Эрон иқрор шуд, ки тасодуфан сабабгори суқути Boeing-и Украина гардидааст

Январь 11, 2020 10:53

ДУШАНБЕ, 11.01.2020 /АМИТ «Ховар»/. Ҳавопаймои «Ширкати ҳавопаймоии байналмилалии Украина» иштибоҳан дар наздикии Теҳрон зада шуд. Тавре АМИТ «Ховар» бо истинод ба ТАСС хабар медиҳад, дар ин бора дар изҳороти ситоди кулли ҚМ Эрон, ки рӯзи шанбе тавассути агентии ISNA паҳн шуд, омадааст.

«Бо сабаби иштибоҳи тасодуфии инсонӣ ҳавопаймо нохост зада шуд, ки мутаассифона, боиси марги ҳамватанон ва шаҳрвандони хориҷӣ гардид», — омадааст дар изҳорот. Инчунин зикр шудааст, ки «ҳангоми парвоз ҳавопаймо дар наздикии яке аз иншооти муҳими низомии Сипоҳи посдорони инқилоби исломӣ (воҳидҳои баргузидаи ҚМ Эрон) пайдо шуд ва аз рӯи баландии парвоз ба объекти душман монанд буд».

Дар изҳорот омадааст, ки «пас аз чанд соати ҳамлаҳои мушакӣ [ҚМ Эрон ба пойгоҳҳои низомии ИМА дар Ироқ] шумораи парвозҳои ҳавопаймоҳои низомии ИМА ба таври назаррас афзоиш ёфт». «Ин вазъ ба баланд шудани ҳассосияти байни воҳидҳои мудофиаи ҳавоӣ оварда расонд», — зикр шудааст дар изҳорот.

Президенти Эрон Ҳасани Рӯҳонӣ дар Twitter иттилоъ дод, ки Эрон аз иштибоҳи рухдодаи офатбор сахт изҳори таассуф мекунад. Ӯ ваъда дод, ки шахсони масъули суқути ҳавопаймои Украина ба ҷавобгарӣ кашида мешаванд.

Вазири корҳои хориҷии Эрон Муҳаммад Ҷавод Зариф бар ин назар аст, ки сабаби садама дар наздикии Теҳрон иштибоҳест, ки дар лаҳзаи бӯҳронӣ ва бар асари амалҳои моҷараҷӯёнаи ИМА ба миён омадааст. Вай дар ин бора рӯзи шанбе дар саҳифаи Twitter-и худ навиштааст.

«Рӯзи ҳузнангез аст». Бино ба хулосаи пешакии таҳқиқоти дохилии Қувваҳои Мусаллаҳ [Эрон]: иштибоҳи  инсонист, ки дар лаҳзаи бӯҳронӣ, ки бар асари амалҳои моҷараҷӯёнаи ИМА ба миён омаданд, сабаби фалокат гаштааст»- навиштааст ӯ.

Зариф тасаллият ва ҳамдардии худро ба мардуми Эрон ва инчунин ба хонаводаҳои қурбониёни фоҷиа изҳор доштааст.

Январь 11, 2020 10:53

Хабарҳои дигари ин бахш

СММ: Дар даҳсолаи охир бар асари офатҳои табиӣ 410 000 нафар одам ҳалок шудааст
Мошини сафорати Италия дар Кобул ҳадафи ҳамлаи террористӣ қарор гирифт
Раиси комиссияи ҳалли баҳсҳои молиявии Бонки марказии Афғонистон маҷрӯҳ шуд
Дар Бодғис дар натиҷаи таркиш ду полис ҷон бохтанд
Байден ИМА-ро ба СУТ ва созишномаи иқлим бозгардонид
Дирӯз Ҷозеф Байден ба ҳайси Президенти 46-уми Иёлоти Муттаҳида ба вазифа шурӯъ намуд
Дар натиҷаи таркиши мина дар назди бинои полиси Ҳирот шаш сарбози полис маҷрӯҳ шуданд
Набардҳои шадиди неруҳои амниятӣ бо «Толибон» дар минтақаҳои гуногуни Афғонистон идома доранд
Сафорати ИМА дар Афғонистон амрикоиҳоро даъват мекунад, ки кишварро тарк кунанд
Дар Кобул ду судяи зан дар ҳамлаи шахсони мусаллаҳ кушта шуданд
Кушта шудани як ғайринизомӣ дар таркиши мошини бомбгузоришуда дар Ғазнӣ
Дар Индонезия бар асари силсилаи заминҷунбиҳо 26 нафар ҳалок шуда, 600 тан осеб дидаанд