Миёни Душанбе-Давҳа ва Душанбе-Мусқат роҳи ҳавоӣ ифтитоҳ мегардад

Февраль 7, 2020 13:45

ДУШАНБЕ, 07.02.2020. /АМИТ «Ховар»/. Ширкатҳои ҳавопаймоии Тоҷикистон  бо мақсади ба кишвари транзитӣ табдил додани мамлакат ҷуғрофиёи парвозҳоро фарох гардонида, интизор меравад, ки дар оянда бо баъзе аз давлатҳои арабӣ, назири Қатар ва Салтанати Уммон хатсайрҳои мустақими ҳавоӣ ба  роҳ мемонад.

Дар ин росто, директори Агентии  авиатсияи граждании назди Ҳукумати Ҷумҳурии Тоҷикистон  Икром Субҳонзода  дар нишасти хабарӣ дар Душанбе ба намояндагони воситаҳои ахбори омма гуфт, ки   бо мақсади ба роҳ мондани  парвозҳои мустақими ҳавоӣ дар масири Душанбе-Давҳа  байни  маъмуриятҳои авиатсияи граждании  Тоҷикистон ва Қатар  соли сипаригардида дар шаҳрҳои Душанбе ва Давҳа вохӯрӣ доир шуд. Дар ин вохӯриҳо  масъалаҳои тавсеаи  ҳамкории судманди  ҳар ду давлат дар бахши авиатсия, инчунин таҳияи  Барномаи ҳамкории техникӣ миёни мақомоти  ҳавонавардии мулкии ҳар ду давлат,  роҳандозии парвозҳои боркашонӣ ва ифтитоҳи  хатсайрҳои мустақими ҳавоӣ  байни Душанбе ва Давҳа баррасӣ гардиданд.

И.Субҳонзода афзуд, ки дар асоси дастуру супоришҳои Пешвои миллат муҳтарам Эмомалӣ Раҳмон   дар иртибот ба  Солҳои   рушди деҳот, сайёҳӣ ва ҳунарҳои мардумӣ, ҷалби ҳарчӣ бештари сайёҳони хориҷӣ ба мамлакат  бо  мақсади ифтитоҳи роҳҳои нави ҳавоӣ  соли гузашта бо мақомоти ҳавопаймоии мулкии давлатҳои Россия,  Қазоқистон, Гурҷистон ва Франсия  низ  гуфтушунидҳо доир гардиданд. Дар онҳо масъалаҳои мубрами тақвияти ҳамкорӣ дар бахши ҳавопаймоӣ матраҳ  шуданд.

Директори Агентии авиатсияи граждании назди Ҳукумати Ҷумҳурии Тоҷикистон зикр кард, ки  алҳол лоиҳаҳои созишномаҳо оид ба  алоқаи ҳавоӣ  миёни Тоҷикистон ва Финландия, Франсия, Шри-Ланка, Ветнам, Малайзия, Молдова, Аморати Муттаҳидаи Араб, Салтанати Уммон, Шоҳигарии Британияи Кабир ва Ирландияи Шимолӣ  дар баррасии ҷонибҳо қарор доранд.

Февраль 7, 2020 13:45

Хабарҳои дигари ин бахш

Душанбе мизбони конференсияи миллӣ ва Намоишгоҳи технологияҳои рақамӣ дар соҳаи кишоварзӣ мегардад
Тоҷикистон ва Озарбойҷон ҳамкориро дар соҳаи ҳифзи муҳити зист тақвият медиҳанд
Дар Душанбе ҷаласаи 45-уми пленарии ГАО оғоз шуд
Раванди татбиқи низоми электронии сертификатсияи фитосанитарӣ дар Тоҷикистон баррасӣ гардид
Ҳамкории Палатаи ҳисоби Тоҷикистон ва Додгоҳи ҳисоби Туркия густариш меёбад
«ПАРДОХТИ ЯГОНАИ КОММУНАЛӢ». Низоми нав пардохтро барои сокинон осонтар, равшантар ва шаффофтар мегардонад
Ҳаҷми истеҳсоли маҳсулоти кишоварзӣ дар Хатлон ба 42,5 миллиард сомонӣ баробар шуд
Тоҷикистон ният дорад то соли 2035 партовҳои газҳои гулхонаиро то 40 фоиз коҳиш диҳад
Рӯзи Президенти Тоҷикистон яке аз санаҳои муҳими тақвими сиёсию фарҳангии ҷумҳурӣ ба шумор меравад
Дар Фурудгоҳи байналмилалии Душанбе ба дастовардҳои даврони соҳибистиқлолии Тоҷикистон арҷ мегузоранд
АЗ СОЛИ БАЙНАЛМИЛАЛИИ ОБИ ТОЗА ТО РӮЗИ БАЙНАЛМИЛАЛИИ ЗЕҲНИ СУНЪИИ БЕХАТАР, ҲИФЗШУДА ВА БОЭЪТИМОД. Андешаҳо дар ин маврид
Зеҳни сунъӣ ба яке аз технологияҳои серталабтарини асри рақамӣ аз лиҳози истеъмоли неруи барқ табдил меёбад