МАВСИМИ КИШТ ФАРО МЕРАСАД. Дар шаҳри Турсунзода намоиши омодагии мошинолоти кишоварзӣ баргузор гардид

Февраль 27, 2020 17:54

ТУРСУНЗОДА, 27.02.2020./АМИТ«Ховар»/. Дар шаҳри Турсунзода  беш аз 1900 техникаи кишоварзӣ мавҷуд буда, зиёда аз 1700-тои он ба мавсими  кишт омода мебошанд. То оғози мавсими кишт шумораи дигари техника низ аз таъмир бароварда шуда, ба кишт сафарбар мегардад. Инчунин 494 испор, 38 тухмипош, 261 сихмола, 1186 ядакҳои тракторӣ,  36 култиватор ва дигар мошинолот ҷиҳати хизмат ба кишоварзон дар хоҷагиҳо омодаанд.  Дар ин давра   беш аз 300 техникаи хусусӣ аз муоинаи техникӣ гузашта, аз 1 март то 4 апрели соли равон техникаи хоҷагиҳои кишоварзӣ мавриди муоинаи техникӣ қарор дода мешаванд.

Дар ин бора зимни баргузории  намоиши омодагии техника ва мошинолоти кишоварзӣ дар маркази шаҳри Турсунзода, ки дар он муовини Вазири  кишоварзии Ҷумҳурии Тоҷикистон Зеваршо Зеваршоев ва раиси шаҳри Турсунзода Абдуқодир Вализода иштирок доштанд,  иттилоъ дода шуд.

Тибқи иттилои масъулини шаҳри Турсунзода, роҳбарони сохтори кишоварзии шаҳр дар намоишгоҳ ба раиси шаҳр ва  муовини Вазири кишоварзӣ вобаста ба омодагии техника ва мошинолот маълумоти муфассал пешниҳод  карданд.

Ёдовар мешавем, ки  майдони умумии заминҳои кишт дар шаҳри Турсунзода беш аз 20 070 гектарро ташкил медиҳад.

Хоҷагидорони шаҳр тибқи нақша соли равон бояд дар майдони  зиёда аз 9000 гектар кишти  баҳорӣ гузаронанд.      

Февраль 27, 2020 17:54

Хабарҳои дигари ин бахш

Пахтакорони ноҳияи Ҷаббор Расулов дар майдони зиёда аз 5 ҳазор гектар кишти чигит мегузаронанд
Вазири кишоварзии Тоҷикистон вобаста ба тақвияти корҳои саҳроӣ бо деҳқонони шаҳри Конибодом суҳбат намуд
Дар шаҳри Хоруғ корхонаи истеҳсоли ҳасиб бунёд мегардад
Дар Суғд барои дарёфти грантҳои раиси вилоят озмун баргузор мешавад
Дар Эстония Хонаи савдои Тоҷикистон таъсис дода мешавад
Намояндагони Тоҷикистон дар «Аirspace world 2024» дар Женева иштирок намуданд
Роҳбари хоҷагии деҳқонии «Бобои Носир»: «Истифодаи оқилонаи 7,5 гектар замин ва даромад аз он дар баланд гардидани сатҳи зиндагии 5 оила мусоидат намуд»
Деҳқонони ноҳияи Мастчоҳ имсол дар майдони зиёда аз 23 ҳазор гектар кишту парвариши зироати кишоварзиро ба нақша гирифтаанд
Дар шаҳри Хуҷанд Намоишгоҳи X байналмилалии савдо «Суғд-2024» доир мегардад
«РОҲ БА СӮИ ТИЁНШОН». Душанбе охири моҳи май мизбони конфронси байналмилалӣ мегардад
Соли 2023 ба буҷети шаҳри Гулистон аз ҳисоби хизматрасонии сайёҳӣ ва табобатӣ зиёда аз 40 миллион сомонӣ ворид шуд
Ҳоҷагидорони Кооперативи истеҳсолии «Сомон-Бохтар»-и ноҳияи Кӯшониён майдони парвариши лимӯро васеъ менамоянд