Гурӯҳи тарғиботӣ Паёми Пешвои миллатро ба сокинони шаҳри Ҳисор тавзеҳ дод
ДУШАНБЕ, 18.01.2020./АМИТ «Ховар»/. «Паёми Пешвои миллат муҳтарам Эмомалӣ Раҳмон ба Маҷлиси Олӣ пайкест аз натиҷаҳои ҷамъбасти фаъолияти соҳаҳои гуногуни мамлакат ва муайянкунандаи дурнамои рушди босуботи иқтисодию иҷтимоии ҷумҳурӣ», чунин зикр гардид, дар вохӯрии гурӯҳи тарғиботӣ, ки вобаста ба муҳтавои нуктаҳои муҳими Паёми Пешвои миллат дар шаҳри Ҳисор бо иштироки фаъолон ва аҳли зиёи шаҳр баргузор шуд.
Раиси шаҳри Ҳисор Шарифҷон Ҷумъазода зимни тавзеҳи нуктаҳои асосии Паёми Президенти мамкат ба Маҷлиси Олӣ изҳор намуд, ки Пешвои миллат муҳтарам Эмомалӣ Раҳмон соли 2019-ро дар таърихи Тоҷикистони соҳибистиқлол бо дастоварду пешравиҳои ноилшудаи халқамон ба сифати боз як соли бобарор арзёбӣ намуданд. Татбиқи чорабиниҳои муайяншуда дар «Стратегияи миллии рушди Ҷумҳурии Тоҷикистон барои давраи то соли 2030» ва «Барномаи миёнамуҳлати рушди Ҷумҳурии Тоҷикистон б арои солҳои 2016-2020» барои расидан ба ҳадафи олии ҳукумат, хусусан баланд бардоштани сатҳу сифати зиндагии мардум мусоидат намуд.
Таъкид шуд, ки Пешвои миллат дар Паём тамоми самтҳои давлатдориро бори дигар таҳлилу баррасӣ намуда, вазифаҳоро барои фаъолият дар соли ҷорӣ тарҳрезӣ карданд. Хусусан дар Паёми Президенти мамлакат ба Маҷлиси Олӣ саноатикунонии босуръат ҳамчун ҳадафи чоруми стратегии кишвар қабул гардид, зеро рушди саноат барои таъмини устувории иқтисодиёт, ташкили ҷойҳои нави корӣ, баланд бардоштани иқтидори содиротии мамлакат ва рақобатнокии он замина мегузорад.
Дар вохӯрӣ бо дахли рушди соҳаҳои иқтисодию иҷтимоӣ, ки дар Паёми Пешвои миллат махсус зикр гардидааст, гуфта шуд, ки дар шаҳри Ҳисор ба ифтихори ҷашни 30-солагии Истиқлолияти давлатӣ корҳои ободонию бунёдкорӣ бомаром идома дорад. Ба ифтихори 30 солагии Истиқлолияти давлатӣ бунёду азнавсозӣ ва таъмиру тармими зиёда аз 767 иншоот пешбинӣ гардида, 204 иншооти таъйиноташон гуногун мавриди баҳрабардорӣ қарор дода шуданд.
Зикр шуд, ки раванди корҳои ободонию бунёдкорӣ дар шаҳри Ҳисор собит менамояд, ки сокинони шаҳр бо ҳисси баланди масъулиятшиносӣ нуктаҳои Паёми Пешвои миллатро сармашқ ва рисолати кору фаъолияти худ қарор дода, дар рушду пешрафти ҷомеаи Тоҷикистони муосир саҳми босазо мегузоранд.
Ваколатдор оид ба ҳуқуқи инсон дар вохӯрии машваратии ниҳодҳои миллии ҳуқуқи инсони давлатҳои аъзои СҲШ иштирок намуд
Дар Душанбе даври сеюми Форуми марказҳои таҳлилии «Осиёи Марказӣ ва Ҷумҳурии Корея» баргузор гардид
Дар соҳили Сирдарёи шаҳри Хуҷанд шиногоҳи нав ба истифода дода шуд
«ВАҲДАТИ МИЛЛӢ — АСОСИ ШУКУФОИИ ВАТАН». Таҳти ин унвон конференсияи ҷумҳуриявӣ баргузор шуд
Ҷавонони Тоҷикистон дар Форуми 6-уми «Сарварони ҷавони эҷодкори Осиёи Марказӣ ва Русия» иштирок менамоянд
РӮЗИ ХИЗМАТЧИИ ДАВЛАТӢ. Дар Тоҷикистон ташкили ин ниҳод яке аз дастовардҳои давраи соҳибистиқлолӣ мебошад
Байни Тоҷикистон ва Қирғизистон Ёддошти тафоҳум оид ба ҳамкорӣ дар соҳаи ҳуқуқи инсон ба имзо расид
Форуми ҷумҳуриявии «Маърифати ҳуқуқӣ — омили рушди давлати ҳуқуқбунёд» доир мегардад
Душанбе мизбони Форуми марказҳои таҳлилии «Осиёи Марказӣ ва Ҷумҳурии Корея» мегардад
Дар Тоҷикистон дар даҳ сол як маротиба барӯйхатгирии аҳолӣ ва фонди манзил гузаронида мешавад
Дар Ховалинг соҳибкорон аз хонаводаҳои Каримовҳо ва Одинаевҳо барои ятимону маъюбон осоишгоҳ сохтанд
Барои гирифтор нашудани кӯдакон ба бемории дарунравӣ чӣ бояд кард?
