Бар асари сӯхтор дар ноҳияи Бобоҷон Ғафуров чор узви як оила ба ҳалокат расиданд
ДУШАНБЕ, 26.02.2020. /АМИТ «Ховар»/. Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон хабар медиҳад, ки дар ҷамоати Ёваи ноҳияи Бобоҷон Ғафурови вилояти Суғд бар асари сӯхтор чор нафар узви як оила ба ҳалокат расидаанд. Ҳалокшудагон шаҳрванд Абдуалӣ Раҷабови 28-сола, ҳамсараш Сайида Раҷабоваи 25-сола буда, фарзандонашон Сафияву Кабирҷон 4 ва 3- сол доштаанд.
Тибқи маълумоти навбатдори фаврии Раёсати Кумитаи ҳолатҳои фавқулода ва мудофиаи гражданӣ дар вилояти Суғд шаби 25 феврал, тахминан соати 03:04 дар ҷамоати Ёваи ноҳияи Бобоҷон Ғафуров, дар хонаи истиқоматии шаҳрванд Раҷабов Абдумавлон Раҷабович сӯхтор ба амал омад.
«Кормандони хадамоти давлатии сӯхторнишонӣ дар муддати кӯтоҳ сӯхтори азимро хомӯш карданд. Мутаассифона, дуди ғализ ва забонаи оташ, ки ҳама роҳҳои хуруҷро баста буд, сабаби марги бошандагони хона гардид», — омадааст дар иттилоияи манбаъ.
Сабабҳои сар задани сӯхтор аз ҷониби мақомоти дахлдор тафтиш гардида истодаанд.
Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон аз шаҳрвандон хоҳиш мекунад, ки дар истифодаи асбоби барқӣ эҳтиёткор бошанд. Бахусус дар вақти хоб асбоби барқиро хомӯш кунанд.
Татбиқи лоиҳаи «Барқарорсозии зерсистемаи системаи ВМК-и канали Қумсангир» ба 95 фоиз расид
ЗИМИСТОНГУЗАРОНӢ. Дар Сангвор ситоди ноҳиявӣ оид ба омодагии пурра ба фаслҳои тирамоҳу зимистон таъсис ёфтааст
Дар Москва конгресси 5-уми миллӣ дар соҳаи тиб доир гардид
Дар Ҳисор бахшида ба 32-солагии қабули Конститутсияи Ҷумҳурии Тоҷикистон конференсия доир шуд
Оид ба Конститутсия ва ҷойгоҳи он дар танзими муносибатҳои идоракунии давлатӣ ҳамоиши ҷумҳуриявӣ доир шуд
«КОНСТИТУТСИЯ-КАФИЛИ АДОЛАТИ СУДӢ». Дар Суди Олии иқтисодии Тоҷикистон ҳамоиш доир гардид
Муассисаи «Шабакаи гармидиҳии шаҳри Душанбе»: «Муштариён метавонанд барои ҳалли мушкилот ба рақами кӯтоҳи 14-44 занг зананд»
Доир ба саҳми академик Муҳаммадҷони Шакурӣ дар рушди илму адаб конференсияи илмӣ баргузор шуд
«КОНСТИТУТСИЯ–ПОЙДОРИИ ДАВЛАТИ ҲУҚУҚБУНЁД». Таҳти чунин унвон конференсияи ҷумҳуриявӣ доир гардид
Роҳҳои баланд бардоштани ҳосилнокии зироатро дар шаҳри Кӯлоб баррасӣ намуданд
Дар мавзуи «Конститутсия ва таъмини ҳуқуқ ба озодии эътиқод» конференсияи ҷумҳуриявӣ доир шуд
Дар ҷаласаи Шурои ҷамъиятии Ҷумҳурии Тоҷикистон механизмҳои нави ҳимояи ҳуқуқи муҳоҷирони меҳнатӣ баррасӣ гардид
