Кормандони ВКД Тоҷикистон ҳаҷми калони метамфетаминро боздошт карданд
ДУШАНБЕ, 28.02.2020 /АМИТ «Ховар»/. Кормандони Раёсати кофтукови ҷиноии Вазорати дохилии Ҷумҳурии Тоҷикистон гурӯҳи ҷинояткоронеро, ки ба қочоқи маводи мухаддир машғул буданд, дастгир намуданд. Тавре сардори маркази матбуоти ВКД ҶТ, Нусратулло Маҳмудзода ба АМИТ» Ховар» хабар дод, дар Душанбе се шаҳрванди Афғонистон боздошт шуда, аз онҳо шаш халтаи полиэтилении дорои маводи мухаддири метамфетамин бо вазни зиёда аз 10 кило мусодира гардид.
Мутобиқи маълумоти ВКД, маводи мусодирашудаи мухаддир аз ҷониби мақомоти ҳифзи ҳуқуқ дар панҷ соли охир ҳаҷман бузургтарин мебошад. Нисбат ба боздоштшудагон парвандаи ҷиноятӣ кушода шудааст.
Бояд зикр намуд, ки далелҳои истеҳсоли моддаҳои психотропӣ дар ҷумҳурӣ ба қайд гирифта нашудаанд. Воқеият нишон медиҳад, ки асосан ин гуна мавод аз хориҷи мамлакат, аз давлатҳои назди Балтика ва Туркия ба ҷумҳурӣ ворид мешаванд.
Ҳамасола (дар 4 соли охир) дар Тоҷикистон 10-15 ҳазор нусха моддаҳои нави психотропӣ мусодира мегарданд. Соли 2018 — 15 880 ва соли 2019 7405 адад чунин ҳабҳо мусодира карда шуданд.
Бори нахуст дар Тоҷикистон моддаҳои мухаддири мадҳушкунанда соли 2006 дар шакли 1 воҳид мусодира гардиданд. Баъдан, ин гуна ҳабҳо низ мусодира мешуданд, вале онҳо барои истифодаи якдафъаина пешбинӣ шуда буданд. Дар панҷ соли охир дарёфт ва мусодира кардани маводи нашъаовар хусусияти доимӣ касб намудааст, ки ин боиси нигаронист.
Конвенсияи Созмони Милали Муттаҳид синтез, фурӯш ва ҳатто интиқоли маводи мухадирро манъ намудааст- ин дар аксари давлатҳои ҷомеаи ҷаҳонӣ, аз ҷумла дар Тоҷикистон низ ҷиноят мебошад.
Ба гуфтаи коршиносон, бо вуҷуди он ки мусодираи моддаҳои психотропӣ дар қиёс ба соли 2018 кам гаштааст, аз соли 2012 то ба имрӯз тамоюли афзоиши моддаҳои психотропӣ дар Ҷумҳурии Тоҷикистон ва кишварҳои Осиёи Марказӣ мушоҳида мешавад.
Маълумотномаи АМИТ « Ховар»:
Метамфетамин (кӯтоҳкардашуда аз N-метил –алфа метилфенилэтиламин)– маводи сафеди булӯрӣ мебошад. Метамфетамин ангезандаи мадҳушкунанда буда, боиси вобастагӣ мегардад, аз ин рӯ он ба гурӯҳи маводи мухаддир мансуб дониста мешавад. Дар Ғарб онро ба таври маҳдуд дар тиб истифода менамоянд.
Дар шаҳри Бӯстон мулоқоти ҳамраисони ҳайатҳои ҳукуматии Тоҷикистон ва Қирғизистон баргузор шуд
Дар Душанбе вобаста ба таъминоти бехатарии озуқаворӣ дар занҷираи истеҳсолӣ машварат баргузор гардид
ТАҒЙИРОТ БА ҚОНУН. Ба маоши вазифавии кормандоне, ки дар ҳодисаҳои сӯхтор дар шароити барои саломатӣ зараррасон хизмат мебаранд, ба андозаи 20 дарсад иловапулӣ пешбинӣ карда мешавад
Агентии назорати давлатии молиявӣ ва мубориза бо коррупсия ҳамкориро бо Намояндагии Барномаи рушди СММ дар Тоҷикистон тавсеа мебахшад
ПЕШГИРИИ САДАМАҲО. Вазорати нақлиёти Тоҷикистон бо мусоидати Бонки ҷаҳонӣ дар мавзуи таъмини бехатарии роҳҳо машварат доир намуд
Байни Агентии назорати давлатии молиявӣ ва мубориза бо коррупсияи Тоҷикистон ва Прокуратураи генералии Озарбойҷон барномаи ҳамкорӣ ба имзо расид
Дар Прокуратураи генералии Ҷумҳурии Тоҷикистон доир ба пешгирии тақсимоти ғайриқонунии замин ва сохтмони худсарона ҷаласа баргузор шуд
Дар Прокуратураи генералӣ ҷаласаи навбатии Шурои ҳамоҳангсозии фаъолияти мақомоти ҳифзи ҳуқуқ доир гардид
Таъмини иҷрои Нақшаи чорабиниҳои амалисозии Стратегияи миллӣ оид ба назорати маводи нашъаовар дар Тоҷикистон баррасӣ шуд
Дар Академияи Вазорати корҳои дохилии Тоҷикистон маросими тантанавии савгандёкунии курсантон баргузор шуд
Дар қисмҳои низомии шаҳри Хоруғ наваскарон савганди садоқат ёд намуданд
Ҷаласаи Комиссияи байниидоравӣ оид ба масъалаҳои ҳифзи сирри давлатӣ ва ҳифзи техникии иттилоот дар Тоҷикистон доир шуд
