Дар Панҷакент бинои нави Хадамоти шиносномавию бақайдгирӣ ба истифода дода шуд

Февраль 21, 2020 11:00

ДУШАНБЕ, 21.02.2020. /АМИТ «Ховар»/.  Дар шаҳри Панҷакент бинои нави Хадамоти шиносномавию бақайдгирии шуъбаи Вазорати корҳои дохилӣ  ба истифода дода шуд. Дар маросими баистифодадиҳии бинои мазкур сардори Раёсати Вазорати корҳои дохилӣ дар вилояти Суғд  Абдулло Навҷувонов  ва раиси шаҳри Панҷакент Ислом Шафеиён иштирок доштанд. Ин иқдом  бо мақсади хубу босифат анҷом додани хизматрасониҳо дар самти дастрасии шаҳрвандон ба гирифтани шиноснома роҳандозӣ гардидааст.

Тавре аз маркази матбуоти Вазорати корҳои дохилии Ҷумҳурии Тоҷикистон ба АМИТ «Ховар» хабар доданд, сардори Раёсати ВКД дар вилояти Суғд  ва Раиси шаҳри Панҷакент баъди боздид аз утоқҳои корӣ ва шиносоӣ бо шароити фароҳамгардида  бо ҳайати шахсии Шуъбаи Вазорати корҳои дохилӣ дар шаҳри Панҷакент мулоқот намуданд.

Зимни мулоқот аз ғамхориҳои пайвастаи Пешвои миллат муҳтарам Эмомалӣ Раҳмон нисбат ба кормандони милитсия ёдовар шуда, ифтитоҳи бинои навбунёдро туҳфаи арзанда  маънидод  карданд.

Таъкид гардид, ки дар ҷавоб ба чунин дастгириҳои давлату Ҳукумати Тоҷикистон кормандони Хадамоти шиносномавию бақайдгирииро зарур аст сифати хизматрасонӣ ба аҳолиро беҳтар ба роҳ монда, дар ҳама гуна ҳолат барои хизмат ба мардум омода бошанд.

Иншооти мазкур  бахшида ба 30-солагии Истиқлолияти давлатии Тоҷикистон бо ташаббуси Вазорати корҳои дохилӣ ва Мақомоти иҷроияи ҳокимияти давлатии шаҳри Панҷакент сохта шудааст.

Бинои нав дар шафати бинои асосии шуъбаи  Вазорати корҳои дохилии шаҳри  мазкур  ҷойгир  буда, аз 4 ҳуҷраи корӣ, 1 ҳуҷраи бойгонӣ, 2 толори васеъ ва барҳаво барои интизории шаҳрвандон, ҳуҷраи хизматрасонӣ ва даромадгоҳ иборат аст.

Бинои  Хадамоти шиносномавию бақайдгирӣ   мутобиқ ба  талаботи замони муосир сохта шуда, бо тамоми таҷҳизоти техникӣ, мебелу ашёи зарурӣ муҷаҳҳаз буда, барои сари вақт ва бе мушкилӣ қабулу баррасии муроҷиати шаҳрвандони шаҳри Панҷакенти бостонӣ шароит фароҳам меоварад.

Февраль 21, 2020 11:00

Хабарҳои дигари ин бахш

ЗИҲӢ САРВАР, ЯТИМОНРО ПУШТИБОНУ ЁВАР!!!
15-18 июл дар Тоҷикистон Мактаби тобистонаи таълими ҳуқуқи инсон баргузор мегардад
Дар Филиппин Форуми байналмилалии тандурустӣ баргузор гардид
Дар ноҳияи Рӯшон оид ба истифодаи сарфакоронаи неруи барқ вохӯрӣ доир гардид
Аз 9 то 13 июл дар Тоҷикистон ҳарорати ҳаво то 5 дараҷа паст мешавад
Байни Тоҷикистон ва Қирғизистон Ёддошти тафоҳум оид ба ҳамкорӣ дар соҳаи иҷтимоӣ ба имзо расид
ИМРӮЗ — РӮЗИ МАЪЮБОН. Дар Тоҷикистон заминаи ҳуқуқии ҳифзи иҷтимоии маъюбон фароҳам оварда шудааст
Пагоҳ дар баъзе аз кӯчаҳои Душанбе ҳаракати воситаҳои нақлиёт муваққатан қатъ мегардад
Дар Душанбе вобаста ба ҳимояи ҳуқуқи инсон дар шароити рақамикунонӣ ҳамоиш баргузор шуд
Гурӯҳи корӣ бо рафти корҳои сохтмонии манзилҳои аз офати табиӣ зарардидаи ноҳияҳои Рашт ва Тоҷикобод шинос гардид
Дар Тоҷикистон доир ба пардохти кумакҳои унвонии иҷтимоӣ давраи омӯзишӣ ҷараён дорад
Гармии шадиди ҳаво боиси авҷи кадом бемориҳо мегардад?