Донишҷӯёни дар карантин қарордошта ба хонаҳояшон рухсат дода шуданд
ДУШАНБЕ, 27.02.2020 /АМИТ «Ховар»/. Субҳи дирӯз 63 нафар шаҳрвандоне, ки дар Муассисаи давлатии «Осоишгоҳи табобатии собиқадорони ҷангу меҳнати «Харангон»-и ноҳияи Варзоб дар ҳолати карантинӣ қарор доштанд, ба хонаҳояшон рухсат дода шуданд. Аз ин шумора 46 нафар донишҷӯён ва 17 нафар кормандони ширкати ҳавоии «Сомон Эйр» ва Кумитаи ҳолатҳои фавқулода мебошанд, ки барои интиқол додани донишҷӯён ба Ҷумҳурии Мардумии Чин сафарбар гардида буданд. Дар ин бора аз Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ба АМИТ «Ховар» хабар доданд.
Тавре муовини Сардухтури Беморхонаи клиникии шаҳрии бемориҳои сироятӣ Турахон Шарифзода иброз дошт, тӯли ин муддат нафарони дар карантин қарор дошта аз муоинаи тиббӣ гузаронида шуданд. Инчунин пайваста ҳарорати онҳо санҷида мешуд.
«Дар миёни ин шахсон ягон аломати бемории зукоммонанд ба қайд гирифта нашудааст. Баъд аз 14 рӯзи дар карантин қарор доштан онҳо ба хонаҳояшон ҷавоб дода шуданд»,-гуфт духтури сироятшинос.
Ёдовар мешавем, ки 11 феврал 46 нафар донишҷӯёни тоҷик, ки дар шаҳри Ухани Ҷумҳурии Мардумии Чин қарор доштанд, тариқи ҳавопаймои ширкати «Сомон Эйр» ба Ватан баргардонида шуданд.
Ба иттилои Вазорати тандурустӣ ва ҳифзи иҷтимоии аҳолӣ, аз 1 то 24 феврал 1148 нафар шаҳрвандоне, ки аз Ҷумҳурии Мардумии Чин ба Тоҷикистон ворид гардидаанд, дар беморхонаҳои сироятии мамлакат ба ҳолати карантинӣ фаро гирифта шудаанд.
Аз ин шумора то 26 феврал 955 нафар аз беморхонаҳои сироятӣ мураххас гардида, айни замон 193 нафар дар ҳолати карантинӣ қарор доранд.
ДИПЛОМАТИЯИ ТОҶИКИСТОН: АЗ СУХАНРОНИИ ТАЪРИХӢ ТО ТАШАББУСҲОИ ГЛОБАЛӢ. Эҳдо ба Рӯзи кормандони хизмати дипломатии Тоҷикистон
Президенти Тоҷикистон: «Таъсиси Маркази минтақавии зеҳни сунъиро дар шаҳри Душанбе салоҳи кор мешуморем»
Пиряхҳо ва дигар манбаъҳои обии Тоҷикистон то 60 фоизи захираҳои оби Осиёи Марказиро ташкил медиҳанд
Тоҷикистон дар соҳаи дипломатияи об мавқеи фаъол дорад
Тоҷикистон аз пайомадҳои манфии раванди тағйирёбии иқлим нигарон мебошад
Эмомалӣ Раҳмон: «Қатъномаи махсуси СММ оид ба эълон кардани «Даҳсолаи таҳкими сулҳ ба хотири наслҳои оянда» мавриди баррасӣ қарор дода шавад»
Президенти Тоҷикистон: «Маҷмаи Умумии СММ имконияти эълон намудани Соли байналмилалии маърифати ҳуқуқиро мавриди баррасӣ қарор диҳад»
Муҳаммадҷаъфари Ёҳаққӣ: «Мо раҳбари хирадмандеро меситоем, ки дасти як миллатро бар «Шоҳнома»-и устоди Тӯс кушода кард»
Бо пешниҳоди Тоҷикистон 14 қатъномаи Маҷмаи Умумии СММ оид ба масъалаҳои обу иқлим қабул гардид
БА ҚАДРИ НЕЪМАТИ БЕБАҲО — ИСТИҚЛОЛИЯТИ ДАВЛАТӢ БОЯД РАСИД. Андешаҳои Пешвои миллат дар ин хусус
ИСТИҚЛОЛИ ДАВЛАТӢ БУЗУРГТАРИН ВА МУҚАДДАСТАРИН НЕЪМАТ. Андешаҳои Пешвои миллат доир ба ин неъмати бебаҳо
ТОҶИКИСТОН ВА ЧИН. Намунаи олию барҷастаи ҳамкории ду давлат ҳамгироӣ дар доираи Созмони ҳамкории Шанхай маҳсуб мешавад
