ДАСТОВАРДҲОИ СОЛИ 2019. Чоршанбе Аловатов дар озмуни Central Asia’s Got Talent ғалабаи мутлақ ба даст овард!
ДУШАНБЕ, 23.12.2019/АМИТ «Ховар»/. Чоршанбе Аловатов, овозхони ҷавони тоҷик, нахустин ғолиби мутлақи озмуни нахустини Central Asia’s Got Talent гардид ва 10 миллион тангаи қазоқӣ, баробар ба беш аз 26 ҳазор доллар ҷоизаи асосии озмунро соҳибӣ кард. Пирӯзии ӯ дар пайи овоздиҳии сокинони чаҳор ҷумҳурии Осиёи Марказӣ ба даст омад.
Чоршанбе Аловатов яке аз 12 иштирокдори даври ниҳоии Central Asia’s Got Talent ва намояндаи ягонаи Тоҷикистон дар даври охирин буд. Маросим рӯзи якшанбе, 22-юми декабр дар шаҳри Нурсултони Қазоқистон баргузор гардид.
Яке аз даҳҳо ҳазор нафар ҳаводорони сурудҳои ӯ эҳсоси гуворои шодию ифтихори худро дар шабакаи Facebook мухтасар чунин баён доштааст: «Якшанбе Чоршанбе шуд!». Бале, дирӯз ҳама номи Чоршанберо дар забон ва дар қалбу хотир доштанд, фазоро гӯё номи Чоршанбе пур карда буд.
Чоршанбе Аловатов дар даври ниҳоӣ таронаеро аввал ба забони итолиёӣ ва сипас тоҷикӣ иҷро кард. Вай дар даврҳои гузашта таронаи «Агар он турки шерозӣ»-и Далер Назаров ва «Акрамҷон»-и Муборакшоро хонда, мавриди ситоиши доварону тамошобинон қарор гирифта буд.
Чоршанбе 21-сола ва писари Ҳунарпешаи халқии Тоҷикистон, дорандаи Ҷоизаи давлатии ба номи Абӯабдулло Рӯдакӣ, фалаксарои машҳур Ақназар Аловатов буда, дар шаҳри Хоруғи вилояти Бадахшон ба дунё омадааст ва дар Душанбе ба камол расидааст. Қаблан иштирокдори озмунҳои «Овози тиллоӣ» ва «Парвин» дар Тоҷикистон буд.
Озмуни байналмилалии Central Asia’s Got Talent дар даҳҳо кишвари дунё баргузор шудааст. Имсол ин озмун бори аввал дар минтақаи Осиёи Марказӣ баргузор шуд. Дар ин озмун аз чаҳор кишвар довталабони зиёде иштирок карда, ҳунару тавоноиҳои худро ба намоиш гузоштанд. Аз Тоҷикистон дар ин озмун афроди алоҳида ва инчунин гӯруҳи рақсии «Падида» иштирок карданд.
Дар Фестивали байналмилалии «Интермузей. БРИКС+» густариши ҳамкорӣ байни осорхонаҳо баррасӣ шуд
Дар Донишгоҳи технологии Тоҷикистон даври якуми Озмуни ҷумҳуриявии «Донандаи беҳтарини асарҳои Пешвои миллат» доир гардид
Бахшида ба 35-солагии робитаҳои бародаршаҳрӣ байни Душанбе ва Санкт-Петербург дар Осорхонаи миллӣ намоиши аксҳо ифтитоҳ ёфт
Аъзои ҳайати шаҳри Санкт-Петербург дар Осорхонаи миллӣ бо давраҳои пурифтихори таъриху фарҳанги бостонии тоҷикон шинос шуданд
Дабири кулли САҲА дар Осорхонаи миллии Тоҷикистон бо тамаддуни миллати тоҷик шинос шуд
Рушди ҳамкории фарҳангии Тоҷикистону Қирғизистон баррасӣ шуд
«…МОДАР ЯКТОСТ, ТОҶИКИСТОН ЯКТОСТ…». Ба зодрӯзи Шоири халқии Тоҷикистон устод Лоиқ Шералӣ 85 сол пур шуд
«МЕАНДЕШАМ, ПАС ҲАСТАМ». Таҳти ин унвон намоиши осори Рассоми халқии Тоҷикистон Суҳроб Қурбонов ташкил карда мешавад
Дар Бишкек маросими тантанавии ифтитоҳи Рӯзҳои фарҳанги Ҷумҳурии Тоҷикистон баргузор гардид
Дар Донишкадаи санъати тасвирӣ ва дизайни Тоҷикистон даврҳои омӯзишии «Эбру», 3D ва колиграфия ифтитоҳ шуданд
«ЗЕБОИИ ТОҶИКИСТОН–МЕРОС БАРОИ ОЯНДА». Дар Бишкек намоишгоҳи санъати тасвирии Тоҷикистон ифтитоҳ ёфт
Дар Хуҷанд даври шаҳрии Озмуни ҷумҳуриявии «Тоҷикистон— Ватани азизи ман» оғоз шуд
