШАСТИ МАТБУОТӢ. Дар ноҳияи Сино 7 коргоҳу корхонаи саноатӣ бунёд мешавад
«НАВРӮЗИ ДУШАНБЕ – МЕҲВАРИ РОБИТАҲОИ ФАРҲАНГИЮ САЙЁҲӢ». Таҳти ин унвон 20 март дар пойтахти Тоҷикистон Форуми IV байналмилалӣ баргузор мешавад
«ҶОМИ РАИСИ ШАҲРИ ДУШАНБЕ». Мусобиқаи кушоди варзишӣ оид ба волейбол байни духтарон доир мешавад
НИШАСТИ МАТБУОТӢ. Роҳи автомобилгарди маҳаллаҳои Чимтеппа, Дарёобод ва Сарикиштии ноҳияи Фирдавсӣ пурра таъмир гардид
Оид ба рушди бонизоми зеҳни сунъӣ конференсияи илмӣ-назариявӣ доир гардид
Олимпиадаи V даставии хонандагони муассисаҳои шаҳри Душанбе аз фанни технология баргузор мегардад
Дар Душанбе Рӯзи Қувваҳои Мусаллаҳи Ҷумҳурии Тоҷикистон дар сатҳи баланд таҷлил мешавад
Доир ба татбиқи «Ҷадвали тақвими чорабиниҳои Иди байналмилалии Наврӯз дар шаҳри Душанбе барои соли 2025» ҷаласа баргузор шуд
МАРОМНОМАИ СОКИНИ ПОЙТАХТ. Муҳаббатамонро ба шаҳри Душанбе — муаррифи таъриху фарҳанги миллат бо рафтори намунавӣ собит намоем
«САЙРИ САДА». Дар Душанбе таҳти ин унвон барои иштирокдорон ва меҳмонони хориҷӣ хатсайрҳои сайёҳӣ ташкил гардид
«БАРНОМАИ МИЛЛӢ ОИД БА БАРҲАМДИҲИИ ШАКЛҲОИ БАДТАРИНИ МЕҲНАТИ КӮДАКОН». Қарори Раиси шаҳри Душанбе оид ба амалишавии он дар пойтахт ба тавсиб расид
