Ҷумъа Давлатов: «Ҷалби занон ба хизмати давлатӣ дар баъзе мақомот қаноатбахш нест»
ДУШАНБЕ, 12.02.2020 /АМИТ «Ховар»/. Ҷалби занон ба хизмати давлатӣ дар баъзе мақомоти давлатӣ қаноатбахш нест. Мо бо ин мақомот соли равон барои пурра намудани сафи занон ва саҳм гузоштани онҳо ба хизмати давлатӣ тадбир меандешем. Баробарии гендерӣ бояд дар ҳама соҳаҳо вуҷуд дошта бошад. Ин нуктаро имрӯз зимни нишасти матбуотии Агентии хизмати давлатии назди Президенти Ҷумҳурии Тоҷикистон директори ин ниҳод Ҷумъа Давлатов ба хабарнигорон иброз намуд.
Мавсуф аз шумораи ками занон дар хизмати давлатӣ изҳори норозигӣ намуда, зикр кард, ки теъдоди умумии занон нисбат ба ҳамин давраи соли сипаригардида 34 нафар коҳиш ёфта, теъдоди занони роҳбарикунанда 6 нафар афзудааст.
Дар баробари ин зикр гардид, ки теъдоди ҷавонони то 35-сола дар хизмати давлатӣ 8437 нафар ё худ 45,5 фоизро ташкил дода, дар мансабҳои роҳбарикунанда теъдоди ҷавонони то 35-сола 1279 нафар ё 22, 6 фоиз мебошад.
Ҳамчунин дар доираи ҳамкории байналмилалии Агентии хизмати давлатӣ дар самти таҳсил ва таҷрибаомӯзии хизматчиёни давлатӣ тадбирҳои мушаххас андешида шудаанд.
Дар баробари ин бо мақсади тақвият додани ҳамкории дуҷониба дар соҳаҳои хизмати давлатӣ, табодули таҷриба оид ба масъалаҳои хизмати давлатӣ лоиҳаи Созишнома оид ба ҳамкории байни Агентии хизмати давлатии назди Президенти Ҷумҳурии Тоҷикистон ва Академияи идоракунии назди Президенти Ҷумҳурии Беларус таҳия гардида, зимни сафари расмии Президенти Ҷумҳурии Тоҷикистон, муҳтарам Эмомалӣ Раҳмон ба ин давлат аз ҷониби ректори Агентии хизмати давлатӣ ва ректори Академияи мазкур дар шаҳри Минск ин Созишнома ба имзо расид.
Агентии хизмати давлатӣ минбаъд низ фаъолиятро дар доираи ваколатҳои худ самаранок ба роҳ монда, барои татбиқи қонунгузории соҳаи хизмати давлатӣ дар мақомоти давлатӣ тадбирҳои зарурӣ роҳандозӣ хоҳад кард.
Дар Кӯлоб бо иштироки Сарвазири Тоҷикистон ҷаласаи Ситоди ҷумҳуриявӣ баргузор шуд
Бо супориши Президенти Ҷумҳурии Тоҷикистон муҳтарам Эмомалӣ Раҳмон Сарвазири Тоҷикистон Қоҳир Расулзода ба шаҳри Кӯлоб сафар намуд
ОГОҲӢ. Дар баъзе шаҳру ноҳияҳои Тоҷикистон то 4 май хавфи сар задани сел боқӣ мемонад
Дар шаҳри Кӯлоб дар пайи бориши пай дар пай сел омада, ба хонаҳои сокинон хисорот расид
Собиқадори хизмати давлатӣ Тоҳир Рашид: «Обод намудани Ватан ибодат ва аз гӯшаи имон аст»
Дар Душанбе густариши ҳамкории Тоҷикистону Покистон дар соҳаи меҳнат ва касбомӯзӣ баррасӣ гардид
Тоҷикистон ва Бавария ҳамкориро дар самти таҳсилоти касбӣ густариш медиҳанд
Оид ба ҳамкорӣ дар самти ҷалби мутахассисони ҷавони соҳибтахассус Ёддошти тафоҳум ба имзо расид
Байни Маркази тадқиқоти стратегии Тоҷикистон ва Маркази тадқиқоти сиёсати хориҷии Узбекистон Ёддошти тафоҳум ба имзо расид
Дар ноҳияи Кӯшониён бо фаъолон ва ҷонибдорони Ҳизби Халқии Демократии Тоҷикистон вохӯрӣ доир шуд
ИМРӮЗ — РӮЗИ УМУМИҶАҲОНИИ ҲИФЗИ МЕҲНАТ. Ба масоили бехатарии меҳнат ва ҳифзи саломатии кормандон таваҷҷуҳи бештар зоҳир мегардад
Ғолиби Фестивали «Сайри гули лола» Сайфиддин Файзиддинов: «Тоҷикон аз қадимулайём гулпарвар буданд»
