Фаъолияти марказҳои дилхушии «Аловиддин» ва «Мадагаскар» барои риоя накардани қоидаҳои бехатарӣ аз сӯхтор боздошта шуд
ХОРУҒ, 11.02.2020 /АМИТ «Ховар»/. Фаъолияти ду маркази дилхушии шаҳри Хоруғ — «Аловиддин» ва «Мадагаскар» барои риоя накардани қоидаҳои бехатарӣ аз сӯхтор боздошта шуд.
Нозирони Раёсати Хадамоти давлатии оташнишонӣ дар Вилояти Мухтори Кӯҳистони Бадахшон вазъияти риояи бехатарии сӯхтор дар марказҳои дилхушӣ ва бозори марказии шаҳри Хоруғро мавриди санҷиш қарор дода, камбудиҳои ҷиддиро ошкор ва фаъолияти баъзе аз ин муассисаҳоро муваққатан қатъ намуданд.
Сардори раёсати мазкур Анвар Шолангаров иброз дошт, ки «ду маркази дилхушии шаҳр — «Аловиддин» ва «Мадагаскар» соли гузашта бо сабаби риоя накардани қоидаҳои бехатарии сӯхтор як ҳафта аз фаъолият боздошта шуданд. Роҳбарияти ин марказҳо бо ирсоли як нома хоҳиш намуданд, ки ба идомаи фаъолияташон иҷозат диҳанд ва онҳо дар навбати худ давоми як моҳ кулли камбудиҳоро ислоҳ мекунанд. Аммо бо гузашти қариб як сол масъулини марказҳои дилхушӣ камбудиҳоро бартараф накардаанд.
Инчунин ҳарду марказ дар ошёнҳои баланд ҷойгиранд, ки ин хилофи талаботи қоидаҳои бехатарӣ аз сӯхтор мебошад. Дар ҳоле ки фаъолияти чунин марказҳо болотар аз ошёнаи дуюм қатъиян манъ шудааст. Илова бар ин ҳарду марказ баромадгоҳи эҳтиётӣ надоранд ва дар сурати сар задани ягон ҳодисаи нохуш наҷот додани кӯдакон мушкил хоҳад шуд. Бинобар ин мо фаъолияти ҳарду марказро то бартараф намудани камбудиҳои ҷойдошта қатъ намудем».
Ба иттилои номбурда, инфрасохтори бозори марказии шаҳри Хоруғ низ ба талаботи бехатарӣ аз сӯхтор комилан ҷавобгӯ нест. Соҳибкорони маҳаллӣ дар сари роҳҳои мошингузар аз селофану дигар маводи пластикӣ дӯконҳои худсохт “бунёд” карда, ба ҳаракати мошинҳои махсус монеа эҷод мекунанд. Дар рӯзи санҷиш мошини сӯхторхомӯшкунӣ ба макони ҳодисаи эҳтимолии сӯхтор баъди 15 дақиқа расид. Дар ҳоле ки масофа байни роҳи марказии мошингард ва ҷои ҳодисаи эҳтимолии сӯхтор ҳамагӣ 40 метрро ташкил дод ва мошини сӯхторхомӯшкунӣ ин масофаро бояд дар зарфи ҳамагӣ як дақиқа тай мекард.
Мутобиқи иттилои раёсати Хадамоти давлатии оташнишонӣ, давоми як сол дар ҳудуди вилоят 17 ҳодисаи сӯхтор ба қайд гирифта шуда, бар асари он иқтисоди вилоят 210 ҳазор сомонӣ зарар дидааст.
Дар Кумитаи кор бо занон ва оила бахшида ба қабули қатъномаи Даҳсолаи байналмилалӣ оид ба таҳкими сулҳ барои наслҳои оянда ҳамоиш доир шуд
«ПЕШВОИ МИЛЛАТ — ПЕШВОИ СУЛҲ ВА ТАШАББУСКОРИ ИҚДОМҲОИ ҶАҲОНӢ». Таҳти ин унвон ҳамоиши ҳизбиён баргузор гардид
Раиси Кумитаи кор бо занон ва оилаи Тоҷикистон дар Форуми занони Созмони ҳамкории Шанхай иштирок намуд
ФАРҲАНГИ СУЛҲИ ТОҶИКОН – НАМУНАИ СУЛҲ ДАР ҶАҲОН. Таҳти ин унвон ҳамоиши сиёсӣ ва маърифатӣ баргузор гардид
Дар Вазорати адлия бахшида ба Рӯзи Ваҳдати миллӣ ҳамоиш баргузор шуд
Дар Маркази тадқиқоти стратегӣ бахшида ба қабули Даҳсолаи байналмилалӣ оид ба таҳкими сулҳ конфронс доир шуд
Дар мавзуи «Эмомалӣ Раҳмон — ташаббускор ва таҳкимбахши сулҳ ва суботи сиёсии ҷомеаи ҷаҳонӣ» ҳамоиш доир шуд
Дар Кумита оид ба таҳсилоти ибтидоӣ ва миёнаи касбӣ Рӯзи Ваҳдати миллиро ҷашн гирифтанд
Дар фурудгоҳҳои Тоҷикистон оид ба муҳоҷирати меҳнатӣ корҳои фаҳмондадиҳӣ гузаронида мешаванд
Кумитаи Иҷроияи Марказии ҲХДТ бахшида ба Рӯзи Ваҳдати миллӣ ҳамоиши сиёсӣ баргузор намуд
Таҷассум ва густариши сиёсати инсонмеҳваронаи Пешвои миллат дар пасманзари қабули Қонуни Ҷумҳурии Тоҷикистон «Дар бораи авф»
Дар шаҳри Санкт-Петербург Форуми XIV байналмилалии ҳуқуқӣ оғоз гардид
