Кодекси оби Ҷумҳурии Тоҷикистон дар таҳрири нав қабул гардид
ДУШАНБЕ, 12.02.2020. /АМИТ АМИТ «Ховар»/. Вакилони мардумӣ Кодекси оби Ҷумҳурии Тоҷикистонро дар таҳрири нав қабул намуданд, ки бо тартиби ҳуқуқи ташаббуси қонунгузорӣ аз ҷониби Ҳукумати Ҷумҳурии Тоҷикистон таҳия гардидааст.
Тавре мухбири АМИТ «Ховар» иттилоъ медиҳад, масъалаи мазкур зимни ҷаласаи навбатии иҷлосияи шашуми Маҷлиси намояндагони Маҷлиси Олии Ҷумҳурии Тоҷикистон, даъвати панҷум, ки имрӯз таҳти раёсати Раиси Маҷлиси намояндагон Шукурҷон Зуҳуров дар шаҳри Душанбе доир шуд, мавриди баррасӣ қарор гирифт.
Лоиҳаи зикргардидаро муовини Вазири энергетика ва захираҳои оби Ҷумҳурии Тоҷикистон Ҷамшед Шоимзода ва вакили мардумӣ Олимҷон Сафаров шарҳ доданд.
Ба иттилои Ҷамшед Шоимзода, лоиҳаи Кодекси оби Ҷумҳурии Тоҷикистон дар таҳрири нав ҷиҳати иҷрои банди 5 нақшаи чорабиниҳои «Барномаи ислоҳоти соҳаи оби Ҷумҳурии Тоҷикистон барои солҳои 2016 – 2025» таҳия гардидааст.
«Кодекси амалкунандаи оби Ҷумҳурии Тоҷикистон соли 2000 қабул гардида, ягона ҳуҷҷате ба ҳисоб меравад, ки бо назардошти сохтори қаблан мавҷудаи идоракунии давлатӣ дар соҳаи об танзими муносибатҳои обиро дар соҳаҳои истифода ва ҳифзи захираҳои об, аз ҷумла, муносибатҳо дар соҳаи таъминоти оби нӯшокиро таъмин менамуд»,- афзуд мавсуф.
Ҳифзи фонди давлатии об ва заминҳои фонди давлатии об барои беҳтар гардонидани шароити иҷтимоии аҳолӣ ва муҳити зист, ҳифзи он аз ифлосшавӣ, олудашавӣ, камшавӣ, пешгирӣ ва бартараф намудани таъсири зараровари обҳо, беҳтар кардани ҳолат ва ҳимояи объектҳои об, инчунин таҳкими қонуният ва ҳифзи ҳуқуқҳои шахсони воқеӣ ва ҳуқуқӣ оид ба истифодаи об мақсадҳои асосии Кодекси оби Ҷумҳурии Тоҷикистон мебошанд.
Лоиҳаи Кодекси баррасишуда аз 13 боб ва 95 модда иборат буда, дар он масъалаҳои марбут ба вазифаҳо ва принсипҳои қонунгузории Ҷумҳурии Тоҷикистон дар бораи об, танзими давлатӣ ва назорат дар соҳаи истифода ва ҳифзи зихираҳои обӣ ва дигар муқаррароти соҳавӣ муайян гардидаанд.
Ёдовар мешавем, ки дар ҷаласа лоиҳаи Кодекси нақлиёти автомобилии Ҷумҳурии Тоҷикистон низ баррасӣ ва қабул гардид.
Ба Қонуни Ҷумҳурии Тоҷикистон «Дар бораи Бонки миллии Тоҷикистон» тағйироту илова ворид гардид
Раиси Маҷлиси намояндагони Маҷлиси Олии Ҷумҳурии Тоҷикистон бо Президенти Ҷумҳурии Узбекистон мулоқот намуд
Вакилони Маҷлиси намояндагони Тоҷикистон дар ҷаласаи муштараки комиссияҳои доимии Ассамблеяи байнипарлумонии ИДМ иштирок намуданд
Ба Қонуни Ҷумҳурии Тоҷикистон «Дар бораи пешгирии зӯроварӣ дар оила» тағйиру иловаҳо ворид карда шуд
Дар Маҷлиси намояндагони Маҷлиси Олии Ҷумҳурии Тоҷикистон созишномаҳо ба тасвиб расиданд
Муовини Раиси Маҷлиси намояндагон бо Роҳбари Хазинаи кӯдакони Созмони Милали Муттаҳид дар Тоҷикистон мулоқот намуд
Дар Душанбе мулоқоти вакилони Парлумони Тоҷикистон бо намояндагони Туркманистон баргузор шуд
Вакили Парлумон дар ҷаласаи комиссияи назоратию буҷетии Ассамблеяи байнипарлумонии Иттиҳоди Давлатҳои Мустақил ба таври фосилавӣ иштирок намуд
Раиси Маҷлиси намояндагони Маҷлиси Олии Ҷумҳурии Тоҷикистон бо Пешвои миллии халқи туркман-Раиси Халқ Маслиҳатии Туркманистон мулоқот анҷом дод
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ бо Пешвои миллии халқи туркман, Раиси Халқ Маслиҳатии Туркманистон Гурбонгулӣ Бердимуҳамедов мулоқот намуданд
Ҷаласаи Шурои коршиносон оид ба экология ва идоракунии захираҳои табиӣ дар Ассамблеяи байнипарлумонии мамлакатҳои Иттиҳоди Давлатҳои Мустақил доир шуд
ҲАМОВОЗӢ. Дар Парлумон оид ба мулоқоти Президенти Тоҷикистон бо фаъолон, намояндагони ҷомеа ва ходимони дин ҳамоиш доир гардид
