Футболбозони ҷавони тоҷик дар Туркия бозии санҷишӣ доир намуданд

Февраль 13, 2020 13:50

ДУШАНБЕ, 13.02.2020. /АМИТ «Ховар»/. Дастаи мунтахаби ҷавонони то 19-солаи  Тоҷикистон оид ба футбол  дар доираи ҷамъомади машқӣ-таълимӣ дар шаҳри  Анталияи Туркия ба муқобили  дастаи  мунтахаби ҷавонони   Гурҷистон  бозии санҷишӣ баргузор намуд. Дар ин бора шореҳи варзиши АМИТ «Ховар» Меҳрони Қурбон бо истинод ба Федератсияи  футболи Тоҷикистон иттилоъ  медиҳад.

Тибқи иттилои манбаъ,  вохӯрии мазкур байни дастаҳо хеле  ҷолиб сурат гирифта, бо  ҳисоби мусовии 0:0 анҷом ёфт. Ин  аввалин бозии санҷишии  дастаи мунтахаби ҷавонони то 19-солаи  Тоҷикистон  дар ин сол мебошад. Дар шаҳри  Анталия футболбозони  ҷавони тоҷик боз се бозии дигари санҷишӣ доир менамоянд. Ҳарифони навбатии дастаи мунтахаби ҷавонони Тоҷикистон баъдтар муайян мегарданд. Ҷамъомади машқӣ-таълимӣ дар Туркия барои дастаи мунтахаби  ҷавонони Тоҷикистон  як марҳилаи омодагӣ ба Чемпионати Осиё-2020 маҳсуб меёбад, ки аз  14 то 31 октябри соли равон  дар шаҳри Тошканти Ҷумҳурии Ӯзбекистон баргузор мешавад.

Бозии санҷишӣ

Тоҷикистон (U-19) – Гурҷистон (U-19) – 0:0

Тоҷикистон (U-19): Шоҳрух Қирғизбоев, Исроил Холов, Алиҷон Кароматуллозода (Маҳмуд Пиров, 87), Муҳаммад Саломзода (Шуҳрат Элмуродов, 76), Шоҳрух Сангов (Асадбек Зиёзода, 87), Озодбек Панҷиев (Сунатулло Исмоилов, 76), Эмомалӣ Аҳмадхон (Исмоилҷон Алимардонов, 60), Ислом Зоиров (Шерзод Дадабоев, 60), Амадонӣ Камолов, Шарифбек Раҳматов (Умеҷон Холиқов, 60), Муҳаммадалӣ Азизбоев (Азизбек Ҳасанов, 60).

Февраль 13, 2020 13:50

Хабарҳои дигари ин бахш

Варзишгарони Тоҷикистон дар Бозиҳои ИДМ-2025 иштирок менамоянд
ҶОМИ ҶАҲОН ОИД БА САМБО. Варзишгарони тоҷик дар рӯзи якуми мусобиқа се медал ба даст оварданд
ҶОМИ ОСИЁ-2026. Имрӯз дастаи мунтахаби Тоҷикистон оид ба футзал бо дастаи Макао бозӣ мекунад
Мусобиқаи 15-уми байналмилалӣ оид ба теннис дар Душанбе идома дорад
Мусобиқаи байналмилалӣ оид ба теннис барои дарёфти Ҷоми Президенти Ҷумҳурии Тоҷикистон оғоз меёбад
«Регар-ТадАЗ» бори ҳаштум барандаи Ҷоми Тоҷикистон-2025 оид ба футбол шуд
Имрӯз бозии ниҳоии Ҷоми Тоҷикистон-2025 оид ба футбол баргузор мегардад
«Мактаб-интернати таҳсилоти умумии ҷумҳуриявии тамоюли варзишӣ ба номи Иброҳим Ҳасанов» баъд аз таъмири куллӣ ба истифода дода шуд
Пагоҳ бозии ниҳоии Ҷоми Тоҷикистон-2025 оид ба футбол баргузор мегардад
Ҷудочии тоҷик Рошид Неъматов дар Чемпионати Осиё байни наврасон медали тилло ба даст овард
Шамшербозони навраси тоҷик нахустин маротиба дар Ҷоми Осиё соҳиби медали биринҷӣ шуданд
Варзишгари тоҷик Мадина Қурбонзода дар Чемпионати Осиё соҳиби медали тилло гардид