Шаҳром Самиев футболбози нави дастаи «Рубин»-и шаҳри Қазон гардид

ДУШАНБЕ, 14.02.2020. /АМИТ «Ховар»/. Ҳамлагари 19-солаи дастаи  мунтахаби Тоҷикистон  ва дастаи футболи «Истиқлол»-и шаҳри Душанбе  Шаҳром Самиев  бо дастаи «Рубин»-и шаҳри Қазони Федератсияи  Россия шартномаи ҳамкорӣ ба имзо расонидааст. Дар ин бора шореҳи варзиши АМИТ «Ховар» Меҳрони Қурбон бо истинод ба Федератсияи  футболи Тоҷикистон иттилоъ  медиҳад.

Тибқи иттилои манбаъ, Шаҳром Самиев фаъолияташро дар дастаи ҷавонони «Рубин» идома медиҳад.

Шаҳром Самиев бо либоси дастаи мунтахаби Тоҷикистон шаш маротиба вориди майдон шуда, ду гол задааст.