Дар ноҳияи Ховалинг беморхонаи рақамӣ ба истифода дода шуд
ДУШАНБЕ, 02.01.2020. /АМИТ «Ховар»/. Бахшида ба ҷашни 30-солагии Истиқлолияти давлатии Ҷумҳурии Тоҷикистон дар ноҳияи Ховалинги вилояти Хатлон беморхонаи рақамӣ ба истифода дода шуд. Дар ин бора АМИТ «Ховар» бо истинод ба Вазорати тандурустӣ ва ҳифзи иҷтимоии аҳолии Ҷумҳурии Тоҷикистон хабар медиҳад.
Ба иттилои манбаъ, беморхонаи мазкур аз ҷониби соҳибкори ватанӣ Фатҳулло Соҳибов бо истифода аз технологиҳои замонавию рақамӣ ва муосир сохта шуда, бо иштироки раиси вилояти Хатлон Қурбон Ҳакимзода мавриди баҳрабардорӣ қарор гирифт.
Гуфта мешавад, ки ба кори сохтмони беморхона 20 нафар сокини маҳаллӣ ҷалб гардида, бо маоши хуб таъмин гардиданд.
«Дар сохтмон ва муҷаҳҳазгардонии беморхонаи мазкур, ки аз ду ошёна ва 27 кати хоб иборат аст, соҳибкор зиёда аз 2 миллион сомонӣ харҷ кардааст»,-омадааст дар иттилоияе, ки имрӯз дар сомонаи расмии Вазорати тандурустӣ ва ҳифзи иҷтимоии аҳолӣ нашр шуд.
Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон 26 декабри соли 2019 зимни ироаи Паёми навбатӣ ба Маҷлиси Олӣ зикр намуданд, ки Ҳукумати мамлакат ба соҳаи тандурустӣ ва ҳифзи иҷтимоии аҳолӣ диққати махсус медиҳад.
«… тайи як сол садҳо иншооти тандурустӣ, аз ҷумла беморхонаҳои замонавӣ, марказҳои саломативу бунгоҳҳои тиббӣ бунёд ва мавриди истифода қарор додем. Бо ин роҳ инфрасохтори ин соҳаи муҳими иҷтимоӣ, махсусан, дар деҳоти мамлакат ва сифати хизматрасониҳо ба куллӣ тағйир ёфта истодааст», — таъкид намуданд Пешвои миллат муҳтарам Эмомалӣ Раҳмон.
Дар маҷмӯъ, тибқи маълумоти расмӣ, соли 2019 дар мамлакат зиёда аз 150 муассисаи тандурустӣ ва ҳифзи иҷтимоии аҳолӣ ба истифода дода шуда, то 30-солагии Истиқлолияти давлатӣ сохтмони садҳо беморхонаву дармонгоҳҳо ба нақша гирифта шудааст.
Дар Душанбе масъалаи густариши ҳамкории судӣ байни Тоҷикистон ва Арабистони Саудӣ баррасӣ гардид
Барои пешгирии заҳролудшавӣ аз дуди ангишт қоидаҳои муҳими истифодаи онро бояд риоя намуд
Доктор Ҳала бинти Мазид Ат-Тувайҷирӣ: «Дар «Стратегияи дурнамои рушди Арабистони Саудӣ то соли 2030» ҳифзи ҳуқуқи инсон ҷойгоҳи хос дорад»
Тавсеи ҳамкорӣ байни мақомоти Ваколатдор оид ба ҳуқуқи инсон дар Ҷумҳурии Тоҷикистон ва Кумитаи ҳуқуқи инсони Шоҳигарии Арабистони Саудӣ баррасӣ гардид
Ҳокимияти судӣ дар Тоҷикистон такягоҳи адолат ва пояи устувори қонун аст
Пешвои миллат: «Фалсафаи ҷашни Меҳргон инсонҳоро ба адолатхоҳӣ, баробарӣ ва меҳрубонӣ ҳидоят мекунад»
Дар Душанбе Форуми ёздаҳуми миллӣ оид ба волоияти қонун доир мешавад
Вазири меҳнат, муҳоҷират ва шуғли аҳолии Тоҷикистон дар Давҳа бо роҳбари ширкати қатарии «Jusour» мулоқот намуд
Дар Маркази ҷумҳуриявии илмии ҷарроҳии дилу рагҳо шуъбаи ҷарроҳии бариатрикӣ ва герниологӣ пас аз таъмиру азнавсозӣ ба истифода дода шуд
Ҳамкории Тоҷикистону Қатар дар самти меҳнат ва шуғли аҳолӣ тақвият меёбад
Намояндаи Тоҷикистон дар Конфронси шашуми вазирони меҳнати кишварҳои аъзои СҲИ иштирок намуд
КУМАКҲОИ УНВОНИИ ИҶТИМОӢ. Ба қишри осебпазири Тоҷикистон беш аз 917 миллион сомонӣ кумак расонида шуд
