Ҳукумати Япония дар Тоҷикистон 5 лоиҳаи навро амалӣ менамояд

Февраль 4, 2020 14:20

ДУШАНБЕ, 04.02.2020 /АМИТ «Ховар»/. Имрӯз, 4 феврал дар қароргоҳи Cафири фавқулода ва мухтори Япония дар Ҷумҳурии Тоҷикистон панҷ лоиҳаи созишномаи муштараки нави грантӣ ба маблағи умумии 370 035 доллари ИМА ба имзо расиданд.

Созишномаҳои мазкур аз ҷониби Сафири фавқулода ва мухтори Япония дар Ҷумҳурии Тоҷикистон Мияшита Такаюки ва намояндагони мақомоти пазирандаи кумакҳо ба тасвиб расиданд.

Дар чаҳорчӯбаи Барномаи Ҳукумати Япония оид ба кумакҳои бебозгашт ва амнияти башарӣ барои бахши аъзами аҳолӣ (GGP) панҷ лоиҳаи зайл маблағгузорӣ мешаванд:

“Лоиҳаи сохтмони Маркази барқарорсозӣ барои кӯдакони имконияташон маҳдуд дар шаҳри Хуҷанд” ба маблағи 88,515 доллари ИМА;

“Лоиҳаи барқарорсозии системаи хати обӣ дар ҷамоати Лоиқ Шералӣ”-и шаҳри Панҷакент ба маблағи 90,846 доллари ИМА; “Лоиҳаи сохтмони бино барои шуъбаи бемориҳои сироятии кӯдакона дар беморхонаи марказии ноҳияи Сангвор” бо маблағи 90,802 доллари ИМА;

“Лоиҳаи дастрас намудани таҷҳизоти тиббӣ барои беморхонаи сироятӣ дар шаҳри Душанбе” ба маблағи 89,820 доллари ИМА; “Лоиҳаи дастрас намудани таҷҳизот барои Маркази хизматрасонии калонсолон ва маъюбон дар шаҳри Истаравшан” ба маблағи 10,052 доллари ИМА.

Дар маросими баимзорасии созишномаҳо Сафири фавқулода ва мухтори Япония дар Ҷумҳурии Тоҷикистон Мияшита Такаюки зикр кард, ки лоиҳаҳои Барномаи Ҳукумати Япония дар самтҳои мухталиф дар саросари ҷумҳурӣ амалӣ гашта, дар рушди устувори Ҷумҳурии Тоҷикистон саҳми назарраси худро мегузоранд. Лоиҳаҳои мазкур, бахусус, барои аҳолии минтақаҳои дурдаст шароити мусоид фароҳам меоранд.

Февраль 4, 2020 14:20

Хабарҳои дигари ин бахш

АЗ СОЛИ БАЙНАЛМИЛАЛИИ ОБИ ТОЗА ТО РӮЗИ БАЙНАЛМИЛАЛИИ ЗЕҲНИ СУНЪИИ БЕХАТАР, ҲИФЗШУДА ВА БОЭЪТИМОД. Андешаҳо дар ин маврид
Зеҳни сунъӣ ба яке аз технологияҳои серталабтарини асри рақамӣ аз лиҳози истеъмоли неруи барқ табдил меёбад
Аз ноҳияи Ҷалолиддини Балхӣ ба Қазоқистону Русия лимӯ содирот карда мешавад
Дар Тоҷикистон нахустин маротиба Форуми байналмилалии саноати ангишт доир мегардад
Дар Шаҳринав нақшаи ҷамъоварии пахта 187,4 фоиз иҷро шуд
Дар ноҳияи Ҷалолиддини Балхӣ кишти тиромоҳӣ идома дорад
Дар Тоҷикистон Барномаи савдои электронӣ ба бахши муҳими иқтисодиёт табдил ёфтааст
«Муждаи зафар». Дар ноҳияи Ёвон дурнамои истеҳсоли пахта барзиёд иҷро гардид
Дар даврони соҳибистиқлолии Тоҷикистон ба соҳаи энергетика 30 миллиард сомонӣ равона гардид
АЗ ДАРТМУТ ТО ДУШАНБЕ. Зеҳни сунъӣ нисбат ба қоидаҳое, ки истифодаи онро танзим менамоянд, ба маротиб тезтар рушд мекунад
Дар Минтақаи озоди иқтисодии «Суғд» муассисаҳои таълимӣ ва иншооти саноатӣ бунёд мегарданд
ЗЕҲНИ СУНЪӢ — ИМКОНИЯТ, МАСЪУЛИЯТ ВА ОЯНДАИ ИНСОН. Он ба ҷузъи муҳими ҳаёти инсон табдил ёфтааст