Роҳбарони ширкатҳои ҳавопаймоии Осиёи Марказӣ дар Алмаато ҷамъ омаданд
ДУШАНБЕ, 27.01.2020/АМИТ «Ховар»/. Дурнамои рушди соҳаи авиатсия, масоили стратегияи ҳамлу нақл ва заминаи меъёрию ҳуқуқии Иттиҳоди Аврупо оид ба алоқаи ҳавоӣ, пардохтҳои фурудгоҳӣ ва низоми маълумот оид ба мусофирон API-PNR дар ҳамоиши дуюми роҳбарони ширкатҳои ҳавопаймоии давлатҳои Осиёи Марказӣ дар шаҳри Алмаатои Қазоқистон баррасӣ гардид.
Аз хадамоти матбуоти ширкати ҳавопаймоии «Сомон Эйр» ба АМИТ «Ховар» иттилоъ доданд, ки дар ҳамоиш дар радифи роҳбарони ширкатҳои ҳавопаймоии «Somon Air»-Тоҷикистон, «Air Astana», «QAZAQ Air» ва «SCAT»-и Қазоқистон, «AviaTraffic»-и Қирғизистон, инчунин «AZAL»-и Озарбойҷон ва намояндагони IATA- Ассосиатсияи байналмилалии нақлиёти ҳавоӣ иштирок намуданд.
Роҳбарони ширкатҳои ҳавопаймоӣ таъкид намуданд, ки бехатарӣ барои соҳаи авиатсия афзалияти аввалиндараҷа буда, барои ноил шудан ба сатҳи баландтарини бехатарӣ талошҳои муштарак зарур аст. Аз ҷумла, аудити IOSA барномаи муҳимест, ки стандартҳои баландтари бехатариро барои ширкатҳои ҳавопаймоӣ таъмин мекунад ва мақомоти танзимкунанда бояд аудитро ҳамчун як барномаи муҳим барои баланд бардоштани бехатарии парвозҳо баррасӣ намоянд. Ғайр из ин, таҳкими ҳамкорӣ байни ҷомеаи авиатсионӣ ва мақомоти Иттиҳоди Аврупо коммуникатсияро беҳбуд мебахшад ва бо истифода аз таҷриба ва донишҳои пешқадам дар соҳаи ҳавопаймоӣ ноилшавӣ ба мақсадҳои умумиро фароҳам меорад. Роҳбарони ширкатҳои ҳавопаймоӣ рушди API/PNR-ро дар минтақа, ҷиҳатҳои мусбат ва манфии татбиқи ин барномаро дар Осиёи Марказӣ баррасӣ карданд. Сарони ширкатҳои ҳавопаймоӣ иброз доштанд, ки татбиқи API/PNR масъалаи амнияти миллӣ мебошад ва аз ин рӯ бояд аз ҷониби мақомоти давлатӣ маблағгузорӣ карда шавад.
Ҳамоиши роҳбарони ширкатҳои ҳавопаймоии давлатҳои Осиёи Марказӣ нишасти муҳим мебошад, зеро дар он масъалаҳои мубрами марбут ба рушди авиатсияи гражданӣ дар Осиёи Марказӣ мунтазам баррасӣ мешаванд. Коршиносони IATA табодули таҷриба намуда, манфиатҳои иқтисодии авиатсия, тамоюлҳои рушд ва дурнамои минтақаро муҳокима мекунанд.
Мавриди зикр аст, ки моҳи майи соли гузашта Душанбе мизбони нахустин ҳамоиши роҳбарони ширкатҳои ҳавопаймоии Осиёи Марказӣ гардида буд.
Қоҳир Расулзода бо вазири федералии энергетикии Покистон Авайс Аҳмад Хан Леғарӣ мулоқот намуд
Ҷаласаи Гурӯҳи кории намояндагони мақомоти гумруки Тоҷикистон ва Узбекистон баргузор гардид
Дар Душанбе рафти татбиқи лоиҳаҳои муштарак бо Бонки Олмонии рушд баррасӣ гардид
Аҳамияти муҳими «CASA -1000» дар ҷаласаи 8-уми Комиссияи муштараки ҳамкории иқтисодии Тоҷикистон ва Покистон баррасӣ шуд
«Амонатбонк» ҳамкориро бо Бонки кишоварзии Чин тақвият медиҳад
Ҳаракати қатораи мустақими мусофирбар дар масири Душанбе — Москва барқарор карда шуд
Шурои Гурӯҳи Бонки ҷаҳонӣ Барномаи шарикии кишварӣ барои Тоҷикистонро қабул намуд
Барои ҳаракати нақлиёти боркаши гаронвазн дар роҳҳои мошингард маҳдудият ҷорӣ гардид
Ҷаласаи 8-уми Комиссияи муштараки ҳамкории тиҷоратӣ, иқтисодӣ ва илмӣ-техникии Тоҷикистон ва Покистон баргузор шуд
Дар ноҳияи Зафаробод ҷамъоварии ҳосили ғалладонагиҳо оғоз гардид
«ХАТЛОН — САРЗАМИНИ ТАМАДДУНҲО ВА САЁҲАТ». Дар Чилдухтарон форум ва намоишгоҳи байналмилалии сайёҳӣ баргузор мешавад
Дар Бохтар масъалаи таҳкими ҳамкорӣ дар соҳаи тандурустӣ бо Агентии байналмилалии неруи атомӣ баррасӣ шуд
