Гурӯҳҳои кории тарғиботӣ нуктаҳои асосии Паёми Пешвои миллатро ба сокинони шаҳри Роғун шарҳ медиҳанд
ДУШАНБЕ, 10.01.2020 /АМИТ «Ховар»/. Барои расонидани муҳтавои нуктаҳои асосии Паёми Пешвои миллат ба сокинон, дар шаҳри Роғун гурӯҳҳои кории тарғиботию ташвиқотӣ таъсис дода шудаанд, ки фаъолияти худро аз 7 январ оғоз намуданд. Дар ин бора ба мухбири АМИТ «Ховар» мудири шуъбаи рушди иҷтимоӣ ва робита бо ҷомеаи шаҳри Роғун Абдулмумин Худойдодов хабар дод.
Мавриди зикр аст, ки вохӯрию суҳбатҳо бо ташкили 4 гурӯҳи корӣ дар 27 мавзеъ, аз ҷумла маркази шаҳр, ҷамоатҳои шаҳраки Оби Гарм, деҳоти Қади Об ва деҳоти Сичароғ ба роҳ монда шудаанд.
Чунин мулоқот дар толори шуъбаи фарҳанги шаҳри Роғун бо иштироки намояндаи Дастгоҳи иҷроияи Президенти Ҷумҳурии Тоҷикистон оид ба корҳои ободонию бунёдкорӣ бахшида ба ҷашни 30-солагии Истиқлолияти давлатии Ҷумҳурии Тоҷикистон дар шаҳри Роғун Аъламхон Наимӣ, раиси шаҳри Роғун Музаффар Сулаймонзода ва сокинони маркази шаҳр баргузор гардид. Дар он меҳмонон нуктаҳои асосии Паёми навбатиро ба сокинон шарҳу тафсир дода, ҳадафҳои стратегии мамлакат ва рӯйдодҳои муҳими таърихие, ки соли 2019 ба вуқӯъ пайвастаанд, аз ҷумла ба кор андохтани агрегати дуюми «НБО Роғун» мавриди таваҷҷуҳ қарор дода шуданд.
Дар вохӯрӣ зикр гардид, ки бо ташаббуси Сарвари давлат муҳтарам Эмомалӣ Раҳмон пас аз пурра ба кор даромадани Неругоҳи барқи обии «Роғун» Тоҷикистон дар миқёси олам ба қатори се давлати аввали тавлидкунандаи «энергияи сабз» шомил мегардад.
Инчунин Паёми навбатӣ дар татбиқи чорабиниҳои «Стратегияи миллии рушди Ҷумҳурии Тоҷикистон барои давраи то соли 2030» ва «Барномаи миёнамуҳлати рушди Ҷумҳурии Тоҷикистон барои солҳои 2016-2020», тараққӣ додани яке аз самтҳои афзалиятноки сиёсати давлатӣ, яъне рушди соҳаи сайёҳӣ, пешрафти соҳаҳои илму маориф, тандурустӣ, ҳифзи иҷтимоии аҳолӣ, фарҳанг, татбиқи сиёсати ҷавонон, занон, оила ва рушди варзиш ҷиҳати расидан ба ҳадафи олии мамлакат, яъне баланд бардоштани сатҳу сифати зиндагии мардуми Тоҷикистон мусоидат хоҳад кард.
Ба иттилои манбаъ, то имрӯз дар шаҳр беш 13 вохӯрию ҳамоиш гузаронида шуда, дар онҳо беш аз 1200 нафар сокинон иштирок намуданд.
Дар Хуҷанд даври шаҳрии Озмуни ҷумҳуриявии «Беҳтарин хизматчии давлатӣ аз ҳисоби занон» доир шуд
ИСТИҚЛОЛ ВА ФАРДОИ ДУРАХШОНИ ВАТАН. Доир ба он ҳамоиши ҷумҳуриявӣ баргузор шуд
12 АВГУСТ — РӮЗИ БАЙНАЛМИЛАЛИИ ҶАВОНОН. Беш аз 1700 нафар ҷавонони Тоҷикистон дар вазифаҳои роҳбарӣ фаъолият доранд
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
Истифодаи барномаи «Амина» барои шаҳрвандони хориҷие, ки ба Русия бе раводид ворид мешаванд, ҳатмӣ мегардад
ТАВСИЯҲОИ МУФИД. Доир ба тарзи нави захира кардани меваҷоту сабзавот барои фасли зимистон
«ЭЪЛОМИЯИ ҲУҚУҚИ БАШАР». Таҳти чунин унвон ҳамоиши ҷумҳуриявӣ доир гардид
Китоби Пешвои миллат Эмомалӣ Раҳмон таҳти унвони «Ҳизби Халқии Демократии Тоҷикистон ва марҳилаҳои рушди Тоҷикистони соҳибистиқлол» рӯнамоӣ гардид
Дар Хадамоти иҷро оид ба татбиқи хизматрасониҳои электронӣ машварати омӯзишӣ доир гардид
Тақвияти ҳамкории Тоҷикистон ва Британияи Кабир дар соҳаи муҳоҷирати меҳнатии бехатар баррасӣ шуд
