Сокинони Хатлон Паёми Пешвои миллатро ба Маҷлиси Олӣ бо рӯҳбаландӣ қабул намуданд
ДУШАНБЕ, 26.12.2019 /АМИТ «Ховар»/. Паёми Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон тариқи шабакаҳои телевизионӣ ва радиои давлатӣ мустақиман пахш гардид. Дар вилояти Хатлон ин яке аз рӯйдодҳои асосии соли сипаришаванда буд, ки дар сатҳи олии ташкилӣ баргузор гардид.
Тавре мухбири минтақавии АМИТ «Ховар» Зулайхои Ғоиб хабар медиҳад, дар ҳама ташкилоту муассисаҳо, ҳамчунин муассисаҳои таълимии шаҳру ноҳияҳои минтақа, аз ҷумла дар Бохтар мардум тавонистанд суханронии Пешвои миллатро мустақиман тамошо кунанд.
Бояд зикр намуд, ки шумораи одамоне, ки хоҳиши шунидани Паёми Президенти моро доранд, ҳамасола меафзояд.
Бо мақсади васеътар омӯхтани суханронии Сарвари давлат ҷойҳои серодам, аз ҷумла марказҳои савдо, бозорҳо бо мониторҳои калони махсус муҷаҳҳаз гардонида шуданд.
Тибқи гуфтаи сардухтури Маркази эндокринологии вилояти Хатлон Зокирҷон Холов, Паёми Сарвари давлат муҳтарам Эмомалӣ Раҳмон ба Маҷлиси Олӣ барои кулли мардуми Тоҷикистон хеле муҳим аст. «Тамоми кормандони маркази мо суханронии Президенти мамлакатро бодиққат гӯш намуданд. Сарвари давлат на танҳо дастовардҳо ва камбудиҳоро номбар карданд, балки вазифаҳоеро, ки бояд соли оянда ҳалли худро пайдо намоянд, низ баён намуданд. Бисёр масъалаҳои муҳим бардошта шуданд — аз ҷумла рушди тиб, маориф, илм, иқтисод ва тарбияи насли оянда. Мо акнун дар назди худ мақсад дорем»,- гуфт Зокирҷон Холов.
Зимни суҳбат муаллимаи ҷуғрофия ва асосҳои иқтисодии муассисаи таҳсилоти миёнаи Бохтар Қурбоной Юсупова зикр намуд, ки Паёми Президенти давлат ба Парлумони мамлакат барои ҷумҳурӣ аҳамияти аввалиндараҷа дорад. «Ман чунин меандешам, ҳама шаҳрвандоне, ки ба рушди Тоҷикистон ва ояндаи давлати мо ҳавасманданд ва дар дил меҳри ватан доранд, суханронии Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон Эмомалӣ Раҳмонро тамошо карданд. Барои ман ҳамчун тарбиятгар як чиз аҳамияти муҳим дорад, Паёми Президентро ба Парлумон на танҳо бузургсолон, балки насли ҷавон низ бо ҳисси ватандӯстӣ қабул намуданд»,- фикрашро шарҳ дод мусоҳиби мо.
«Барои ман чун тоҷир огоҳ шудан аз комёбиҳо ва иқдомҳои минбаъда дар рушди иқтисодии Тоҷикистон хеле ҷолиб буд. Ҳамчунин дахл намудани Сарвари давлат ба масъалаҳои иҷтимоӣ, ки ба андешаи ман, барои ҳар як сокини ҷумҳурӣ зарур аст, муҳим мебошад», — гуфт Дилшод Ҳасанов, тоҷир ва директори ширкати дорусозии Хатлон дар мусоҳиба бо хабарнигори АМИТ «Ховар».
Бояд зикр намуд, ки мардум Паёми Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро ба Маҷлиси Олӣ бо хушнудӣ қабул намуданд.
Дар маҷаллаи «The Diplomatic Insight» мақолаи олимони тоҷик таҳти унвони «Эмомалӣ Раҳмон – Пешвои дипломатияи байналмилалӣ» ба нашр расид
Сарвазири Тоҷикистон бо рафти корҳои бартарафсозии оқибатҳои офати табиӣ дар ноҳияи Тоҷикобод шинос шуд
Президенти Тоҷикистон Эмомалӣ Раҳмон: «Пиряхҳои мо танҳо манбаи об барои минтақа набуда, дар ҳифзи иқлими минтақа низ нақши муҳим мебозанд»
Пиряхҳои Тоҷикистон боигарии бебаҳои табиӣ ва сарчашмаҳои муҳими оби тоза дар Осиёи Марказӣ мебошанд
ҶОИЗАИ «ШАҲРИ СУЛҲ». Онро Душанбе барои саҳми беандоза дар таҳкими сулҳ ва арзишҳои башарӣ бо қарори ЮНЕСКО соҳиб гардид
МАСЪУЛИЯТИ ШАҲРВАНДӢ. Барои ғайриқонунӣ истифода бурдани неруи барқ ҷавобгарии ҷиноятӣ муқаррар гардид
Президенти Комиссияи Иттиҳоди Аврупо Урсула фон дер Ляйен аз иқтидори бузурги Неругоҳи азими барқи обии «Роғун»-и Тоҷикистон ёдовар шуд
Президенти Тоҷикистон тавсеаи ҳамкории давлатҳои Осиёи Марказиро бо Иттиҳоди Аврупо дар соҳаи энергетикаи «сабз» аз самтҳои ояндадор номиданд
Эмомалӣ Раҳмон: «Пиряхҳои Тоҷикистон танҳо манбаи об барои минтақа набуда, дар нигоҳдории иқлими минтақа низ нақши муҳим мебозанд»
Инъикоси густурдаи таҷлили Ҷашни байналмилалии Наврӯз бо иштироки Сарони се давлати Осиёи Марказӣ дар расонаҳои хабарии минтақаю ҷаҳон ва шабакаҳои иҷтимоӣ
Эмомалӣ Раҳмон: «Натиҷаҳои вохӯриҳои имрӯзаро мо ҳамчун пайки таҷдид ва оғози марҳилаи сифатан нав дар муносибатҳои се кишвар медонем»
Президенти Тоҷикистон: «Худдорӣ намудан аз ҳама гуна зиёдаравию исрофкорӣ вазифаи ҳар бандаи муъмин дар ҳама ҳолат, аз ҷумла дар айёми ид мебошад»
