Яке аз соҳибкорони муваффақи ҷумҳурӣ ба вакилии Маҷлиси намояндагони Маҷлиси Олии Ҷумҳурии Тоҷикистон номзад пешбарӣ шуд
ДУШАНБЕ, 10.01.2020 /АМИТ «Ховар»/. Дар Конференсияи Ҳизби Халқии Демократии Тоҷикистон дар шаҳри Ҳисор номзадии узви ҲХДТ, яке аз соҳибкорони муваффақи ҷумҳурӣ ба вакилии Маҷлиси намояндагони Маҷлиси Олии Ҷумҳурии Тоҷикистон аз ҳавзаи интихоботии якмандатаи Ҳисор №7 пешбарӣ шуд.
Дар кори Конференсия ба намояндагӣ аз Кумитаи Иҷроияи Марказӣ муовини аввал ва раиси Кумитаи иҷроияи Ҳаракати ваҳдати миллӣ ва эҳёи Тоҷикистон Мирзошоҳрух Асрорӣ, вакилон аз ташкилотҳои ибтидоии ҳизбӣ, роҳбарони корхонаю муассисаҳо иштирок намуданд. Дар Конференсия масъалаи пешбарии номзад ба вакилии Маҷлиси намояндагони Маҷлиси Олии Ҷумҳурии Тоҷикистон аз ҳавзаи интихоботии якмандатии Ҳисор №7 мавриди баррасӣ қарор дода шуд.
Вакилон бо ҷонибдорӣ ва овоздиҳии пинҳонӣ номзадии узви ҲХДТ, директори ҶДММ «Гурӯҳи Самимӣ Констракшн» Сурайё Ӯроқоваро ба вакилии Маҷлиси намояндагони Маҷлиси Олии Ҷумҳурии Тоҷикистон аз ҳавзаи интихоботии якмандатии Ҳисор №7 пешбарӣ намуданд.
Хотиррасон мешавем, ки Сурайё Ӯроқова аз соҳибкорони муваффақи Тоҷикистон маҳсуб меёбад. Чанд соли қабл ӯ бо харҷи 27 миллион сомонӣ дар маҳаллаи Зарафшони ноҳияи Синои пойтахт бинои истиқоматии 12 — ошёнаро бо марказҳои савдою хизматрасонии муосир мавриди истифода қарор дод. Дар расми ифтитоҳи иншооти мазкур Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон иштирок карданд.
ДАР АКС: бинои бунёдкардаи соҳибкор Сурайё Ӯроқова дар маҳаллаи Зарафшони Душанбе. Акс аз байгонӣ
АМИТ «Ховар» хабар дода буд, ки дар марҳилаи сохтмон 80 ҷой ва баъди ифтитоҳи иншоот 150 ҷойи корӣ таъсис ёфтааст. Сарвари давлат ба иқдоми Сурайё Уроқова барои бунёди бинои истиқоматӣ ва , муҳимтар аз ҳама, таъсиси ҷойҳои нави корӣ, ки боиси некуаҳволии як зумра шаҳрвандон мегардад, баҳои баланд доданд.
Сурайё Ӯроқова 27 марти соли 1973 дар шаҳри Душанбе ба дунё омадааст. Соли 1995 Донишгоҳи миллии Тоҷикистонро бо ихтисоси ҳуқуқшинос аъло хатм кардааст. Яке аз соҳибкорони муваффақи ҷумҳурӣ ба ҳисоб рафта, чандин иншооти азими иҷтимоиро дар шаҳри Душанбе бунёд намудааст. Аз соли 2005 инҷониб дар вазифаи директори генералии ҶДММ «Гурӯҳи Самимӣ-Констракшн» фаъолият мекунад. Соли 2016 бо медали «Хизмати шоиста» сарфароз гардидааст.
Ҳайати вакилони Тоҷикистон дар Муколамаи дуюми минтақавии парламентӣ оид ба рушди технологияҳои «сабз» иштирок намуд
Дар Маҷлиси намояндагон лоиҳаи Қонуни Ҷумҳурии Тоҷикистон «Дар бораи мақоми омӯзгор» мавриди баррасӣ қарор гирифт
Дар Русия ҷаласаҳои навбатии Ассамблеяи байнипарламентии давлатҳои ИДМ баргузор гардиданд
Файзалӣ Идизода бо ваколатдор оид ба ҳуқуқи инсон дар Федератсияи Русия вохӯрӣ намуд
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ бо муовини Раиси Ҳукумати Федератсияи Русия Марат Ҳуснуллин мулоқот намуданд
Файзалӣ Идизода дар ҷаласаи маҷозии роҳбарони парламентҳои кишварҳо иштирок намуд
Иҷлосияи дуюми Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Ҳайати Гурӯҳи дӯстӣ ва ҳамкории Маҷлиси намояндагони Тоҷикистон бо Палатаи намояндагони Маҷлиси миллии Беларус мулоқот намуд
Намояндаи Тоҷикистон дар Конфронси умумиҷаҳонии парламентӣ оид ба мубориза бо терроризм ва пешгирии ифротгароӣ иштирок намуд
Вакили Маҷлиси намояндагон: «Парлумони Тоҷикистон иштирокчии фаъол ва шарики муътамади Форуми осиёии ҳамкории парламентӣ мебошад»
ЗАБОНИ ТОҶИКӢ — ЗАБОНИ ҚУДРАТ ВА ИЛМУ ТАҲСИЛ. Андешаҳо оид ба бузургдошти забони давлатии Тоҷикистон
Дар Душанбе доир ба асосҳои қонунгузории гузариш ба рушди «сабз» ҳамоиш баргузор гардид
