Рустами Эмомалӣ дар Тошканд бунёди филиали ширкати «Артел»-ро дар Душанбе баррасӣ намуд
ДУШАНБЕ, 05.12.2019 /АМИТ «Ховар»/. Тавре қаблан хабар додем, дар доираи сафари расмӣ ба Ҷумҳурии Ӯзбекистон Раиси шаҳри Душанбе Рустами Эмомалӣ аз як қатор корхонаҳои шаҳри Тошканд дидан намуд. Аз ҷумла, дар рӯзи аввали сафар, 3 декабр Рустами Эмомалӣ аз силсилакорхонаҳои истеҳсоли техникаи маишӣ ва электроникаи «Артел» боздид ба амал овард. Дар ҷараёни боздид мавзӯи бунёди филиали ширкати «Артел» дар шаҳри Душанбе баррасӣ гардид.
Дар ин бора сардори Раёсати иттилоот ва робитаҳои хориҷии дастгоҳи Раиси шаҳри Душанбе Абдумаҷид Ҳакимзода, ки шомили ин ҳайат буд, ба АМИТ «Ховар» хабар дод.
Тибқи иттилои А. Ҳакимзода, Раиси шаҳри Душанбе Рустами Эмомалӣ бо фаъолияти ин коргоҳи саноатӣ шинос шуд. Иттилоъ дода шуд, ки корхонаи «Артел» соли 2011 таъсис ёфта, асосан барои хоҷагии халқи ин кишвар таҷҳизоти электрикии рӯзгор истеҳсол менамояд. Шумораи кормандони корхонаро то имрӯз беш аз 7400 нафар коргарони муҳандисӣ-техникӣ ташкил медиҳанд. Масоҳати умумии корхона 600 ҳазор метри мураббаъро дар бар гирифта, он аз 9 коргоҳи дар тамоми қаламрави ҷумҳурӣ фаъолияткунанда иборат мебошад. Номгӯи маҳсулоти корхонаи мазкур 500 ададро ташкил дода, иқтидори истеҳсоли солонаи он зиёда аз 5 миллион дона техникаи маишӣ ва 10 миллион дона лампаҳои каммасрафи барқӣ мебошад. Маҳсулоти истеҳсолшудаи корхонаи «Артел» ба бозори дохилӣ, инчунин ба ҷумҳуриҳои Тоҷикистон, Қазоқистон, Қирғизистон, Озарбойҷон, Гурҷистон, Арманистон, Беларус ва дигар давлатҳои дуру наздик содир мегардад.
Байни шаҳрҳои Душанбе ва Антверпен робитаҳои фарогир таҳким меёбанд
Даври шаҳрии Фестивал-озмуни ҷумҳуриявии «Як матову сад ранг» баргузор гардид
Дар Душанбе даври шаҳрии Озмуни ҷумҳуриявии «Кадбонуи беҳтарин» баргузор шуд
СОКИНИ ПОЙТАХТ БУДАН ИФТИХОР АСТ! Имрӯз Душанбе гаҳвораи тамаддуни миллати тоҷик гардидааст
Душанбе бо зебоӣ ва тароваташ байни сокинон ва сайёҳон ҳамчун «шаҳри гулҳо» маъруф аст
РӮЗИ ПОЙТАХТ. Душанбе маркази ташаккул ва рушди кластерҳои инноватсионӣ мебошад
ДУШАНБЕ — ШАҲРИ СУЛҲУ СУБОТ ВА ВАҲДАТИ МИЛЛӢ. Иқтибосҳо аз суханрониҳои Президенти Тоҷикистон ба муносибати Рӯзи пойтахт
Фарҳод Раҳимӣ: «Рушди шаҳри Душанбе дар замони муосир ва нақши Раиси шаҳр муҳтарам Рустами Эмомалӣ дар шаклгирии фазои иҷтимоӣ ва маънавӣ»
ЧУ ДИЛ ДАР СИНААМ ҶОӢ, ДУШАНБЕ… Симои пойтахти Тоҷикистон ба таври шинохтанашаванда дигаргун шудааст
ДУШАНБЕ — ШАҲРИ «САБЗ». Дар пойтахт давоми 9 соли охир зиёда аз 130 миллион дона гули мавсимию бисёрсола шинонида шудааст
НАҚШИ РУСТАМИ ЭМОМАЛӢ ДАР ТАШАККУЛИ СИМОИ НАВИ ПОЙТАХТИ ТОҶИКИСТОН. Ба Рӯзи пойтахти Ҷумҳурии Тоҷикистон бахшида мешавад
Пагоҳ дар Душанбе ниммарафони XVI байналмилалӣ баргузор мегардад
