Санъати ороишӣ ва ҳунарҳои мардумии Тоҷикистон дар Аврупо муаррифӣ мегарданд
ДУШАНБЕ, 26.02.2020. /АМИТ «Ховар»/. Санъати ороишӣ ва ҳунарҳои мардумии тоҷикон бояд ба мардуми Аврупо муаррифӣ гарданд. Ин нуктаро 25 феврал Сафири Иттиҳоди Аврупо дар Тоҷикистон Мерилин Йозефсон зимни мулоқот бо Вазири фарҳанги Ҷумҳурии Тоҷикистон Зулфия Давлатзода иброз намуд.
Дар ин бора ба хабарнигори АМИТ «Ховар» аз маркази матбуоти Вазорати фарҳанги Ҷумҳурии Тоҷикистон иттилоъ доданд.
Вазири фарҳанги ҷумҳурӣ Зулфия Давлатзода ба Сафири Иттиҳоди Аврупо Мерилин Йозефсон оид ба фаъолияти соҳаи фарҳанг ва самтҳои асосии он дар Тоҷикистон маълумот дод.
Сафири Иттиҳоди Аврупо дар Тоҷикистон Мерилин Йозефсон иброз намуд, ки ҳунарпешаҳои тоҷик истеъдоди баланд дошта, метавонанд дар қитъаи Аврупо санъати тоҷикро ба таври арзанда муаррифӣ кунанд.
Ҳамчунин зикр гардид, ки намояндагии Иттиҳоди Аврупо дар Тоҷикистон бо Вазорати фарҳанг то ин муддат ҳамкории хуб дошта, ният дорад онро минбаъд таҳким бахшад.
Зимни мулоқот зикр гардид, ки ҷонибҳо ба дурнамои фаъолият, нақшаҳои минбаъда ва амалӣ намудани барномаҳои фарҳангӣ таваҷҷуҳи бештар равона намоянд.
Китоби «Аз забони ориёӣ то забони тоҷикӣ» ба нашр расид
Сахидод Раҳматуллозода: «Ба фарзандонатон номҳое гузоред, ки дар оянда аз он ифтихор намоянд»
Филми ҳунарии «Моҳӣ дар шаст» дар Кинофестивали VII байналмилалии «Дарвозаҳои ғарб» соҳиби Шоҳҷоиза шуд
Директори АМИТ «Ховар» дар Форуми воситаҳои ахбори омма ва марказҳои таҳлилии СҲШ дар Бишкек иштирок намуд
Имрӯз дар Бишкек Форуми воситаҳои ахбори омма ва марказҳои таҳлилии Созмони ҳамкории Шанхай баргузор мегардад
Рӯзи фарҳанги ноҳияи Данғара бо шукуҳу шаҳомати хосса баргузор гардид
Имрӯз дар Душанбе рӯзҳои фарҳанги ноҳияҳои Шаҳристон ва Кӯҳистони Мастчоҳ доир шуд
Имрӯз дар боғҳои шаҳри Душанбе рӯзҳои фарҳанги ноҳияҳои Данғара, Шаҳристон ва Кӯҳистони Мастчоҳ баргузор мегарданд
Рӯзи фарҳанги ноҳияи Деваштич дар Душанбе баргузор гардид
Дар Душанбе Рӯзи фарҳанги ноҳияи Хуросон доир шуд
Рӯзи фарҳанги ноҳияи Айнӣ дар шаҳри Душанбе пуршукуҳ баргузор гардид
Имрӯз дар боғҳои шаҳри Душанбе рӯзҳои фарҳанги ноҳияҳои Айнӣ, Хуросон ва Деваштич баргузор мегарданд
