Ба муассисаҳои таълимии Тоҷикистон 5400 адад китобҳои дарсӣ бо забони русӣ ворид гардиданд

Январь 31, 2020 14:20

ДУШАНБЕ, 31.01.2020 /АМИТ «Ховар»/. Ба муассисаҳои  таҳсилоти  миёнаи умумӣ ва литсейҳои Тоҷикистон, ки муаллимон аз Федератсияи  Россия дар онҳо се сол боз фаъолият доранд, китобҳои дарсӣ ва бадеӣ бо забони русӣ супорида шуданд.

Сафири Фавқулода  ва Мухтори Федератсияи Россия  дар Тоҷикистон Игор Лякин-Фролов  гуфт, ки тақдими китобҳо дар ҷавоб ба хоҳиши омӯзгороне, ки дар кишвари мо кор мекунанд, сурат гирифт.

5400 китоби дарсӣ ба 9 муассисаи таълимии шаҳру ноҳияҳо  расонида мешавад. Масалан, танҳо ба шаҳри Хоруғи Вилояти Мухтори Кӯҳистони Бадахшон 1100 китоби дарсӣ  фиристода мешаванд.

Китобҳо ба ҷумҳурӣ  тавассути Намояндагии «Россотрудничества» дар Тоҷикистон  ворид  гардиданд. Соли гузашта 10 ҳазор китоби дарсӣ  дастрас шуда буд.

Бояд зикр намуд, ки имрӯз дар Тоҷикистон 38 омӯзгор аз Россия  фаъолияти корӣ доранд.

Ба назари Светлана Кабанова, омӯзгори забон ва адабиёти  рус аз Федератсияи Россия, дар муассисаи таҳсилоти миёнаи умумии № 3 – и шаҳри Ваҳдат кифоя набудани китобҳои дарсӣ бо забони русӣ мушкилоти ҷиддии таълим барои омӯхтани  ин забон аст.  «Тақдими адабиёти бадеӣ мояи хушнудист. Дар  пойтахт масъалаи  таъмин намудан бо китоб мушкил надорад, аммо дар шаҳрҳои хурд ин душворӣ эҳсос мешавад. Агар кӯдакон китоби бадеӣ хонда,  маънии онро дарк кунанд, ин ба инкишоф ёфтани нутқи онҳо мусоидат намуда, зебо ва хушоянд сухан гуфтанро меомӯзанд. Вазифаи омӯзгорон одат кунондани кӯдакон ба хондани ҳамарӯзаи китоб мебошад»,-  зикр намуд С. Кабанова.

Январь 31, 2020 14:20

Хабарҳои дигари ин бахш

Нависандаи халқии Тоҷикистон Саттор Турсун аз олам даргузашт
Пешниҳод: «Чойхонаи миллии тоҷикӣ бояд ба феҳристи объектҳои мадании ЮНЕСКО ворид карда шавад»
Дар ноҳияи Шуғнон 6 нафар ба даври вилоятии Озмуни «Тоҷикон»-оинаи таърихи миллат» роҳхат гирифтанд
Моҳи июн Фестивали ҷумҳуриявии атласу адрас ва намоишу фурӯши он баргузор мегардад
Филми ҳунарии «Дов» дар ҷашнвораи байналмилалии Чебоксарияи Русия соҳиби ду ҷоиза гардид
ПЕШВОИ МИЛЛАТ ВА ҲУНАРҲОИ МАРДУМӢ. Ва ё тоҷикон бо ҳунари волои хеш ҷаҳонро тасхир мекунанд
«ШАБЕ ДАР ОСОРХОНА-2023». Аз он беш аз 15 ҳазор тамошобин боздид намуд
«РАССОМИ БЕҲТАРИН». Озмуни ҷумҳуриявии донишҷӯёни муассисаҳои таҳсилоти миёнаи касбӣ баргузор гардид
БО «ХОВАР» ВА БОХАБАР! Имрӯз аз таъсиси Радиои «Ховар» 12 сол сипарӣ гардид
АРМУҒОНИ ПРЕЗИДЕНТИ ҶУМҲУРИИ ТОҶИКИСТОН. Китобҳои нависанда, рӯзноманигор ва коргардони тоҷик Сайф Раҳимзоди Афардӣ бознашр гардид
Бахшида ба 30-солагии барқароршавии муносибатҳои дипломатӣ байни Тоҷикистон ва Қазоқистон консерти тантанавӣ доир гардид
Дар Осорхонаи миллии Тоҷикистон бахшида ба 100-солагии пешвои миллии Озарбойҷон Ҳайдар Алиев намоиши аксҳо ташкил шуд