Низомномаи озмунҳои ҷумҳуриявии «Тоҷикистон — Ватани азизи ман!» ва «Фурӯғи субҳи доноӣ…» такмил дода мешавад

Январь 3, 2020 14:10

ДУШАНБЕ, 03.01.2020. /АМИТ «Ховар»/. Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Паёми худ, ки 26 декабри соли 2019 ба Маҷлиси Олии мамлакат ироа гардид, пешниҳод намуданд, ки озмунҳои ҷумҳуриявии «Тоҷикистон — Ватани азизи ман!» ва «Фурӯғи субҳи доноӣ…» минбаъд таҳти сарпарастии Президенти ҷумҳурӣ ҳар сол гузаронида шаванд.

Тавре аз маркази матбуоти Вазорати фарҳанги Ҷумҳурии Тоҷикистон ба хабарнигори АМИТ «Ховар» иттилоъ доданд, Вазорати фарҳанг ва кумитаи тадорукот тасмим гирифтаанд, ки бо мақсади дар сатҳи баланд гузаронидани озмун ва беҳтар гардонидани мазмуну муҳтавои он низомномаи озмунро такмил диҳанд.

Бино ба иттилои манбаъ, олимону коршиносон ва адибону мутахассисон, ки оид ба беҳтару ҷолибтар кардани озмунҳои мазкур андеша ё пешниҳодҳо доранд, метавонанд онро ба таври хаттӣ ё электронӣ ба Вазорати фарҳанги Ҷумҳурии Тоҷикистон равон созанд.

Пешниҳодҳо оид ба Озмуни ҷумҳуриявии «Тоҷикистон — Ватани азизи ман» ба нишони электронии Раёсати санъати Вазорати фарҳанги Ҷумҳурии Тоҷикистон iskusstv2018@mail.ru ва пешниҳодҳо оид ба Озмуни ҷумҳуриявии «Фурӯғи субҳи доноӣ…» ба нишонии электронии Раёсати рушди муассисаҳои фарҳангӣ-фароғатӣ ва ҳунарҳои мардумӣ vfarhang03@gmail.com қабул карда мешаванд.

Бояд тазаккур дод, ки пешниҳодҳо танҳо аз нафароне қобили қабуланд, ки дар мактуб суроға, ҷойи кор, рақами телефон ва ному насаби воқеияшонро нишон дода бошанд.

Тавре Сарвари давлат таъкид намуданд, «ҳар сол озмуни «Фурӯғи субҳи доноӣ…» – ро баргузор намуда, ба он доираи ҳарчи васеътари ҷомеа ҷалб ва ҷиҳати ҳавасмандсозии ғолибон аз мактаб сар карда, то мақомоти маҳалливу марказии ҳокимияти давлатӣ чораҷӯӣ карда шавад. Вазорати маориф ва илм, вазорату идораҳое, ки дар сохторашон муассисаҳои таълимӣ доранд, роҳбарони мақомоти маҳаллии ҳокимияти давлатии вилоятҳо ва шаҳру ноҳияҳо вазифадор карда мешаванд, ки минбаъд ҳар сол озмуни «Фурӯғи субҳи доноӣ…» – ро аз рӯи се самт: якум- миёни тарбиягирандагон ва хонандагони муассисаҳои таҳсилоти томактабӣ ва миёнаи умумӣ; дуюм — таҳсилоти ибтидоӣ, миёна ва олии касбӣ ва сеюм — дар байни калонсолон васеъ ба роҳ монанд».

Январь 3, 2020 14:10

Хабарҳои дигари ин бахш

Дар давраи таътил дар Суғд озмуни вилоятии «Китобхони беҳтарин» гузаронида мешавад
«Донишномаи Донишгоҳи омӯзгорӣ» интишор шуд
ЧАРОҒИ МАЪРИФАТ ВА ХОСТАҲОИ ҲУМОЙӢ. Суҳбати хабарнигори АМИТ «Ховар» бо ғолиби Озмуни ҷумҳуриявии «Фурӯғи субҳи доноӣ китоб аст»
ФАЛАК ҲАМРАДИФ БО САНЪАТИ ОПЕРА ҶАҲОНӢ АСТ! Чунин омадааст дар китоби тозанашри фарҳангшинос Ҷонибек Асрориён, ки ба ин жанри мусиқӣ бахшида шудааст
ФУРӮҒЕ, КИ ФАРРУ АНВОРИ НАВ ДОД. Чанд андеша ва пешниҳоди шоир Камол Насрулло оид ба озмунҳои «Фурӯғи субҳи доноӣ китоб аст» ва «Тоҷикистон — Ватани азизи ман»
ВИЖАГИҲОИ НИЗОМИ СИЁСӢ ДАР АФҒОНИСТОНИ МУОСИР. Имрӯз дар Душанбе таҳти ин унвон ҳамоиш доир шуд
Дар Душанбе маросими ҷоизасупорӣ ба ғолибони даври ниҳоии Озмуни ҷумҳуриявии «Фурӯғи субҳи доноӣ китоб аст» доир гардид
21 нафар волидони иштирокчиёни Озмуни ҷумҳуриявии «Фурӯғи субҳи доноӣ китоб аст» соҳиби нишони «Маърифатпарвар» шуданд
«КУМАК КАРДА НАМЕТАВОНЕД, ЛОАҚАЛ ХАЛАЛ НАРАСОНЕД…». Шоираи маъруф Адибаи Хуҷандӣ гуфт, ба чӣ ҳадаф гурӯҳи фейсбукии «Пешвои миллат Эмомалӣ Раҳмон»-ро таъсис додааст
Пагоҳ ғолибони Озмуни ҷумҳуриявии «Фурӯғи субҳи доноӣ китоб аст» дар соли 2021 муайян мегарданд
ФУРӮҒИ СУБҲИ ДОНОӢ КИТОБ АСТ. Дар Китобхонаи миллии Тоҷикистон рақобат барои дарёфти «Шоҳҷоиза» ҷараён дорад
Китобхона дорухонаи қалб ва китоб ғизои маънавист,-бардошт аз Озмуни ҷумҳуриявии «Фурӯғи субҳи доноӣ китоб аст»