Дар Кӯшониён Рӯзи байналмилалии занону духтарон дар илм таҷлил гардид
ДУШАНБЕ, 06.02.2020 /АМИТ «Ховар»/. Дар Донишкадаи энергетикии Тоҷикистон дар ноҳияи Кӯшониё 6 феврал конфронси вилоятӣ бахшида ба Рӯзи байналмилалии занон ва духтарон дар соҳаи илм барпо гардид. Дар кори он муовини вилояти Хатлон Фируза Бурихонзода ва раиси ноҳияи Кӯшониён Икромиддин Вализода иштирок намуданд.
Зикр гардид, ки илм ва баробарии зану мард унсурҳои ҷудонопазири ноил гаштан ба ҳадафҳои рушд мебошанд, аз ҷумла, он барномаҳое, ки дар рӯзномаи пешрафти устувори соли 2030 омадаанд. Тӯли 15 соли охир ҷомеаи ҷаҳонӣ бо ҷалби занону духтарон дар илм ба комёбиҳои назаррас ноил гардид. Бо вуҷуди ин, занону духтарон то ҳанӯз дар ин ҷода ба маҳдудиятҳо дучор меоянд.
Дар умум, дар вилояти Хатлон ҳоло 66 олима фаъолият доранд.
Бояд зикр намуд, ки солҳои 2020-2040 дар Тоҷикистон «Биссолаи омӯзиш ва рушди илмҳои табиӣ, дақиқ ва метематика дар соҳаи илм ва маориф» эълон шудаанд. Аз ин рӯ, барои ҷалби бештари занону духтарон ба омӯзиши илмҳо тадбирҳои иловагӣ андешида мешаванд.
Дар ҷараёни конфронс олимаҳо аз донишгоҳҳои Бохтар, Кӯлоб ва ноҳияи Данғара маърӯзаҳо манзур намуданд.
Тавре Фирӯза Бурихонзода иброз дошт, шумораи заноне, ки машғули корҳои илмиянд, сол аз сол меафзояд. «Ин шаҳодати он аст, ки роҳбарияти мамлакат ба нақши занон дар ҷомеа таваҷҷуҳи махсус зоҳир менамояд»,- гуфт ӯ.
Дар ҷамъбасти конфронс олимаҳои хизматнишондода бо ифтихорномаҳо қадрдонӣ гардиданд.
Ёдрас мешавем, ки Рӯзи байналмилалии занон ва духтарон дар соҳаи илм ҳамсола 11 феврал ҷашн гирифта мешавад.
Оид ба дастовардҳои соҳаи меҳнат, муҳоҷират ва шуғли аҳолӣ дар даврони Истиқлолияти давлатӣ конференсияи илмӣ–амалӣ доир гардид
Самтҳои афзалиятноки рушди таҳсилоти касбӣ бо намояндагони Бонки Осиёии Рушд баррасӣ гардид
ОГОҲӢ! Аз 21 то 24 август дар баъзе минтақаҳои Тоҷикистон омадани сел пешгӯӣ мешавад
Натиҷаҳои амалишавии Лоиҳаи «Беҳтарсозии малакаҳои касбӣ ва имконияти бокортаъминшавӣ» баррасӣ гардид
Дар Тоҷикистон беш аз 5 ҳазор муассисаи тандурустӣ фаъолият мекунад
Умед Бобозода ва Муҳаммад Рошид Ал-Амирӣ масоили ҳифзи ҳуқуқи инсонро баррасӣ намуданд
Бахшида ба ҷашни 35-солагии Истиқлоли давлатӣ дар шаҳри Душанбе барномаи фарҳангӣ доир шуд
Дар Душанбе ба муносибати Рӯзи кормандони соҳаи тиб ҳамоиши тантанавӣ баргузор гардид
Дар ноҳияи Восеъ бо иштироки Сарвазири Тоҷикистон иншооти иҷтимоӣ ва роҳҳои нав ба истифода дода шуданд
Эмомалӣ Раҳмон: «Ному осори Абуалӣ ибни Сино боиси сарфарозии тамоми инсоният гардидааст»
Эмомалӣ Раҳмон: «Саломатии аҳолӣ сарвати асосии давлат мебошад»
Бо дастури Пешвои миллат ба оилаи аз офати табиӣ зарардида дар Кӯлоб хонаи нави истиқоматӣ тақдим гардид
