Дар Хатлон сатҳи таваллуд афзоиш ёфтааст
ДУШАНБЕ, 30.01.2020 /АМИТ «Ховар»/. Дар вилояти Хатлон сатҳи таваллуди кӯдакон зиёд гаштааст. Дар муддати як сол 94 111 нафар кӯдаки тавлидёфта ба қайд гирифта шудаанд, ки ин дар қиёс бо соли гузашта 1345 нафар зиёдтар аст. Дар ин бора директори САҲШ-и Вазорати адлияи Ҷумҳурии Тоҷикистон дар вилояти Хатлон Зинат Сафарзода иттилоъ дод.
Солҳои охир бақайдгирии тифлони навзод дар идораи сабти асноди ҳолати шаҳрвандӣ хеле беҳтар гаштааст. «Кор дар байни мардум натиҷаҳои хуб ба бор меорад. Имрӯзҳо бештари волидайн кӯшиш мекунанд, ки баъди тавлиди тифл ҳарчи зудтар соҳиби шаҳодатномаи таваллуд бигарданд. Амалан дар тамоми шуъбаҳои Сабти асноди ҳолати шаҳрвандӣ дар шаҳру ноҳияҳо кор дар ин самт хуб ташкил ёфта, барои волидайн дар гирифтани ҳуҷҷатҳо ҳеҷ гуна монеа мавҷуд нест»,- гуфт ӯ.
Ба қавли мавсуф, волидайн баъди тавлиди тифл бояд ояндаи наздик шаҳодатномаи таваллуд гиранд. Ин на танҳо барои волидайн, балки барои муайян намудани маълумоти оморӣ оид ба сатҳи тавлид дар минтақа зарур аст. Ҳолатҳое низ мешаванд, ки баъзе падару модари бемасъулият барои гирифтани ҳуҷҷатҳои кӯдак хеле дер муроҷиат мекунанд, масалан пас аз як сол, ки ин нодуруст мебошад.
Қобили зикр аст, ки дар вилоят бо мақсади фаро гирифтани кӯдакон бо таҳсилоти томактабӣ ва миёна тадбирҳо андешида мешаванд. То соли 2021 дар ноҳияҳо ва шаҳрҳо сохтмони 510 муассисаи таълимӣ, 63 муассисаи томактабӣ, 156 таҳсилоти умумӣ, 169 бинои иловагӣ дар назди муассисаҳои таълимӣ ва дар 122 муассисаи таълимӣ синфҳои иловагӣ дар нақша аст.
Зимнан, тавре Зинат Сафарзода зикр намуд, дар вилоят бақайдгирии издивоҷ кам гаштааст. Соли 2019 29 ҳазору 778 издивоҷ қайд шудааст, ки дар қиёс бо соли 2018 1505 кам мебошад.
Дар Кумитаи кор бо занон ва оила бахшида ба қабули қатъномаи Даҳсолаи байналмилалӣ оид ба таҳкими сулҳ барои наслҳои оянда ҳамоиш доир шуд
«ПЕШВОИ МИЛЛАТ — ПЕШВОИ СУЛҲ ВА ТАШАББУСКОРИ ИҚДОМҲОИ ҶАҲОНӢ». Таҳти ин унвон ҳамоиши ҳизбиён баргузор гардид
Раиси Кумитаи кор бо занон ва оилаи Тоҷикистон дар Форуми занони Созмони ҳамкории Шанхай иштирок намуд
ФАРҲАНГИ СУЛҲИ ТОҶИКОН – НАМУНАИ СУЛҲ ДАР ҶАҲОН. Таҳти ин унвон ҳамоиши сиёсӣ ва маърифатӣ баргузор гардид
Дар Вазорати адлия бахшида ба Рӯзи Ваҳдати миллӣ ҳамоиш баргузор шуд
Дар Маркази тадқиқоти стратегӣ бахшида ба қабули Даҳсолаи байналмилалӣ оид ба таҳкими сулҳ конфронс доир шуд
Дар мавзуи «Эмомалӣ Раҳмон — ташаббускор ва таҳкимбахши сулҳ ва суботи сиёсии ҷомеаи ҷаҳонӣ» ҳамоиш доир шуд
Дар Кумита оид ба таҳсилоти ибтидоӣ ва миёнаи касбӣ Рӯзи Ваҳдати миллиро ҷашн гирифтанд
Дар фурудгоҳҳои Тоҷикистон оид ба муҳоҷирати меҳнатӣ корҳои фаҳмондадиҳӣ гузаронида мешаванд
Кумитаи Иҷроияи Марказии ҲХДТ бахшида ба Рӯзи Ваҳдати миллӣ ҳамоиши сиёсӣ баргузор намуд
Таҷассум ва густариши сиёсати инсонмеҳваронаи Пешвои миллат дар пасманзари қабули Қонуни Ҷумҳурии Тоҷикистон «Дар бораи авф»
Дар шаҳри Санкт-Петербург Форуми XIV байналмилалии ҳуқуқӣ оғоз гардид
