«Ӯ танҳо ба масоили сарҳад машғул мешавад», — гуфт Сарвазири Қирғизистон зимни муаррифии муовини нави худ Акрам Мадумаров

Февраль 12, 2020 15:48

ДУШАНБЕ, 12.02.2020 /АМИТ «Ховар»/. Сарвазири Ҷумҳурии Қирғизистон Муҳаммадкалий Абилгазиев номзадии Акрам Мадумаровро, ки қаблан ҳокими   вилояти Ботканд буд, ба мансаби муовини Сарвазир ба Жогорку Кенеши (парлумон) пешниҳод кард, хабар медиҳад имрӯз Агентии миллии иттлоотии Қирғизистон «Кабар».

Муҳаммадкалий Абилгазиев зикр намуд, ки бо дархости парлумон ва мардум ин муовини сарвазир танҳо дар ҳалли масъалаҳои марз бо кишварҳои ҳамсоя сару кор мегирад.

Дар акс: Акрам Мадумаров

«Сабаби асосии ба мақоми муовини сарвазир таъйин шуданаш, тавре шумо медонед, ин проблемаҳои мавҷуда дар марз бо Тоҷикистон аст. Ӯ худаш зодаи вилояти Ботканд аст, вазифаи  ҳокими ноҳияи Кадамҷойро иҷро карда буд ва медонад, ки дар минтақа кадом мушкилоту масоил вуҷуд доранд», — гуфт Абилгазиев ба вакилони Парлумон.

Сарвазир инчунин зикр кард, ки Мадумаров ҳамчун намояндаи ҳукумат дар минтақа дар комиссия оид ба ҳалли масъалаҳои сарҳадӣ фаъолона кор карда, натиҷаҳои хуб  нишон додааст.

Хотиррасон менамоем, ки чанде қабл Президенти Ҷумҳурии Қирғизистон Сооронбой Жээнбеков  муовини Сарвазир Жениш Раззоқовро, ки  ниҳодҳои қудратӣ ва масоили сарҳадиро назорат мекард,  аз вазифа озод намуд.

Февраль 12, 2020 15:48

Хабарҳои дигари ин бахш

Артиши Масъуд се ноҳияи Панҷшерро тасарруф намуда, толибонро асир гирифт
Дар Сербия пирӯзии Александр Вучичро дар интихоботи президентӣ расман эълон карданд
Эммануэл Макрон дар интихоботи Фаронса пас аз ҳисоби садфоизаи овозҳо пирӯз шуд
ДАР ФАРОНСА — БОЗ ХУРУҶИ ЗУКОМИ ПАРАНДА. АМИТ «Ховар» ёдовар мешавад, ки ин чӣ гуна вирус аст
Oxfam: таваррум 260 миллион нафарро дар фақри шадид қарор медиҳад
Шаҳбоз Шариф сарвазири нави Покистон интихоб гардид
Дар Москва Владимир Жириновский аз олам даргузашт
«МАКТАБҲОРО КУШОЕД!». Духтарони афғон ба эътироз баромаданд
АФҒОНИСТОН БАДБАХТТАРИН КИШВАРИ ҶАҲОН ЭЪЛОН ГАРДИД. Дар ин бора дар Гузориши умумиҷаҳонии СММ оид ба хушбахтӣ зикр шудааст
Имрӯз дар Туркманистон маросими савгандёдкунии президенти тозаинтихоб баргузор шуд
СММ: Ҷаҳонро бинобар воқеоти Украина гуруснагӣ таҳдид мекунад
ФАВРӢ! Сердар Бердимухамедов дар интихоботи президентии Туркманистон пирӯз гардид