ШОҲИДИ СЕ АСР! Дар вилояти Суғд сокини куҳансолтарини Тоҷикистон дар синни 127-солагӣ аз олам даргузашт
ДУШАНБЕ, 29.01.2020 /АМИТ «Ховар»/. Сокини деҳаи Даҳанаи ҷамоати шаҳраки Шайдони ноҳияи Ашти вилояти Суғд Фотима Мирзоқулова, ки куҳансолтарин сокини Тоҷикистон маҳсуб мешуд, дар синни 127-солагӣ аз олам даргузашт. Ҷасади ӯ 25 январ дар ҳамон деҳа ба хок супорида шуд. Дар ин бора ба АМИТ «Ховар» дар Мақомоти иҷроияи ҳокимияти давлатии ноҳияи Ашт хабар доданд.
Фотима Мирзоқулова 13 марти соли 1893 дар деҳаи Қаҳрамон, собиқ Булоқи ноҳияи Ашт ба дунё омадааст ва баъди издивоҷ бо як сокини Даҳана ба ин деҳа кӯчидааст.
Тибқи маълумоти пайвандон, ӯ якумр дар колхозҳои ноҳия (ҳоло хоҷагиҳои деҳқонӣ) кор кардааст. Соҳиби 8 фарзанд: панҷ духтару се писар аст, ки ҳар яке соҳиби маълумот, оилаву хонаву даранд. Ин зани меҳнатӣ баъди ба нафақа баромадан ҳам дар хона нишаста наметавонист ва дар мавсими ҷамъоварии ҳосили пахта ба саҳро баромада, кор мекард. Аз аввал то анҷоми мавсими ҷамъоварии ҳосили «тиллои сафед» заҳмат мекашид. Барояш ин кор хеле писанд буд.
Бино ба маълумоти расонаҳо, бибии Фотима худ роҳ гашта метавонист ва аз саломатияш шикояте надошт.Ӯ давраҳои ҷавонияшро ба ёд оварда, мегуфт, ки дар сохтмони канали Фарғона кору фаъолият кардааст. Бибии Фотима ҳатто ҳамдеҳаи машҳураш Туйчӣ Эрйигитовро, ки дар Ҷанги Бузурги Ватанӣ ҳалок гардида, барои корнамоиҳояш сазовори унвони Қаҳрамони Иттиҳоди Шӯравӣ шудааст, ба хубӣ дар ёд дошт.
Гуфта мешавад, ки ду сол пеш 125-солагии Фотима Мирзоқуловаро дар деҳаи Даҳана дар ҳалқаи фарзандону наберагон ва хешу табори наздикаш ҷашн гирифта буданд. Тантанаи расмие ба ин муносибат доир накарда буданд. Дар арафаи Рӯзи Модар ҳар сол намояндагони Дастгоҳи иҷроияи Президенти Ҷумҳурии Тоҷикистон ва Раиси ноҳия дар қатори дигар занони собиқадору умрдида ба аёдати Фотима Мирзоқулова меомаданд.
«Бибии Фотима соҳиби қариб 200 набераю абераю чабера аст. Ин зани нуронӣ шоҳиди се аср — 19, 20, 21 ва се давраи таърихӣ — Россияи подшоҳӣ, Иттиҳоди Шӯравӣ ва, инак, Тоҷикистони соҳибистиқлол буд»,- гуфтанд ба хабарнигори АМИТ «Ховар» дар Мақомоти иҷроияи ҳокимияти давлатии ноҳияи Ашт.
Байни Агентии хизмати давлатии Тоҷикистон ва Вазорати идоракунии ҳайати Ҷумҳурии Корея Ёддошти тафоҳум ба имзо расид
16 СЕНТЯБР — РӮЗИ БАЙНАЛМИЛАЛИИ КАРДИОЛОГИЯИ ИНТЕРВЕНСИОНӢ. Табобати бемориҳои дилу раг бо истифодаи ҷарроҳиҳои муосир ва бе буриши калон ба куллӣ тағйир ёфтааст
Тоҷикистон ва Британияи Кабир масъалаи таҳия ва имзои санади нави ҳамкориро дар самти пешгирии ҳолатҳои фавқулода баррасӣ карданд
Дар Душанбе роҳҳои нави ҳамкорӣ бо ҷамъиятҳои тоҷикон ва ҳамватанони бурунмарзӣ баррасӣ гардиданд
Тоҷикистон ва Чин робитаҳои илмӣ-таҳлилӣ ва ҳамкории минтақавиро густариш медиҳанд
«ХУШДОМАНИ БЕҲТАРИН». Ин озмуни ҷумҳуриявӣ бо мақсади таҳкими фарҳанги оиладорӣ баргузор мешавад
Дар фасли тирамоҳ бемориҳои сироятии мавсимӣ зиёд мешаванд
«БЕҲТАРИН ҲАМСАР». Даври якуми озмуни ҷумҳуриявӣ дар ҷамоатҳо, деҳот ва маҳаллаҳо оғоз шуд
Дар пиряхи Тоҷикистон экспедитсияи байналмилалӣ оид ба навсозии стансияи баландкӯҳи Горбунов гузаронида шуд
МАҚОМИ ЗАН ДАР ДАВРОНИ ИСТИҚЛОЛ. Давоми сеюним даҳсола мавқеъ ва мақоми зан дар ҷомеа ба куллӣ тағйир ёфт
Дар назди Коллеҷи муҳандисӣ-техникии ноҳияи Нуробод бинои нави таълимӣ ва хобгоҳ сохта мешавад
Дар Суғд масъалаи риояи талаботи санитарию эпидемиологӣ дар муассисаҳои хизматрасонӣ баррасӣ гардид
