Моҳи феврал дар Тоҷикистон бориши зиёди борон ва барф дар назар аст
ДУШАНБЕ, 12.02.2020 /АМИТ «Ховар»/. Аз 11 то 13 феврал дар ҷумҳурӣ номусоид гардидани вазъи ҳаво дар назар дошта шуда, боридани борон ва барф пешгӯӣ гардидааст. Аз ҷумла, дар ин рӯзҳо дар мавзеъҳои алоҳидаи ноҳияҳои тобеи марказ ва водиҳои доманакўҳи вилоятҳои Хатлон ва Суғд боришоти пуршиддат ба амал меоянд. Дар ин бора аз Агентии обуҳавошиносии Тоҷикистон ба АМИТ «Ховар» хабар доданд.
Бино ба иттилои манбаъ, мувофиқи пешгӯиҳои марказҳои ҳавосанҷии Россия, Аврупо, Амрико ва Германия, моҳи феврал дар Тоҷикистон дар натиҷаи зуд-зуд ҳаракат кардани тундбодҳо аз тарафи минтақаҳои ҷанубу ғарб ҳаво нисбат ба солҳои қаблӣ гарм шуда, дар тамоми манотиқи мамлакат ҳарорат аз меъёри муқаррарӣ аз 2 то 4 дараҷа баланд мешавад. Вале дар ин моҳ дар водиҳо, минтақаҳои доманакӯҳӣ ва кӯҳӣ бориши зиёди борону барф дар назар дошта шудааст.
Бо баландшавии ҳарорати ҳаво ва дарназардошти боришоти аз меъёри иқлимӣ нисбатан зиёд дар ноҳияҳои кӯҳии ҷумҳурӣ фаромадани тарма аз эҳтимол дур нест. Ҳангоми номусоид будани обу ҳаво бориши зиёди барф, яхбандӣ ва пай дар пай фаромадани тарма барои ҳаракати воситаҳои нақлиёт мушкилӣ ба миён меорад. Аз ин рӯ ба мақомоти дахлдор оид ба нигоҳдории роҳҳои нақлиётгард тавсия дода мешавад, ки тайёрии пешакиро барои сари вақт бартараф намудани зуҳуроти номатлуби табиӣ роҳандозӣ намоянд.
Ҳамчунин Агентии обуҳавошиносии Тоҷикистон ба кишоварзони минтақаҳои водигии ноҳияҳои тобеи марказ ва вилояти Хатлон тавсия медиҳад, ки дар давраи зимистон барои намнок нигоҳ доштани заминҳои кишоварзӣ, аз ҷумла заминҳои кишти пахта, ғалладонагиҳо ва боғҳои дарахтони мевадиҳанда усули яхобмониро бештар ба роҳ монанд. Зеро дар сатҳи зарурӣ ба роҳ мондани корҳои агрокимиёвӣ барои нигоҳдории заминҳои кишти зироати кишоварзӣ ва парвариши меваю сабзавот дар ин давра манфиати калон дорад.
Ёдовар мешавем, ки дар давраи номусоидшавии вазъи обу ҳаво фишори атмосферӣ зуд-зуд тағйир ёфта, он ба беморони гирифтори фишорбаландӣ, дил, диабети қанд ва диққи нафас таъсир мерасонад. Инчунин бо тағйирёбии ҳарорати ҳаво ҳолатҳои зиёд гардидани бемории зуком дар байни кӯдакон аз эҳтимол дур нест.
Дар Душанбе нахустин маротиба Рӯзи кормандони соҳаи суғуртаи иҷтимоӣ ва нафақа таҷлил гардид
ҒИЗОИ СОЛИМ. Омили афзоиши бемории диабети қанд истеъмоли ғизои аз ҳад зиёд ва номутаносиб мебошад
1 ИЮЛ — РӮЗИ КОРМАНДОНИ СОҲАИ СУҒУРТАИ ИҶТИМОӢ ВА НАФАҚА. Дар солҳои соҳибистиқлолӣ андозаи нафақаҳо зиёда аз 20 маротиба зиёд карда шуд
Дар Душанбе дар мавзуи «Сиёсисозии ислом ва хатари он ба амнияти сиёсӣ ва суботи ҷомеа» ҳамоиши илмӣ доир мегардад
Маросими видоъ бо раиси марҳуми Вилояти Мухтори Кӯҳистони Бадахшон Алишер Мирзонабот баргузор гардид
ОГОҲӢ! Аз 1 то 3 июл дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Оид ба амалишавии Стратегияи миллии фаъолгардонии нақши занон дар Тоҷикистон конференсия доир шуд
Як гурӯҳ модарон бо шароити хизмати ҳарбии сарбозони яке аз қисми низомӣ дар ноҳияи Данғара шинос шуданд
Пагоҳ Форуми ҷумҳуриявии «Маърифати ҳуқуқӣ — омили рушди давлати ҳуқуқбунёд» доир мешавад
Дар Кумита оид ба таҳсилоти ибтидоӣ ва миёнаи касбӣ бахшида ба Даҳсолаи байналмилалӣ оид ба таҳкими сулҳ ҳамоиши тантанавӣ баргузор шуд
Дар Агентии суғуртаи иҷтимоӣ ва нафақа оид ба саҳми Пешвои миллат дар пойдории сулҳ ва ваҳдати миллӣ филми ҳуҷҷатӣ намоиш дода шуд
Дар Кумитаи кор бо занон ва оила бахшида ба қабули қатъномаи Даҳсолаи байналмилалӣ оид ба таҳкими сулҳ барои наслҳои оянда ҳамоиш доир шуд
