Дар Теҳрон равобити илмиву фарҳангии Тоҷикистон ва Эрон баррасӣ гардиданд

ДУШАНБЕ, 15.02.2020 /АМИТ «Ховар»/. 13 феврал   дар Теҳрон вохӯрии Сафири Тоҷикистон Низомиддин Зоҳидӣ бо Ноиби Раиси Ҷумҳурӣ, Раиси Созмони аснод ва китобхонаи миллии Эрон Ашрафи Бруҷердӣ баргузор гардид.

Тавре АМИТ «Ховар»  бо истинод ба Вазорати корҳои хориҷии Ҷумҳурии Тоҷикистон хабар медиҳад, зимни ворхӯрӣ ҷонибҳо доир ба фароҳам овардани имконоти дастрасии олимону донишмандони ду давлат ба захоири китобҳои рақамӣ ва дастнависҳои мавҷуда, истифода аз асноди бойгонӣ дар пажӯҳишҳои таърихиву фарҳангӣ ва табодули таҷриба миёни мутахассисони ду кишвар изҳори назар намуданд.

Дар фарҷом ҷонибҳо роҳандозии ҳамкорӣ миёни мақомоти бойгонӣ ва китобхонаҳои миллии ду давлатро  ба нафъи равобити дуҷонибаи илмиву фарҳангӣ арзёбӣ намуданд.

Акс аз сомонаи ВКХ ҶТ