Раёсати Вазорати корҳои дохилӣ дар Суғд нисбат ба 27 нафар волидайн парвандаи ҷиноятӣ оғоз намудааст
ДУШАНБЕ, 24.02.2020. /АМИТ «Ховар»/. Давоми соли 2019 дар вилояти Суғд барои иҷро накардани уҳдадориҳои парасторӣ ва тарбияи ноболиғон нисбат ба 2 ҳазору 598 волидайн бо моддаи 90-и Кодекси ҳуқуқвайронкунии маъмурии ҶТ маводи маъмурӣ ба расмият дароварда шуда, нисбат ба 27 нафар волидайн барои монеъ шудан ба фарзандон дар гирифтани таҳсилоти ҳатмии умумии асосӣ, яъне нуҳсола, бо моддаи 164 КҶ ҶТ парвандаҳои ҷиноятӣ оғоз карда шуданд. Дар ин бора сардори Раёсати ВКД дар вилояти Суғд, генерал-майори милитсия Абдулло Навҷувонов маълумот дод.
Бино ба иттилои хабарнигори АМИТ Ховар Абдуаҳад Шарифзода, мавсуф ҳамзамон вобаста ба паҳлуҳои дигари фаъолияти сохтор баён дошт, ки дар ин давра аз ҷониби кормандони милитсия 159 адад силоҳи оташфишон дарёфт ва мусодира карда шуда, нисбат ба 3 нафар парвандаи ҷиноӣ оғоз гардид. Ҳамзамон 86 ҷиноят (с.2018-111) вобаста ба гардиши ғайриқонунии воситаҳои нашъадор ошкор ва аз муомилоти ғайриқонунӣ зиёда аз 175 кг маводи нашъадор дарёфт ва мусодира карда шуд.
Инчунин ба қаламрави вилоят 152 ҳолати бо роҳи қочоқ ворид намудани молу маҳсулот ба маблағи 5 млн 432 337 сомонӣ ошкор карда шуд.
Вобаста ба риоя накардани қоидаҳои ҳаракат дар роҳ дар ин давра аз ҷониби Бозрасии давлатии автомобилии вилояти Суғд нисбат ба 416 ҳазору 158 нафар шаҳрвандон маводи ҳуқуқвайронкунии маъмурӣ тартиб дода шуда, 690 нафар аз ҳуқуқи ронандагӣ маҳрум ва 620 нафар ҷаримабандӣ гардиданд.
Ба иттилои сардори Раёсат, давоми соли 2019 дар қаламрави вилояти Суғд аз ҷониби 5526 нафар шаҳрвандон 5536 ҷиноят ба қайд гирифта шуда, ин нишондиҳанда нисбат ба соли 2018 202 адад зиёд аст. Аз теъдоди умумии ҷиноятҳои ба қайдгирифта 92,9 фоизаш ошкор гардидааст.
-Дар ин давра ҷиноятҳои дуздӣ 186 адад, авбошӣ 15 адад ва одамкушӣ, роҳзанӣ ва тамаъҷӯӣ 2 адад афзудаанд. Ҳамзамон аз 2015 нафар ҷинояткорони ҷустуҷӯшаванда 711 нафарашон муайян ва дастгир ва аз 258 нафар шахсони беному нишон гумшуда 204 нафарашон дарёфт гардидаанд,-афзуд А.Навҷувонов.
44 ҲОДИСАИ РОҲУ НАҚЛИЁТ ДАР ДУШАНБЕ. Бо мақсади коҳиши сатҳи садаманокӣ амалиёти «Пиёдагард» доир мешавад
Дар шаҳри Бӯстон нақшаи даъвати баҳорӣ иҷро гардид
Мотосиклронҳои шаҳри Душанбе ғолиби пойгаи мотосиклронӣ барои Ҷоми Раиси вилояти Хатлон шуданд
Нақшаи даъвати баҳории шаҳрвандони Тоҷикистон ба сафи Қувваҳои Мусаллаҳ беш аз 80 фоиз иҷро гардид
Ба муносибати Рӯзи қушунҳои дохилӣ ҳамоиши тантанавӣ баргузор шуд
Нақшаи даъвати баҳорӣ дар шаҳри Панҷакент пурра иҷро гардид
Душанбе мизбони вохӯрии сеюми котибони Шурои амнияти давлатҳои Осиёи Марказӣ мегардад
33-СОЛАГИИ ТАЪСИСИ ҚӮШУНҲОИ ДОХИЛИИ ТОҶИКИСТОН. Фаъолияти ин ниҳод ба ҳифзи манфиатҳои давлат равона гардидааст
Дар Тоҷикистон машварати минтақавии роҳбарони идораҳои сарҳадии кишварҳои аъзои ИДМ баргузор шуд
Дар ноҳияи Шамсиддин Шоҳин оид ба шарҳу тавзеҳи Паёми Президенти Тоҷикистон вохӯрӣ баргузор гардид
Қонуни миллӣ — омили некуаҳволии мардум ва таъмини зиндагии шоиста!
Таҳкими низоми таъмини бехатарии озуқаворӣ ва мутобиқшавӣ ба тағйирёбии иқлим дар Тоҷикистон бо БОР баррасӣ гардид
