Шамсиддин Орумбекзода дар Конфронси вазирони фарҳанги мамлакатҳои ИСЕСКО иштирок дорад
ДУШАНБЕ, 17.12.2019. /АМИТ «Ховар»/. Имрӯз, 17 декабр дар шаҳри Туниси Ҷумҳурии Тунис 11-умин Конфронси вазирони фарҳанги Созмони исломӣ оид ба масъалаҳои илм, маориф ва фарҳанг (ИСЕСКО) ба кори худ шурӯъ намуд, ки дар он Вазири фарҳанги Ҷумҳурии Тоҷикистон Шамсиддин Орумбекзода ширкат дорад.
Тавре аз маркази матбуоти Вазорати фарҳанги Ҷумҳурии Тоҷикистон ба мухбири АМИТ «Ховар» иттилоъ доданд, дар конфронси мазкур баррасии татбиқи Стратегияи инкишофи фарҳанг барои ҷаҳони ислом мавриди муҳокима қарор мегирад. Зеро масъалаи мазкур дар Конфронси 10-ум пешниҳод гардида буд.
Ҳамчунин дар назар аст, ки дар конфронс лоиҳаи барномаҳои фарҳангӣ ва дурнамои густариши муносибатҳои фарҳангӣ, ки минбаъд бояд амалӣ гарданд, таҳлилу баррасӣ мешаванд.
Бояд тазаккур дод, ки Ҳукумати Ҷумҳурии Тоҷикистон нисбат ба Созмони исломӣ оид ба илм, маориф ва фарҳанг, Созмони ҳамкории исломӣ ва дар маҷмӯъ ба ҳама созмонҳо ва иттиҳодияҳои динӣ назари мусбат дошта, пайваста мекӯшад, то муносибатҳоро дар доираи ҳамкории судманд бо ин созмонҳо ҳарчи бештар таҳким бахшад.
Ёдовар мешавем, ки Созмони исломӣ оид ба маориф, илм ва фарҳанг (ИСЕСКО) созмонест, ки аз ҷониби Созмони Конфронси Исломӣ моҳи майи соли 1979 таъсис ёфтааст. Ҳадафи созмони мазкур таъмини ҳамбастагии ислом ва ба шакли мувофиқу муосир даровардани он мебошад.
Ҷаласаи 10-уми вазирони фарҳанги давлатҳои аъзои Созмони исломӣ оид ба илм, маориф ва фарҳанг (ИСЕСКО) аз 21 то 23 ноябри соли 2017 дар шаҳри Хартуми Ҷумҳурии Судон доир гардида буд, ки дар он Вазири фарҳанги Ҷумҳурии Тоҷикистон иштирок ва суханронӣ намуд.
11-умин Конфронси вазирони фарҳанги Созмони исломӣ оид ба масъалаҳои илм, маориф ва фарҳанг (ИСЕСКО) то 19 декабр идома меёбад.
Акс аз бойгонӣ
Пешвои миллат Эмомалӣ Раҳмон: «24 ёдгории таърихию фарҳангии Тоҷикистон ба Феҳристи мероси моддии ҷаҳонии ЮНЕСКО сабт гардидааст»
Президенти Тоҷикистон: «Мо барои арҷгузорӣ ба арзишҳои асили тамаддуни тоҷикону форсизабонон иқдомоти муассирро амалӣ намудем»
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
Кормандони соҳаи фарҳанг бо мукофотҳои давлатӣ сарфароз гардиданд
Се китоби рӯзномаи «Ҷумҳурият»: «Эмомалӣ Раҳмон ва эҳёи тамаддуни ориёӣ», «Бозгашти қаҳрамон» ва «Бозгашти қаҳрамон 2» муаррифӣ гардид
Конференсияи ҷумҳуриявии «Забон рукни муҳимми Истиқлоли давлатӣ ва ҳамбастагии ҷомеа» баргузор гардид
Дар Озмуни байналмилалии «Санъати китоб» «Шоҳнома»-и Абулқосим Фирдавсӣ сазовори Шоҳҷоиза гардид
35 СОЛИ СОҲИБИСТИҚЛОЛӢ. Дар Тоҷикистон соли 1991 танҳо 15 театр фаъолият мекард
«Эмомалӣ Раҳмон — муаррифгари таърихи ниёгон ва тамаддуни навини тоҷикон». Таҳти ин унвон китоб ба нашр расид
Дар шаҳри Душанбе маҳфили «Шоҳномахонӣ» баргузор шуд
«ТОҶИ СОМОН». Қабули филмҳо барои иштирок дар синамоҷашнвораи миллӣ то 15 сентябр идома меёбад
«МОДАРНОМА». Дар Осорхонаи миллӣ намоиши асарҳои Рассоми халқии Тоҷикистон Сабзаалӣ Шариф ифтитоҳ ёфт
