Имрӯз таҳти раёсати Сарвазири мамлакат Қоҳир Расулзода ҷаласаи навбатии Шўрои миллии муқовимат ба коррупсия баргузор гардид
ДУШАНБЕ, 28.01.2020. /АМИТ «Ховар»/. Имрўз таҳти раёсати Сарвазири мамлакат Қоҳир Расулзода ҷаласаи навбатии Шўрои миллии муқовимат ба коррупсияи Ҷумҳурии Тоҷикистон баргузор гардид.
Дар ҷаласаи навбатии Шўрои миллии муқовимат ба коррупсияи Ҷумҳурии Тоҷикистон асосан 4 масъала мавриди таҳлилу баррасӣ қарор дода шуд. Сарвазири мамлакат Қоҳир Расулзода таъкид намуд, ки аз рўзҳои аввали ба даст овардани Истиқлолияти давлатӣ муқовимат ба коррупсия дар меҳвари сиёсати пешгирифтаи давлат ва Ҳукумати Ҷумҳурии Тоҷикистон қарор дошта, барои пешгирӣ аз амалҳои коррупсионӣ ва мубориза бо он қонун ва стратегияҳои зиёд қабул шудаанд. Яке аз онҳо «Стратегияи муқовимат ба коррупсия дар Ҷумҳурии Тоҷикистон барои солҳои 2013-2020» ба шумор меравад. Қабул ва амалӣ гардидани стратегияи мазкур дар мамлакат шароит фароҳам овард, ки шиддати коррупсия ва ҷиноятҳои алоқаманд ба он коҳиш ёбад.
Таъкид карда шуд, ки «Стратегияи муқовимат ба коррупсия дар Ҷумҳурии Тоҷикистон барои солҳои 2013-2020» аз 89 банд иборат буда, мониторинги ҳолати иҷрои он соли 2019 дар мақомоти иҷроияи ҳокимияти давлатии вилоятҳо, шаҳру ноҳияҳо ва вазорату идораҳо, ташкилоту муассисаҳои давлатӣ нишон дод, ки 72 банди он пурра иҷро гардидааст.
Дар ҷаласаи навбатии Шўрои миллии муқовимат ба коррупсияи Ҷумҳурии Тоҷикистон ҳисоботи директори Агентии назорати давлатии молиявӣ ва мубориза ба коррупсияи Ҷумҳурии Тоҷикистон, сардори Раёсати мудофиа ва тартиботи ҳуқуқии Дастгоҳи иҷроияи Президенти Ҷумҳурии Тоҷикистон ва роҳбарияти мақомоти иҷроияи ҳокимияти давлатии вилояти Суғд ва ноҳияи Рўдакӣ оид ба ҳолати иҷрои «Стратегияи муқовимат ба коррупсия дар Ҷумҳурии Тоҷикистон барои солҳои 2013-2020» шунида шуд.
Дар охир «Нақшаи кории ҷаласаи навбатии Шўрои миллии муқовимат ба коррупсияи Ҷумҳурии Тоҷикистон барои соли 2020» ҷиҳати амалисозии нақшаи ҷорабиниҳои «Стратегияи муқовимат ба коррупсия дар Ҷумҳурии Тоҷикистон барои солҳои 2013-2020» баррасӣ ва қабул карда шуд.
Дар Вазорати мудофиа оид ба саҳми Артиши миллӣ дар таҳкими сулҳу субот ва Ваҳдати миллӣ ҳамоиш доир шуд
«Ҳифзи суботу оромии кишвар масъулияти ҳар як шаҳрванди ватандӯст мебошад», — бардошт аз ҳамоиш дар мақомоти милитсияи пойтахт
Дар Прокуратураи генералӣ бахшида Рӯзи Ваҳдати миллӣ ҷамъомади тантанавӣ баргузор шуд
НАШЪАМАНДӢ-ВАБОИ АСР. Саломатӣ ва озодиро интихоб намо, на вобастагиро!
Ҷаласаи Платформаи миллии Ҷумҳурии Тоҷикистон оид ба паст кардани хавфи офатҳои табиӣ дар соли 2026 баргузор гардид
Кормандони гумрук аз гардиши ғайриқонунӣ 4 қуттӣ маҳсулоти тамокуӣ дарёфт ва мусодира намуданд
Байни Агентии назорати маводи нашъаовари Тоҷикистон ва Вазорати корҳои дохилии Русия Созишномаи ҳамкорӣ ба имзо расид
Прокурори ҳарбии гарнизони Суғд: «Нақши Ваҳдати миллӣ дар рушди Қувваҳои Мусаллаҳ ва ҳифзи манфиатҳои миллӣ беназир аст»
Маркази матбуоти Вазорати корҳои дохилии Ҷумҳурии Тоҷикистон хабар медиҳад
Дар Душанбе корхонаи ғайриқонунии истеҳсоли доруворӣ ошкор гардид
Натиҷаҳои даъвати шаҳрвандон ба сафи Қувваҳои Мусаллаҳи Тоҷикистон ҷамъбаст гардиданд
ФАРЗАНДОНИ ХУДРО БЕНАЗОРАТ НАГУЗОРЕД! Ҳангоми шиноварӣ қоидаҳои бехатариро бояд риоя намуд
