ТАСС: Дивизиони С-300ПС-и Россия ба навбатдории ҳарбӣ-таҷрибавӣ дар Тоҷикистон шурӯъ намуд
ДУШАНБЕ, 19.12.2019 /АМИТ «Ховар»/. Дивизиони мушакии зидди ҳавопаймои С-300ПС дар ҳавзаи таълимии пойгоҳи низомии 201-и Федератсияи Россия, ки дар Тоҷикистон мустақар аст, бори аввал ба навбатдории ҳарбӣ-таҷрибавӣ шурӯъ намуд. Дар ин бора генерал-полковник, фармондеҳи Округи марказии ҳарбии Россия Александр Лапин рӯзи чоршанбе, 18 декабр, ба хабарнигорон иттилоъ дод, менависад ТАСС.
«Боз як рӯйдоди муҳим дар масъалаи тақвияти ҳамкории байналмилалии ҳарбӣ- ин декабри соли равон ба навбатдорӣ дар Ҷумҳурии Тоҷикистон гузоштани мушаки зидди ҳавопаймои С-300ПС буд. Вазифаи асосии он муҳофизати иншооти пойгоҳи низомии 201-и Россия аз ҳамлаҳои кайҳонӣ ва инчунин мудофиаи ҳамаҷонибаи ҳавоӣ ва амнияти дастаҷамъии минтақаи Осиёи Марказӣ мебошад»,- хабар дод Лапин.
26 октябр бори аввал маҷмӯи зиддимушакии С-300ПС ба пойгоҳи ҳарбии 201-и Россия ворид гардид. Ба ҳайати дивизион тақрибан 30 адад таҷҳизот, аз ҷумла нуқтаҳои фармондеҳӣ, мушакҳо, радиолокаторҳо, системаҳои нишонгирӣ ва инчунин мошинҳои таъминкунанда дохил шуданд.
Системаи дифои зиддимушакии ЗРС С-300ПС барои муҳофизати иншооти муҳими низомӣ, гурӯҳҳои қӯшунҳо, марказҳои маъмурӣ ва саноатӣ аз ҳамлаи ҳама намудҳои ҳавопаймоҳо ва чархболҳо, мушакҳои ҳавоӣ, дигар воситаҳои ҳамлаи аэродинамикӣ ва мушакҳои аэробалистикӣ ва баллистикии таъйиноти амалиёти фаврӣ-тактикӣ пешбинӣ шудааст.
Пойгоҳи низомии 201, ки дар Тоҷикистон ҷойгир аст, бузургтарин иншооти низомии Россия берун аз қаламрави он мебошад. Он дар ду шаҳр — Душанбе ва Бохтар ҷойгир мебошад. Тибқи қарордоде, ки моҳи октябри соли 2012 ба имзо расидааст, ин қисми низомӣ дар Тоҷикистон то соли 2042 боқӣ хоҳад монд.
Дар шаҳри Бӯстон мулоқоти гурӯҳҳои кории ҳайатҳои ҳукуматии Тоҷикистон ва Қирғизистон баргузор гардид
«МУШКИЛОТИ МУБОРИЗА БО ҶИНОЯТКОРӢ ДАР ФАЗОИ АВРУОСИЁ». Таҳти чунин унвон дар Душанбе конфронси байналмилалӣ доир шуд
Байни Тоҷикистон ва Иёлоти Муттаҳидаи Амрико Ёддошти тафоҳум оид ба ҳамкорӣ дар бораи татбиқи Низоми ҳифзшудаи муқоисавӣ ба имзо расид
Байни Ҳукумати Ҷумҳурии Тоҷикистон ва Ҳукумати Малайзия Шартнома дар бораи ёрии мутақобилаи ҳуқуқӣ оид ба парвандаҳои ҷиноятӣ ба имзо расид
Маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон хабар медиҳад
Бахшида ба Рӯзи кормандони ҳифзи сирри давлатӣ озмоишгоҳи ҳифзи техникии иттилоот ва бахши хизматрасонии техникӣ ифтитоҳ ёфт
Дар шаҳри Фарғона мулоқоти роҳбарони хадамоти махсуси Қирғизистон, Тоҷикистон ва Узбекистон баргузор гардид
Бо мақсади таъмини ҳифзи сирри давлатӣ ва ҳифзи техникии иттилоот дар Тоҷикистон ҳамоиш доир шуд
Даъвати баҳорӣ ба Артиши миллӣ бо эҳсоси баланди ватандӯстӣ идома дорад
Вохӯрии навбатии гурӯҳҳои кории ҳайатҳои ҳукуматии Тоҷикистон ва Қирғизистон баргузор гардид
Ҳамкории мақомоти корҳои дохилии Тоҷикистон ва Италия тақвият меёбад
ДАЪВАТИ БАҲОРИИ ШАҲРВАНДОН. Ин маъракаи муҳими сиёсӣ дар шаҳру ноҳияҳои Тоҷикистон муташаккилона идома дорад
